Мыекъопэ къэралыгъо технологическэ университетым и «Точка кипение» ныбжьыкIэ проектхэу «уигухэлъ факIу» зыфиIоу ригъэкIокIыхэрэм и Урысые зэнэкъокъу ифиналистхэр щызэIукIагъэх, яIофшIагъэхэр осэшIмэ апашъхьэ аралъхьагъэх.

ГъэсэныгъэмкIэ Урысыем и Министерствэ иинтеллектуальнэ зэнэкъокъухэм я сатыр илъэсих хъугъэу мы проектыр хахьэ, гъэсэныгъэ-зэнэкъокъу программэу щыт, лъэныкъо пэпчъ эксперт пэрытмэ мастер-классхэр щызэхащэх.

Урысыем ишъолъыр 11-мэ якомандэ 200-м ехъумэ заявкэхэр къатыгъэх мыщ хэлэжьэнхэу, финалым командэ 62-рэ ихьагъэр. Ахэмэ ащыщых Адыгэ Республикэр, Воронежскэ, Новгородскэ, Саратовскэ, Тульскэ, Пензенскэ хэкухэр; Краснодар краир, Москва, Удмуртиер.

ОсэшIхэм ахэтыгъэх: маркетингымкIэ, сервисымкIэ ыкIи зекIонымкIэ кафедрэм идоцентэу, МКъТУ-м и «Точка кипение» ипрограммнэ пащэу Светлана Новиковар; МКъТУ-м цифровизациемкIэ ипроректорэу Дмитрий Игнатовыр; АСИ-м иметодологиеу «Сервис-дизайным» иэкспертэу Анастасия Нетребинар; сэнэхьатхэм якъыхэхын ыкIи апшъэрэ еджапIэм чIэхьащтхэм ягъэхьазырын Гупчэ ипащэу Олег Франко; МКъТУ-м и Студенческэ научнэ обществэ ипащэу Надежда Продиблох; ландшафтнэ архитектурэм ыкIи мэз Iофхэм якафедрэ идоцентэу, мэкъу-мэщ шIэныгъэхэмкIэ кандидатэу Наталья Трушевар; Урысые обществэу «ШIэныгъэм» ишъолъыр къутамэ ипащэу Галина Измайловар.

Командэмэ япроектхэр мыщ фэдэ лъэныкъохэмкIэ къагъэлъэгъуагъэх: «Зэтегъэпсыхьэгъэныр»; «ГуфэкIоныгъэр». Мы мафэм экспертхэр къин хэтыгъэх, анахь дэгъур къыхэпхыныр Iофыгъо псынкIэу щытыгъэп.

«Зэтегъэпсыхьэгъэныр» зыфиIорэ лъэныкъомкIэ дипломхэр зыфагъэшъошагъэхэр:

Илъэс 14-18-рэ зыныбжьхэр зыхэт купхэр:

— «Астрономическэ площадкэу еджапIэм ищагу дэтыр» — I-рэ степень зиIэ диплом;

— «ЕджапIэм ыкIи поселкэм ящыкIэгъэ чъыгхэр гъэтIысхьэгъэнхэм фэшI еджэпIэ щагум остыгъэй чъыг лъэпкъхэр щыгъэтIысхьэгъэнхэр» — я 2-рэ степень зиIэ диплом;

— «ШIэжьым игъогу» — я 2-рэ степень зиIэ диплом;

— «ЕджапIэм иоазис» — я 3-рэ степень зиIэ диплом;

— « Класс уцышъу» — я 3-рэ степень зиIэ диплом;

— «ТикIэсэ еджэпIэ щагу!» — я 3-рэ степень зиIэ диплом.

Илъэс 19-25-рэ зыныбжь купхэр:

— «ПкIашъэу къетэкъохыжьыгъэмэ тхьапэ ахэшIыкIыгъэныр инновационнэ шIыкIэр къызфагъэфедэзэ» — я 2-рэ степень зиIэ диплом;

— «ГабионхэмкIэ зэтебгъэпсыхьаныр» — я 3-рэ степень зиIэ диплом;

— «А.П.Т.Э.К.А» — я 3-рэ степень зиIэ диплом;

— «Унашъхьэр зыгъэпсэфыпIэ чIыпIэу пшIыныр» — я 3-рэ степень зиIэ диплом.

Лъэныкъоу «ГуфэкIоныгъэр» зыфиIорэмкIэ дипломхэр зыфагъэшъошагъэхэр:

Илъэс 14-18-рэ зыныбжь купхэр:

— «Тэ дгъэсагъэмэ апае пшъэдэкIыжь тэхьы» — I-рэ степень зиIэ диплом;

— «ПДД театр!» — я 2-рэ степень зиIэ диплом;

— «ШIу зиIэ гур» — я 2-рэ степень зиIэ диплом;

— «Культурэмрэ гъэсэныгъэмрэ» — я 3-рэ степень зиIэ диплом;

— «НэмыкIмэ тадеIэзэ тэри зыкъэтэIэты»— я 3-рэ степень зиIэ диплом;

— «ЗыпхырыкIыхэрэ щагу» — я 3-рэ степень зиIэ диплом;

Зыныбжь илъэс 19-25-м ит купхэр:

— «Тедзэ гъэсэныгъэ программэу «Iэнэ кIыIу джэгукIэу «Фудсоветыр» агъэфедэзэ шIыкIакIэхэр ягъэшIэгъэнхэр» — I-рэ сепень зиIэ диплом;

— «Нэфынэм инэбзыибл» — я 2-рэ степень зиIэ диплом;

— «ШIу пшIэныр» — я 2-рэ степень зиIэ диплом;

— «Адыгееу дышъэр» — я 3-рэ степень зиIэ диплом;

— «Зэфэдэхэу» — я 2-рэ степень зиIэ диплом;

— «ШIур зыгу илъхэр» — я 2-рэ степень зиIэ диплом.

ТекIоныгъэ къыдэзыхыгъэмэ тафэгушIо! Джыри нахь лъэгапIэхэм анэсынхэу, ягухэлъхэр щыIэныгъэм щыпхыращынхэу тафэлъаIо!

Шъугу къэдгъэкIыжьын, текIоныгъэ къыдэзыхыгъэхэм ыкIи апэрэ чIыпIищмэ ахэфагъэхэм ЗыкI ушэтынхэм къащахьырэ баллхэм джыри 10 ыкIи 8 афыхагъэхъощт, МКъТУ-м чIэхьанэу къыхахымэ ары.

Ащ фэшъхьафэу, текIоныгъэ къыдэзыхыгъэхэм якъэбархэр фондэу «Сэнаущыгъэр ыкIи гъэхъагъэхэр» зыфиIорэм IэкIагъэхьащтых, ащ ишIуагъэкIэ Урысые Федерацием и Президентэу Владимир Путиным грантэу къытыхэрэмэ ахэфэнхэ алъэкIыщтых.