Мы мафэхэм Адыгэ Республикэм щыпсэурэ кIэлэцIыкIухэм ыкIи зихэхъогъухэм япсауныгъэ къэухъумэгъэным шIэныгъэ екIолIакIэ фэшIыгъэным фэгъэхьыгъэ зэхэсыгъо щыIагъ, ащ мы лъэныкъомкIэ ведомствэхэр зэрэщызэдэлэжьэщтхэр щагъэнэфагъэх.

Зэхэсыгъор къызэIуихыгъ шIэныгъэ IофшIэнымкIэ ыкIи иновационнэ хэхъоныгъэмкIэ МКъТУ-м ипроректорэу Татьяна Овсянниковам.

IофшIэгъу зэхэсыгъом хэлэжьагъэхэр: Роспотребнадзорым къэбзэныгъэмкIэ комплекснэ гумэкIыгъохэм я Институтэу ФБУН «ФНЦ гигиены им. Ф.Ф.Эрисмана» зыфиIорэм инаучнэ пащэу Владислав Кучма; Адыгэ Республикэм псауныгъэр къэухъумэгъэнымкIэ и Министрэ игуадзэу Хьагъэудж Марет; Роспотребнадзорым и ГъэIорышIакIоу Адыгэ Республикэм щыIэм ипащэ ипшъэрылъхэр зыгъэцакIэрэ Бгъуашэ Саид; МКъТУ-м илечебнэ факультет идеканэу, доцентэу Беслъангъур Зарем; Адыгэ Республикэм икIэлэцIыкIу сымэджэщ иврач шъхьаIэу, МКъТУ-м ипедиатрическэ факультет идеканэу Гъуагъо Жанна; физиологием ыкIи патологием икафедрэ ипащэу, доцентэу Цуамэкъо Ася; физиологием ыкIи патологием икафедрэ ипрофессорэу Аджырэ Аслъан; физиологием ыкIи патологием икафедрэ ипрофессорэу Сергей Лысенковыр, физиологием ыкIи патологием икафедрэ икIэлэегъаджэу Саида Нанкуевар ыкIи нэмыкIхэр.

Адыгэ Республикэм щыпсэурэ кIэлэцIыкIухэм ыкIи зихэхъогъухэм япсауныгъэ къэухъумэгъэнымкIэ шIэныгъэ лъэныкъо шъхьаIэхэу ведомствэхэр зэрэзэдэлэжьэщтхэр Цуамэкъо Асе къыгъэнэфагъэх:

1. Медикэ-профилактическэ лъапсэ иIэу гъэсэныгъэр цифрэм зыщыхэт уахътэм кIэлэцIыкIухэр егъэджэгъэнхэр.

— Цифрэ еджапIэр рагъаджэрэмэ япсауныгъэ зэрехъулIэрэр, зэрэхэгъуазэхэрэр;

— ПАК-кIэ цифрэ технологиехэм языпкъитыныгъэ уасэ тэрэз фэшIыгъэныр;

— Цифрэм иегъэджэн амалхэр;

— Къэбзэныгъэм ылъэныкъокIэ уасэу гъэсэныгъэ технологиехэм афашIырэр, ащ цифрэм иегъэджэн амалхэр къыщыдалъытэхэзэ;

— Цифрэм иегъэджэн амалхэм къэбзэныгъэм ылъэныкъокIэ уасэу къафашIырэр;

—Унэм кIэлэцIыкIухэр зэрэщырагъаджэхэрэр ыкIи зэрэщапIухэрэр;

— Гъэсэныгъэ организациехэм кIэлэцIыкIухэр зэрэщырагъаджэхэрэр ыкIи зэрэщапIухэрэр .

2. Гурыт профессиональнэ гъэсэныгъэм исистемэ модернизацием иамалхэр къыщыдэлъытагъэхэу медикэ-профилактическэ шъолъыр системэм шIэныгъэ лъапсэ фэшIыгъэныр.

3. Адыгэ Республикэм щыпсэурэ кIэлэцIыкIухэм ыкIи зихэхъогъухэм апае физическэ хэхъоныгъэхэм яшапхъэхэр зэхэгъэуцогъэнхэр.

4. Физиологэ-гигиеническэ ыкIи психологическэ лъапсэ зиIэ профориентацием итехнологиехэр ыкIи еджэным зихэхъогъухэр фэгъэблыгъэнхэр.

ШIэныгъэ ушэтынхэм алъэныкъо шъхьаIэхэр гъэнэфэгъэнхэм афэгъэхьыгъэ зэхэгущыIэжьым хэлэжьагъ профессорэу Владислав Кучма, ащ къыхахыгъэ IофшIагъэхэм уасэ къафишIыгъ ыкIи ахэр зэрагъэфедэщт шIыкIэхэм ягугъу къышIыгъ.

Профессорэу Аджырэ Аслъан проектэу Министрэхэм я Кабинет ыштэщтыр гъэхьазырыгъэн фаеу ылъытагъ, ар ведомствэхэм къыхахыгъэ лъэныкъохэм ягъэцэкIэн фэIорышIэнэу щыт. Джащ фэдэу зэхэгущыIэжьым хэлэжьагъэх Хьагъэудж Маретэ, Бгъуашэ Саидэ, Беслъангъур Заремэ, Гъуагъэ Жаннэ, Сергей Лысенкэр.

Ведомствэхэр зэдэлажьэхэрэ шIэныгъэ лъэныкъо шъхьаIэхэр гъэцэкIэгъэнхэмкIэ программэу щыIэр нахьышIу шIыгъэным фэшI предложениехэр къахьыгъэх, ахэр кIэлэцIыкIухэм ыкIи зихэхъогъухэм япсауныгъэ икъэухъумэн афэгъэхьыгъэх ыкIи ащ фэдэ программэу АР-м иIэм хагъэхьагъэх.