Технологическэ предпринимательствэм идунае щыкъэбархэр!
Тхьэмафэм къыкIоцI Мыекъопэ къэралыгъо технологическэ университетым тренинг программэу «Технологическэ предпринимательствэр — «Бизнес-интенсив ТехПред» зыфиIорэм ылъапс» зыцIэмкIэ студентхэр рагъэджагъэх.
Къыблэ федеральнэ университетым испециалистхэм технологическэ предпринимательствэм ылъэныкъокIэ опытэу аIэкIэлъымкIэ тренингым студентхэм къащыдэгощагъэх. Ахэр студентмэ IэпыIэгъу къафэхъугъэх теоретическэ аспектхэм къакIэрыкIынхэшъ, бизнес технологиехэр атIупщынхэмкIэ, практическэ Iэмэ-псымэхэр агъэфедэнхэмкIэ, проектыр зэхагъэуцошъунымкIэ. Зы мафэ тренингхэм бизнес-планым изэхэгъэуцон, маркетингым истратегие, продуктыр бэдзэрым щыIугъэкIыгъэным пае ашIэн фаехэм ащыдэлэжьагъэх. ЗещакIохэм джащ фэдэу ягугъу ашIыгъ стартапхэм ахъщэ зэрапаIуагъэхьащт шIыкIэм, ар ныбжьыкIэ предпринимательхэмкIэ мэхьанэ зиIэ Iофыгъу.
МКъТУ-м и Акселераторэу «ИнноВектор» зыфиIорэ программэм къыдыхэлъытагъэу тренингым хэлажьэрэмэ япроектхэр зэхагъэуцуагъэх, Iоф зыдашIэхэрэр аухыжьыгъэх, Урысые зэнэкъокъоу «Уигухэлъ факIу» зыфиIорэм фагъэхьазырыхэрэм адэлэжьагъэх.
Программэм зэрэпхырыкIыгъэхэм фэшI ныбжьыкIэмэ тафэгушIо, технологическэ предпринимательствэм ылъэныкъокIэ ягухэлъхэр къадэхъунхэу тафэлъаIо!