Урысые обществэу «ШIэныгъэм» игъэсэныгъэ программэ къыдыхэлъытагъэу Лицееу № 34-м зэIукIэ-лекцие зэкIэлъыкIохэр щыкIуагъэх, ахэр зыфагъэхьыгъэхэр республикэм иапшъэрэ еджапIэмэ япащэхэр, якIэлэегъаджэхэр ыкIи студентхэр ары.

Студентхэмрэ кIэлэеджакIохэмрэ гъэсэныгъэ ыкIи интерактивнэ площадкэ гъэшIэгъонхэр афызэхащэгъагъэх, ныбжьыкIэ политикэу шъолъырым щызэрахьэрэр, ныбжьыкIэмэ амалэу къаратырэр, хэхъоныгъэу арагъэшIыхэрэмэ афэгъэхьыгъэ лекциехэм къащыфеджагъэх, гуфэкIо IофшIэныр зэрэзэхащэрэм, унэгъо Iофхэм ащагъэгъозагъэх.

ЗещакIомэ ащыщыгъэх МКъТУ-м ныбжьыкIэ политикэмкIэ проректорэу БрантIэ Мурат, МКъТУ-м ипсихологическэ къулыкъу ипащэу Людмила Красновар, модэм истуденческэ театрэу «Kstar» зыфиIорэм ипащэу КIэдэкIое Нафсэт ыкIи ныбжьыкIэмэ я Дунэе фестиваль щыIагъэхэр.

Iофтхьабзэм щызэрагъэшIагъэмэ ащыщых ныбжьыкIэхэр грантовэ зэнэкъокъоу «Росмолодежь» зыфиIорэм зэхищэрэм, шIэныгъэ зэнэкъокъухэм ыкIи олимпиадэхэм зэрахэлэжьэшъущтхэр, ахэмэ ащыщых кIэлэеджакIомэ яолимпиадэу СПбГУ-м зэхищэрэр, «Ломоносовыр», «Покори Воробьевы горы» зыфиIорэр ыкIи кIэлэеджакIомэ я Урысые олимпиадэу «Высшая проба» зыцIэр. МКъТУ-м истудентмэ джащ фэдэу къаIотагъ лъэтегъэуцохэр зэрэрагъэкIокIыхэрэр, псалъэ къэпшIыным пылъ Iофыгъохэр.

Модэм истуденческэ театрэу «Kstar» зыфиIорэм ипащэу КIэдэкIое Нафсэт къыIотагъэхэр кIэлэеджакIомэ лъэшэу ашIогъэшIэгъоныгъэх, ащ непэрэ щыгъынхэм хабзэу щыIэр хэгъэщагъэу, тарихъыр, зыми фэмыдэ технологиехэр къызфэбгъэфедэхэзэ зэрэбгъэхьазырыщтхэм щигъэгъозагъэх.

Къыхэдгъэщын, КIэдэкIое Нафсэт япащэу «бортпроводницэмэ» афадыгъэ кIакIохэр ныбжьыкIэмэ я Урысыем фестиваль къыщагъэлъэгъуагъэх.

КIакIоу адыгъэмэ шапхъэу щыгъыным пылъын фаехэр ащагъэфедагъэх, ау ащ дакIоу адыгэмэ ябзылъфыгъэ шъуашэмэ янэшанэхэри къащыхагъэщыгъэх.

«Мыщ фэдэ шапхъэм илъ Iофтхьабзэмэ ныбжьыкIэхэр зэфащэх, гукъэкIыкIэхэмрэ творческэ проектыкIэхэмрэ агъэцэкIэнхэмкIэ яамалхэр зэхалъхьэх, зэдеIэжьых, — къыхигъэщыгъ Урысые обществэу «ШIэныгъэм» иреспубликэ къутамэ ипащэу Галина Измайловам.