Мыекъопэ къэралыгъо технологическэ университетым кIэлэеджэкIо олимпиадэмэ ащытекIуагъэхэр къащыхагъэщыгъэх.

Мэзэе мазэм МКъТУ-м профориентациемкIэ ыкIи апшъэрэ еджапIэм ипэублэ гъэхьазырынымкIэ и Гупчэ олимпиадэхэр щызэхащагъэх, ахэмэ къалэхэу Мыекъуапэ, Адыгэкъалэ, Шытхьалэ ыкIи Адыгэ Республикэм ирайонхэм ягъэсэныгъэ гупчэ 31-мэ якIэлэеджэкIо 200-м ехъу ахэлэжьагъ.

ШIуфэс гущыIэхэмкIэ торжественнэ зэхахьэм хэлажьэрэмэ закъыфигъэзагъ МКъТУ-м профориентациемкIэ ыкIи апшъэрэ еджапIэм ипэублэ гъэхьазырынымкIэ и Гупчэ ипащэу Олег Франко: «Гъэсэныгъэмрэ шIэныгъэмрэ ягъогоу шъузтетым гъэхъэгъэшхохэр зэращышъушIыхэрэм пае рэзэныгъэ гущыIэхэр къышъупэзгъохы сшIоигъу! Тэ Мыекъопэ къэралыгъо технологическэ университетым Iоф щызышIэхэрэм тицыхьэ пытэ телъ олимпиадэхэр неущрэ мафэм къыщыддэхъущтхэм якъежьапIэу зэрэщытхэм. Тэ шIэныгъэ дэгъухэмкIэ тыкъыжъудеIэ тшIоигъу!»

МКъТУ-м зэрэчIахьэхэрэ Шапхъэм елъытыгъэу олимпиадэхэм зэрахэлэжьагъэхэмрэ чIыпIэу къащахьыгъэхэмрэ мэхьанэ яIэу щыт, балл тедзэхэр яушэтынхэмкIэ къахьыгъэхэм афытырагъахъо.

Олимпиадэмэ ащытекIуагъэхэр:

БиологиемкIэ: Анцокъо Дарин —Адыгэ республикэ гимназием ия 11-рэ класс щеджэ.

ТарихъымкIэ: Егор Юцайтисыр —гурыт еджапIэу Nº 28-м ия 11-рэ класс щеджэ.

ХьисапымкIэ: Виктория Ким —еджапIэу Nº 21-м (Тэхъутэмыкъое район) ия 10-рэ класс икIэлэеджакIу.

ОбществознаниемкIэ: Валерия Тарарыкинар —гурыт еджапIэу Nº 28-м ия 10-рэ класс щеджэ.

УрысыбзэмкIэ: УдыкIэкIо Джэнэт —Адыгэ республикэ гимназием ия 10-рэ класс щеджэ; ШакIо Диан —гурыт еджапIэу Nº 5-м (Кощхьэблэ район) ия 10-рэ класс щеджэ.

ХимиемкIэ: Мэщыкъо Джэнэт — Лицееу Nº I19-м ия 11-рэ класс щеджэ.

Олимпиадэм чIыпIэ гъэнэфагъэхэр къыщызыхьыгъэхэр:

БиологиемкIэ: Александра Жидковар — Адыгэ республикэ гимназием ия 11-рэ класс щеджэ, я II-рэ чIыпI; Карина Огановар —гъэсэныгъэ гупчэу Nº 6-м ия 10-рэ класс щеджэ, я II-рэ чIыпI; Олег Бредихиныр —гурыт еджапIэу Nº 13-м ия 11-рэ класс щеджэ, я ІІ-рэ чIыпI; Полина Стереховар — Адыгэ республикэ гимназием ия 10-рэ класс ис, я III-рэ чIыпI; Тимур Кушыр —эколого-биологическэ лицееу Nº 35-м ия 10-рэ класс щеджэ, я III-рэ чIыпI; Эдгар Туманяныр —гурыт еджапIэу Nº 3-м ия 11-рэ класс щеджэ, я III-рэ чIыпI; Анна Скрябинар —гъэсэныгъэ гупчэу Nº 1-м ия 11-рэ класс щеджэ (Мыекъопэ район), я III-рэ чIыпI; Александр Клещетниковыр —гурыт еджапIэу Nº 27-м ия 10-рэ класс щеджэ (Тэхъутэмыкъое район), я III-рэ чIыпI.

ТарихъымкIэ: Павел Кравцовыр — гурыт еджапIэу Nº 23-м ия 10-рэ класс щеджэ, я ІІ-рэ чIыпI; ХъуакIо Дамир —гурыт еджапIэу Nº 9-м ия 11-рэ класс щеджэ, я II-рэ чIыпI.

ХьисапымкIэ: Виктория Дебердеевар —гурыт еджапIэу Nº 27-м ия 10-рэ класс щеджэ (Тэхъутэмыкъое район), я II-рэ чIыпI; Илья Овсепьянцыр —гурыт еджапIэу Nº 27-м ия 10-рэ класс щеджэ (Тэхъутэмыкъое район),я III-рэ чIыпI; Диана Москвичёвар —эколого-биологическэ лицееу Nº 35-м ия 10-рэ класс щеджэ, я III-рэ чIыпI.

ОбществознаниемкIэ: Битэ Самира —республикэ гимназием ия 10-рэ класс щеджэ, я II-рэ чIыпI; Полина Стереховар —Адыгэ республикэ гимназием ия 10-рэ класс щеджэ, я II-рэ чIыпI; Нагъэрэкъо Залина — гурыт еджапIэу Nº 2-м ия 11-рэ класс икIэлэеджакIу, я ІІ-рэ чIыпI; Анастасия Хандогинар —гурыт еджапIэу Nº 28-м ия 10-рэ класс щеджэ, я III-рэ чIыпI.

УрысыбзэмкIэ: Былымыхьэ Тамил — Адыгэ республикэ гимназием ия 11-рэ класс ис, я ІІ-рэ чIыпI; Алихан Паковыр — гурыт еджапIэу № 7-м ия 10 класс ис, я III-рэ чIыпI; Георгий Гвинепадзер —Женя Поповам ыцIэ зыхьырэ лицееу Nº 8-м ия 11-рэ класс щеджэ, я ІІІ-рэ чIыпI.

ХимиемкIэ: Олег Обознэр —лицееу Nº 19-м ия 11-рэ класс ис, я ІІ-рэ чIыпI.

МКъТу-м иректорэу Къуижъ Саидэ зыкIэтхэжьыгъэ Рэзэныгъэ тхылъхэр гъэсэныгъэ учреждениемэ якIэлэегъаджэхэу ыкIи япащэхэу кIэлэеджакIохэр олимпиадэхэм афэзгъэхьазырыгъэхэм аратыжьыгъэх.

Чемпион ныбжьыкIэхэу МКъТУ-м иабитуриентыщтхэм тафэгушIо. Джыри ащ фэдэ гъэхъэгъабэхэр яIэнхэу, ушэтынэу къапыщылъхэр дэгъу дэдэкIэ атынхэу тафэлъаIо!