Непэ МКъТУ-м икорпус шъхьаIэ хэт актовэ залым Медицинскэ институтым иаужырэ курс щеджэрэ студентхэм апае гъэсэныгъэ Iофтхьабзэ щыкIуагъ.

Терапевтическэ ыкIи зэхэпхъэгъэ сэнэхьатхэм арылэжьэщт врачхэм афэгъэхьыгъэ гъэсэныгъэ еджапIэм хэгъэгум ичIыпIэ зэфэшъхьафхэм ащылажьэрэ экспертхэр къыщыгущыIагъэх.

Къэзэрэугъоигъэхэм шIуфэс гущыIэхэмкIэ закъыфигъэзагъ ЕджапIэм изэхэщакIоу, медицинэ шIэныгъэхэмкIэ докторэу, Евдокимовым ыцIэ зыхьырэ МГМСУ-м илечебнэ факультет терапиемкIэ ыкIи профилактическэ медицинэмкIэ икафедрэ ипрофессорэу, Урысыем игастроэнтерологхэм я ШIэныгъэ обществэ ипрезидентэу Леонид Лазебникым. Ащ къыIуагъ врач-терапевтхэм, псауныгъэм икъэухъумэн иапэрэ звено щылажьэхэрэм яIэпэIэсэныгъэ хэгъэхъогъэным мэхьанэшхо зэриIэр.

Iофтхьабзэм лъэныкъуищымкIэ докладхэр къыщашIыгъэх: МосковскэмкIэ, КраснодарскэмкIэ ыкIи МыекъуапэмкIэ. Конференцием хэлэжьагъэх лечебнэ факультетым фэшъхьафэу стоматологическэ ыкIи педиатрическэ факультетхэм ястудентхэр. Апшъэрэ еджапIэр къызаухырэ ужым, ахэр IэзапIэмэ ащылажьэхэзэ коморбиднэ сымаджэхэм яолIэщтых.

Джары симпозиумхэм ащыщэу еджапIэм къыдыхэлъытэгъагъэр неврологическэ ыкIи кардиологическэ еплъыкIэхэу коморбидностым фыряIэм зыкIыфагъахьыгъэр.

Джащ фэдэу, студентмэ къафашIыгъэх докладхэу гриппым ыкIи ОРВИ-м фэгъэхьыгъэхэр.

КIэтIэй узыбэ пщэр хъухэрэм къызэряузхэрэм бэ къатегущыIагъэр. А секцием къыщыгущыIагъ медицинэ шIэныгъэхэмкIэ докторэу, МКъТУ-м и Медицинскэ институт госпитальнэ терапиемкIэ ыкIи диплом ужым агъотырэ гъэсэныгъэмкIэ икафедрэ ипащэу Елена Лялюковар, ар стеатотическэ узэу шIум иIэм фэгъэхьыгъэ доклад къышIыгъ. А кафедрэм иаспирантэу Хьалэщтэ Айдэмыркъан «Пщэрыгъэм къыхэкIэу узырэ шIум ифенотипхэр: щтагъор зыфэдизыр зэтэгъашIэ» зыфиIорэ темэм къытегущыIагъ. КIэлэегъэджэ шъхьаIэу ТхьакIущынэ И.А. аутофагиеу цIыф пщэрмэ яIэм игугъу къышIыгъ.

Студентхэр чанэу зэхэгущыIэжьым хэлэжьагъэх, ахэмэ ащыщхэр МКъТУ-м икIэлэегъаджэмэ докладхэр адагъэхьазырыгъэх. Конференцием икIэухым зэфэхьысыжьхэр ашIыгъэх ыкIи упчIэу къыщаIэтыгъэхэр

зэхафыгъэх.