Апэрэ зэнэкъокъу мафэм лъэныкъоу «Рестораннэ сервисыр» зыфиIорэмкIэ модулэу Б «Кафе» зыцIэ гъэцэкIэныр къашIынэу щытыгъ.

Экспертмэ мыщ фэдэ лъэныкъохэмкIэ зэнэкъокъум хэлажьэрэмэ уасэ афашIыгъ:
1. ШэкIым Iоф дэшIэгъэныр: уахътэ пылъэу зэкIоцIыплъхьаныр Tablebox (такъикъи 5) ыкIи шэкI салфеткэхэр зэфэшъхьаф шIыкIэ 15-кIэ зэкIоцIыплъхьанхэр (такъикъи 9).
2. Кафе-«Бизнес-ланчым» иIофшIэн ригъэжьэным фэбгъэхьазырыныр: хьакъу-шыкъухэр бгъэхьазырынхэр, хьакIэхэм ящыкIэгъэщт приборхэр Iанэм теплъхьанхэр, нэбгыритIум Iанэр афытебгъэпсыхьаныр.
3. Iанэм пэсхэр пхьэкIэнхэр, ашхыщт нахь макIэр апэбгъохыныр.
4. Шъон пытэхэр зэхэпфынхэр (такъикъи 10).

Модулэу Б-кIэ зэнэкъокъугъэмэ зэкIэмэ ухьазырныгъэ дэгъу къагъэлъэгъуагъ.

ЯтIонэрэ ыкIи ящэнэрэ зэнэкъокъу мафэм хэлажьэрэм лъэныкъоу «Рестораннэ сервисыр» зыфиIорэмкIэ модулэу В-м «Барыр ыкIи кофейнер. Стойкэ кIыбым Iоф щыпшIэныр» ыкIи Г-м «Шъонхэр чIэпхынхэр» зыфиIохэрэмкIэ зэнэкъокъугъэх.

Экспертмэ мыщ фэдэ лъэныкъохэмкIэ зэнэкъокъум хэлажьэрэмэ уасэ афашIыгъ:
1. Кофейнэ картэмкIэ къычIэхьэрэ хьакIэхэм уапэгъокIыныр ыкIи пхьэкIэнхэр. Зэнэкъокъум хэлажьэрэмэ шъони 4 хьакIитIумэ аратынэу щытыгъ, классическэ линейкэм щыщэу 2 ыкIи авторскэ шъонхэм ащыщэу 1. ХэушъхьафыкIыгъэу гъэцэкIэным хэтыгъэр а зы уахътэм хьакIэхэм шъонхэри шхыныгъохэри аратынхэр ары.
2. Барнэ картэмкIэ къычIэхьэрэ хьакIэхэм уапэгъокIыныр ыкIи пхьэкIэнхэр. Зэнэкъокъум хэлажьэрэмэ шъон зэфэшъхьафи 4 хьакIитIумэ апагъохынэу щытыгъ. Шъон пчъагъэу зы нэбгырэм телъытагъэр гъэнэфэгъагъэп..

Модулэу Г-м кофейнем къычIэхьагъэмэ уадэгущыIэнымкIэ гъэцэкIэныр къыдилъытэщтыгъэ, шхыныгъохэр чIэзыхырэмэ язакази Iоф дашIэнэу щытыгъ. Зэнэкъокъум хэлажьэрэмэ IофшIэпIэ чIыпIэр агъэпсыгъ, ащ шъон чъыIэу тIурэ шъон стырэу тIурэ щагъэхьазырыгъ, зэгъусэхэу а зы уахътэм аратыгъэх.

ЗэкIэмэ гъэцэкIэнхэр дэгъу дэдэу къадэхъугъэх.

Ящэнэрэ зэнэкъокъу мафэм лъэныкъоу «Предпринимательствэр» зыфиIорэмкIэ модулитIоу «Техникэ-экономическэ лъапсэу проектым иIэр» ыкIи «Фирмэм (проектым) илъэтегъэуцо ыкIи илъыгъэкIотэн» зыфиIохэрэмкIэ зэнэкъокъугъэх.

Мы модулымкIэ ашIэнэу щытыгъэр:

- бюджет инвестициехэр зэхэгъэуцогъэнхэр;

- проектым пэIухьащт ахъщэр гъэнэфэгъэныр, ар къызкIыхэпхыгъэр къэбгъэшъыпкъэжьыныр (кредитхэр, займхэр, субсидиехэр, грантхэр, краудфандингыр ыкIи нэмыкIхэр );

- уасэр къызхэкIырэр бгъэунэфыныр (хъарджмэ ястатьяхэр, федэ къэкIуапIэхэр);

- хъарджхэмрэ федэхэмрэ яплан зэхэгъэуцогъэныр – БДР-р (маркетинговэ ушэтынхэм къагъэлъэгъуагъэхэмкIэ пщагъэм ыосэ шъыпкъэ бгъэунэфыныр, ащ хъарджэу фэхъугъэхэр, кредитхэмкIэ процентэу птыгъэхэр, займхэр, амортизациер, бюджетым хэмыхьэрэ хэбзэIахь зэфэшъхьафхэу птыгъэхэр, хэбзэIахьхэр, ахэр зэкIэ зыхэкIыжьыхэрэ ужым, федэ шъыпкъэр бгъэунэфыныр);

- хэбзэIахьхэм якъэлъытэнрэ ятынрэ, бюджетым щымыщ фондхэм афэптIупщыгъэхэр къэплъытэжьынхэр, лъапсэу яIэр бгъэунэфыныр;

- проектым изытет, ащ лъапсэу фэхъугъэр бгъэунэфыныр (проектым хэхъоныгъэу ебгъэшIыгъэр, зэрэпщагъэр, инвесторхэм якъещэлIэн);

- экономическэ эффектэу проектым къытырэр къэплъытэныр.

Федэу къакIорэмрэ хъарджэу ашIыхэрэмрэ якъэлъытэн шъыпкъэм пэблагъэхэу, тэрэзхэу щытынхэ фэягъэ. Ащ фэшъхьафэу, унаIэ теудзэн фае, зэрэщытынэу щытымрэ зы лъэныкъомкIэ, ыкIи практикэм къызэригъэлъагъорэмкIэ адрабгъумкIэ. Зэнэкъокъум хэлажьэрэмэ къагурыIон фае, осэшIмэ а цифрэхэр зэрауплъэкIужьыщтхэр ыкIи шъыпкъэм пэблагъэхэмэ зэрагъэунэфыщтхэр. Мы модулым зэIухыгъэ лъэтегъэуцори хэт.

Республикэм предпринимательствэм анаIэ зэрэщытырагъэтырэри, IэпыIэгъу зэращыфэхъухэрэри къыдалъытэхэзэ осэшIмэ IофшIагъэхэр ауплъэкIугъэх.

Профессиональнэ IэпэIэсэныгъэу «Профессионалы» зыфиIорэм и Чемпионат и Шъолъыр едзыгъоу Адыгэ Республикэм щыкIорэм иаужырэ зэнэкъокъу мафэ лъэныкъоу «Мобильнэ приложениехэм язэхэгъэуцон» зыфиIорэмкIэ рагъэжьагъ: Android - II.0, iOS - I4.0.

Зэнэкъокъум хэлажьэрэмэ мыщ фэдэхэр къашIыгъэх: Модулэу Г-р - Информациер ухъумэгъэныр. ЗэкIэ медиа ресурсхэр кэширование ашIыщтых. Модулэу Д-р - Устройствэм аппаратнэ шIыкIэу иIэхэм ахэгъэхъогъэныр - Устройствэр аукъощызэ уасэ ратыным фытебгъэпсыхьаныр: градус 50-м нэсэу уукъощымэ, жъуагъомэ япчъагъэ 1 хахъо, нэмыкI лъэныкъом уукъощымэ – пчъагъэм 1 хэкIыжьы. Зы укъощыгъом зы жъогъо закъу хэбгъэхъон е хэбгъэкIын плъэкIыщтыр. Жъуагъо имытмэ сэмэгумкIэ зэрэбгъазэрэм зи къикIырэп.  Джащ фэдэ къабз джабгъумкIэ бгъэзагъэми зэрэхъущтыр. Модулэу Е-р – Ушэтыгъэныр – ШIуфэс къэзыхрэ экраныр гъэцэкIэгъэныр (Onboard) методологиеу TDD-м ыкIи макетым ялъытыгъэу. Модулэу Ж-р – Продуктым игъэхьазырын веткэу «Path-X» зыфиIорэм сессием Iоф зыщишIэрэ уахътэм пшIын фае, Х-р – сессием иномер.

Сессиер зыщаухырэм Giltab Merge зыфиIорэр агъэфедэн фае, ар веткэ шъхьаIэм тефэнэу щыт, ыцIэщтыр «main». Лъэтегъэуцом изэхэгъэуцон: приложениер зэрагъэцакIэрэр лъэтегъоуцом къыщыпIотэнэу щыт. Классмэ ясхемэ къэбгъэлъэгъощт, IофшIагъэу къатырэр. Архитектурнэ шIыкIэхэр гъэфедэгъэнхэр е мыгъэфедагъэмэ, ащ иушъхьагъур къипIотыкIыныр.

Зэнэкъокъум хэлэжьагъэмэ зэкIэмэ яIофшIэнхэр дэгъу дэдэу агъэцэкIагъэх, джы чемпионатым икIэух зэфэхьысыжьхэм яжэх.

ТыдэгуIэу тяжэ Чемпионатым ишъолъыр едзыгъо изэфэхьысыжьхэм!