Мотивацием ихырыхыхьэхэр: Сыдым гъэхъагъэ зиIэ цIыфхэр ыгъэIорышIэхэра?
Непэ Мыекъопэ къэралыгъо технологическэ университетым и «Точка кипение» технологическэ факультетым истудентмэ тренинг афызахащагъ.
Iофтхьабзэм къыдыхэлъытэгъагъ «мотивацием» имэхьанэ ыкIи ар зызэрэфэпхьыжьыщтыр зэхэфыгъэныр. МКъТУ-м ипсихологическэ къулыкъу ипащэу, психологическэ шIэныгъэхэмкIэ кандидатэу Людмила Красновар якIэщакIоу студентмэ диагностикэ шапхъэу «ЦIыфыр ощхым хэтэу» зыфиIорэр зэрахьылIагъ, ащ ишIуагъэкIэ нэбгрэ пэпчъ ышIэн ылъэкIыщтхэр, иамалхэр къэлъэгъуагъэх.
Ащ фэшъхьафэу, пшъэрылъэу зыфагъэуцугъэм нэсынхэм фэшI, пэрыохъоу апэ къэкIыхэрэм апэшIуекIонхэмкIэ агъэфедэщт механизмэхэм нэIуасэ технологхэр фэхъугъэх. Людмила Вячеслав ыпхъум креативнэ шIыкIэхэр къапигъохыгъэх, ахэмкIэ студентхэм яуахътэ агъэIорышIэн алъэкIыщт, ыпэ рагъэшъымэ хъущт Iофхэр ашIэщтых, гукъыдэчъ уахътэ агъотыщт.