НыбжьыкIэхэм я Дунэе фестиваль хэлажьэхэрэм ягъэсэныгъэ программэу 2024-рэ!
Непэ Мыекъопэ къэралыгъо технологическэ университетым егъэджэн семинарым ипрограммэ щыкIуагъ, ар ныбжьыкIэхэм я Дунэе фестиваль хэлажьэхэрэмрэ игуфакIохэмрэ апае зэхащагъ.
ШIуфэс гущыIэхэмкIэ къэзэрэугъоигъэхэм закъыфагъэзагъ Адыгэ Республикэм ныбжьыкIэ IофхэмкIэ и Комитет итхьаматэу Максим Галушкиныр, ныбжьыкIэ политикэмкIэ МКъТУ-м ипроректорэу БрантIэ Мурат ыкIи Урысые обществэу «ШIэныгъэм» икъутамэ ипащэу Галина Измайловар.
НыбжьыкIэхэм я Дунэе фестивалыр — ныбжьыкIэхэр зыхэлажьэхэрэ анахь хъугъэ-шIэгъэ ин, ар Урысые Федерацием и Президентэу Владимир Путиным иунашъокIэ рагъэкIокIыщт. Фестивалым тикъэралыгъо ыкIи IэкIыб хэгъэгухэм ащыщ ныбжьыкIэ пэрытхэу зэфэшъхьаф лъэныкъохэм закъыщызгъэлъэгъуагъэхэр хэлэжьэщтых. Генеральнэ гъусэгъоу фестивалым иIэщтыр Урысые обществэу «ШIэныгъэр» ары.
Торжественнэ Iахьым ыуж командэхэм язэхэщэн фэгъэхьыгъэ тренингыр рагъэкIокIыгъ. Iофтхьабзэм изещэкIуагъэхэр: Точка кипением ипрограммнэ пащэу Светлана Новиковар, шъолъыр къутамэм исовет ипащэ игуадзэу Анастасия Нетребинар; Урысые обществэу «ШIэныгъэм» илекторхэр: МКъТУ-м ипсихологическэ къулыкъу ипащэу Людмила Красновар, АТ РСМ-м итренерэу Павел Дорошенкэр, РСМ-м имышапхъэ Гупчэ ипащэу, АТ РСМ-м итренерэу ХьакIэмызэ Зарин.
Шъугу къэдгъэкIыжьын, НыбжьыкIэхэм я Дунэе фестиваль къалэу Шъачэ ифедеральнэ шъолъырэу Сириусым мэзаем и 29-м щегъэжьагъэу гъэтхапэм и 7-м нэс щыIэщт.