МКъТУ-м хэхьэрэ Дзэ егъэджэн гупчэм узэрэчIэхьащтым зыщытегущыIэгъэхэ зэIукI
Мы мафэхэм Мыекъопэ къэралыгъо технологическэ университетым и 1-3-рэ курсхэм ащеджэрэ студентхэм (кIалэхэм) зичэзыу зэIукIэ адыряIагъ МКъТУ-м и Дзэ егъэджэн гупчэ иIофышIэхэм.
Дзэ егъэджэн гупчэм къулыкъу гъэхьазырыгъэнымкIэ ипрограммэ зэрагъэцэкIэщтым, ащ амалэу къытыхэрэм зэIукIэр афэгъэхьыгъагъ.
МКъТУ-м и Дзэ егъэджэн гупчэ чIэхьанхэ алъэкIыщт 2023-рэ илъэсым аштэгъэ студентхэри. Егъэджэным бюджетнэ лъапсэ иIэщт, ау гупчэм и Положение елъытыгъэу, зэнэкъокъу шIыкIэм тетэу ащ щеджэщтхэр къыхахыщтых. Дэгъоу еджэхэрэр, физическэ амалышIухэр зиIэхэр, зипсауныгъэ пытэхэр ары апэ рагъэшъыщтхэр. Егъэджэн уахътэр заухырэм дзэ-учетнэ сэнэхьат ахэм къаратыщт, УФ-м иуIэшыгъэ кIуачIэхэм язапас хагъэхьащтых.
Шъугу къэдгъэкIыжьын, 2024-рэ илъэсым ищылэ мазэ и 31-м УФ-м и Правительствэ иунашъокIэ Мыекъопэ къэралыгъо технологическэ университетым Дзэ егъэджэн гупчэр къыщызэIуахыгъ. Студентхэм ядзэ ухьазырыныгъэ изаказчикыр Урысые Федерацием и Ошъогу-космическэ кIуачIэхэр ары.