Медицинэм илIыхъужъыкIэхэр — сэнаущыгъэр зэнэкъокъум къыщагъэущы!
Мыекъопэ къэралыгъо технологическэ университетым и Медицинэ институт медицинэ сэнэхьатхэм япрофессиональнэ екIолIакIэ шэпхъакIэхэр рахьылIэх — «Медицинэ эволюциер: Iэзэгъум лъыхъугъэныр» зыфиIорэмкIэ медицинэ IофышIэ хъущтхэр зэнэкъокъух.
Апшъэрэ еджапIэм, колледжхэм ыкIи еджапIэхэм якIэлэеджакIохэу медицинэ сэнэхьатхэм зыфэзыгъасэхэрэр зэнэкъокъум хэлажьэх. Апэрэ зэIукIэгъум мыщ фэдэ командэхэр щызэнэкъокъугъэх: «Зэтегъэпсыхьэгъэ медикхэр», «ФыжькIэ фэпагъэхэр», «Медицинэ хьаIухэр», «Хъугъэ-шIэгъэ хьылъэр», «Доктор дэгъур».
«Медицинэ эволюциер: Iэзэгъум лъыхъугъэныр» зыфиIорэр — ар врач, фармацевт, провизор ыкIи нэмыкI медицинэ сэнэхьатхэр къыхэзыхыгъэхэмкIэ амалышIу хъущт, ясэнаущыгъэ къыщагъэлъэгъон алъэкIыщт.
Зэнэкъокъум ипшъэрылъыр — ныбжьыкIэхэм медицинэ шIэныгъэр шIу ягъэлъэгъугъэныр, творческэ, научнэ гупшысэу яIэм хэгъэхъогъэныр, медицинэм идунай нахь благъэу нэIуасэ фэшIыгъэнхэр ыкIи ягукъэкIхэр агъэфедэжьхэзэ командэм хэтхэу Iоф ашIэшъуным къыфэщэгъэнхэр.
ЗэхэщакIохэм лъэшэу мы Iофым зырагъэушъомбгъугъ, зэнэкъокъум имэхьанэ къызэраIэтыщтым дэлэжьагъэх. Ащ исценарие къызэритырэмкIэ, едзыгъуи 3-5 хэтыщт, ары пэпчъ хэхьэх: Экстреннэ чIыпIэм исимуляцие, медицинэмрэ хэбзэ уцугъэмрэ уахэдэным фэгъэхьыгъэу къэIотэгъэныр, пациентыр уплъэкIугъэнымкIэ унашъор шIыгъэныр.
Зэнэкъокъум хэлажьэхэзэ, теоретическэ материалхэр зэрагъашIэх, яшIэныгъэхэр зэрагъэфедэжьхэрэмкIэ зэнэкъокъух, лъэхъанэ зэфэшъхьафхэм медицинэм ипшъэрылъ хьылъэхэр зэрэзэшIуахыщтыгъэхэр агу къагъэкIыжьы ыкIи чIыпIэ зэфэшъхьафыбэмэ арыуцохэзэ Iофтхьабзэр рагъэкIокIы.
Мэзаем и 21-м зэфэшIыгъэ шIыкIэм тетэу финал ныкъом щызэIукIэщтхэр зэнэкъокъущтых, финалыр мэзаем и 29-м МКъТУ-м иактовэ зал щырагъэкIокIыщт, ар зэIухыгъэщт.
ШIоигъоныгъэ зиIэр зэкIэ зэнэкъокъу гъэшIэгъоным еплъынхэу къетэгъэблагъэх. ЧIыпIэхэр пэшIорыгъэшъэу шъуубытынхэ шъулъэкIыщт.