УищыIэныгъэкIэ ыкIи пшIэрэмкIэ пшъэдэкIыжь пхьыным зыфэбгъэсэныр!
Тыгъуасэ Мыекъопэ къэралыгъо технологическэ университетым ибазэ Психологическэ мастерскоир щыкIуагъ, «Гъэхъагъэ зиIэ цIыфым ищыIэныгъэ сценарие гъэпсыгъэныр» зыфиIорэ темэр ащ иIагъ.
МКъТУ-м ипсихологическэ къулыкъу ипащэу, психологическэ шIэныгъэхэмкIэ кандидатэу Людмила Красновам студентхэр нэIуасэ фишIыгъэх цIыфым ищыIэныгъэ исценариекIэ зэджагъэм, гражданскэ пшъэдэкIыжьрэ зэхашIэрэ щыIэныгъэм фэпшIыныр зылъапсэм.
Сценарием игъэпсын иедзыгъо шъхьаIэхэр студентмэ зэрагъэшIагъ, анахьэу пшъэрылъ тэрэзхэр гъэуцугъэнхэм, планхэр зэхэгъэуцогъэнхэм, мэхьанэ зиIэ унашъохэр шIыгъэнхэм ыкIи стратегие анахь тэрэзыр къыхэхыгъэным ахэр фэгъэхьыгъагъэх. ЩыIэныгъэ сценарием игъэпсынкIэ зишIуагъэ ыкIи зиягъэ къэкIорэ лъэныкъохэми къэзэрэугъоигъэхэр атегущыIагъэх.
Людмила Вячеслав ыпхъум къызэрэхигъэщыгъэмкIэ, нэбгрэ пэпчъ ищыIэныгъэ сценарие зыфишIыжьын ылъэкIыщт, ащ тетэу гъэхъагъэхэр ышIышъущтых, ау, хэти зыдэлэжьэжьын ыкIи хэхъоныгъэхэр ышIынхэм зыфытыригъэпсыхьан фай.
ПшъэдэкIыжьэу зэхапшIэрэмрэ пшIэрэмрэ уасэу яптырэм уищыIэныгъэ игъэпсын къащежьэу агъэунэфыгъ Iофтхьабзэм хэлэжьагъэхэм.