МКъТУ-м автомобильнэ транспортымкIэ икафедрэ истудентхэр чIэтIупщыгъо квалификационнэ IофшIэнхэу «Транспортнэ-технологическэ машинэхэр ыкIи комплексхэр гъэпсэолъэгъэнхэр» зыфиIорэмкIэ Урысые къэгъэлъэгъон-зэнэкъокъоу бакалаврэр къэзгъэхьазырхэрэм апае зэхащагъэм щытекIуагъэх.

Непэрэ лъэхъаным щыIэ хъугъэ шIэныгъэ екIолIакIэхэр къызфагъэфедэхэзэ проектированиемкIэ специалистхэр нахь дэгъоу агъэхьазырынхэр япшъэрылъэу зэнэкъокъур зэхащэ. Зэфэхьысыжьхэм къызэрагъэлъэгъуагъэмкIэ, автомобильнэ кафедрэм истудентхэр мыщ фэдэ номинациехэм щатекIуагъэх:

Къэлэ СТО-р проектирование шIыгъэнхэр:

— I-рэ степень зиIэ дипломыр Руслан Магариным къыфагъэшъошагъ, ащ IофшIагъэу «Проект станции технического обслуживания с функцией детейлинга самообслуживания» зыфиIорэр ыгъэхьазырыгъ, автомобильнэ транспортым икафедрэ ипащэу, экономикэ шIэныгъэхэмкIэ кандидатэу, доцентэу Яна Ткачевар иIэшъхьэтетыгъ.

—я III-рэ степень зиIэ дипломыр къылэжьыгъ Максим Федровскэм, ащ иIофшIагъэр «Организация СТО на транспортном предприятии (на примере ООО «Маршрут-Сервис») зыфиIорэр рихьылIэгъагъ, экономикэ шIэныгъэхэмкIэ кандидатэу, доцентэу Наталья Шаповаловар иIэшъхьэтетыгъ.

Машинэ гъэуцупIэхэр, тхьакIыпIэхэр, гъэстыныпхъэ зыщырагъахъорэ станциехэр проектирование шIыгъэнхэр:

—I-рэ степень зиIэ дипломыр къыфагъэшъошагъ Виталий Мовсисяным, ащ IофшIагъэу къыгъэлъэгъуагъэр «Разработка проекта клининговых услуг легковых автомобилей» зыфиIорэр ары, экономикэ шIэныгъэхэмкIэ кандидатэу, доцентэу Хьажьэкъо Саниет ипэщагъ.

Шъолъыр едзыгъом щытекIуагъэ IофшIагъэхэр зэкIэ аужырэ едзыгъом хагъэлэжьэнхэу Рязанскэ къэралыгъо агротехнологическэ университетэу П.А. Костычевым ыцIэ зыхьырэм агъэхьыгъэх.

Ащ изэфэхьысыжьхэм текIоныгъэ къыдэзыхыгъэхэр къыгъэнэфагъэх:

А I-рэ чIыпIэр — Руслан Магариныр, номинациер: «Къэлэ СТО-р проектирование шIыгъэнхэр»;

Я III-рэ чIыпIэр — Виталий Мовсисяныр, номинациер: «Машинэ гъэуцупIэхэр, тхьакIыпIэхэр, гъэстыныпхъэ зыщырагъахъорэ станциехэр проектирование шIыгъэнхэр».

Тыгу къыддеIэу текIоныгъэ къыдэзыхыгъэхэмрэ ягъэсакIохэмрэ тафэгушIо! Гъэхъэгъэшхоу ашIыгъэхэр IофшIэнымрэ еджэнымрэ къакIэлъыкIуагъ, тапэкIэ джыри ащ фэдэ текIоныгъабэ къыдахынэу тафэлъаIо!