Мыекъопэ къэралыгъо технологическэ университетыр загъэпсыгъэр илъэс 30 зэрэхъугъэм епхыгъэу шIухьафтыныбэ тиныбджэгъухэм къытфагъэхьы
Мыекъопэ къэралыгъо технологическэ университетым и ШIэныгъэ тхылъеджапIэ осэшхо зиIэ тхылъхэм яэкземплярхэр къыратых. ТифондыкIэ къыIэкIэхьагъэхэр тызэгъусэу зэтэжъугъэгъашIэх.
Непэрэ экосистемэм пылъхэм ашIогъэшIэгъонынэу къытщэхъу Урысыем игъэсэныгъэ гупчэшхоу алъытэрэ Къыблэ федеральнэ университетым итхылъ. Мы тематикэр зикIасэхэмкIэ ар IэпыIэгъушIу дэгъу хъущт.
Инженернэ технологиехэмкIэ Воронежскэ къэралыгъо университетым ишIухьафтын хэхьэх егъэджэн IэпыIэгъухэр, зэрэрагъаджэхэрэ тхылъхэр ыкIи биотехнологие гъомлапхъэм фэгъэхьыгъэ монографиехэр, гъомлапхъэхэр щынэгъончъэнхэм ыкIи дэгъунхэм афэгъэхьыгъэ шIэныгъэ лъапсэ зиIэ тхыгъэхэр. КIэлэегъаджэхэмкIи студентхэмкIи а зэпстэури литературэ шIагъох.
ШIухьафтынхэм къахэфагъ тхылъэу нэбгрэ пэпчъ шIогъэшIэгъоныщтыр, хэти ыныбжь ыкIи зыпылъ Iофым ямылъытыгъэу къышъхьэпэщтыр. «Тхылъэу урыс шхыныгъо IэшIухэр ыкIи псауныгъэмкIэ федэхэр» зыфиIорэр
Людмила Антиповам, Людмила Пащенкэм, Марина Успенскэм атхыгъ. Шхэным фэсакъыхэрэм ыкIи лъэпкъ шхыныгъохэм афэщагъэхэм а тхылъыр къашъхьэпэщт. Мыщ хэжъугъотэщтых къэбархэу шхыныгъохэм ягъэхьазырынкIэ къаугъоигъэхэр, зэфэшъхьаф тхыгъэхэр.
Астраханскэ къэралыгъо техническэ университетым ишIухьафтын ишIуагъэкIэ, а апшъэрэ еджапIэр зыфэдэм зыщыбгъэгъозэн плъэкIыщт. Университетым щашIыгъэ шIэныгъэ ушэтынхэм, хэутын шъхьаIэу яIэм афэгъэхьыгъэ къэбархэр ащ дэтых. Анахь тхыгъэ гъэшIэгъонхэр тхылъым щызэхэугъоягъэх.
Грозненскэ къэралыгъо чIыдагъэ техническэ университетэу академикэу Миллионщиковым ыцIэ зыхьырэм иальбом университетыр загъэпсыгъэр илъэси 100 зэрэхъугъэм фэгъэхьыгъ. Тарихъым инэкIубгъо шIагъохэм ащ уахещэ.
Осэшхо зиIэ шIухьафтынхэр къызэрэтфагъэхьыгъэхэмкIэ тиныбджэгъухэм лъэшэу тафэраз, тхьаегъэпсэу ятэIо. Ахэм ти Мыекъопэ къэралыгъо технологическэ университет джыри нахь дэгъу къытфашIы.