Мыекъопэ къэралыгъо технологическэ университетым гъэсэныгъэ программэу «ШIуагъэ къэзытырэ гъэIорышIакIом иеджапIэ» иящэнэрэ модуль щызэфашIыжьыгъ. Мызыгъэгум къэралыгъо ыкIи муниципальнэ къулыкъушIэхэр ежьхэм яунэе проектмэ адэлэжьагъэх, ахэр джыри егъэджэным изэфэхьысыжьхэу къаухъумэжьынхэ фае.

Программэр къэралыгъо ыкIи муниципальнэ къулыкъушIэхэм яIэпэIэсэныгъэ зыщыхагъахъорэ Гупчэу МКъТУ-м щыIэм егъэцакIэ. Джырэ уахътэм а программэм нэбгырэ 30 специалистэу хэлажьэ, къэралыгъо ыкIи муниципальнэ лъэныкъомкIэ япрофессиональнэ амалхэм ахагъахъо.

Аужырэ десэхэр практическэ проектнэ сессием ишапхъэ илъхэу рагъэкIокIыгъэх, пащэу яIагъэр Анна Неслуховскэр ары — стратегическэ планированием, проектнэ гъэIорышIэным, гъэсэныгъэ проектированием ыкIи куп коммуникациехэм язэхэщэнхэм яэкспертыр. Ащ илъэсыбэхэм зэтехъогъэ опытэу зэхэгъэуцоным ыкIи гъэсэныгъэ программэхэм адэлэжьэгъэнхэмкIэ, стратегическэ сессиехэмкIэ ыкIи пащэхэм джэнджэшхэр ятыгъэнхэмкIэ IэкIэлъыр макIэп. Организациехэу ипрофессиональнэ опыт зэпхыгъэхэр — РАНХиГС, фондэу «Сколково», культурэмкIэ Москвы и Департамент ыкIи фэшъхьаф гъэсэныгъэ ыкIи общественнэ структурэхэр.

Практическэ сессиер проектхэм якъэухъумэн и зы едзыгъохэм ащыщэу хъугъэ, ар яплIэнэрэ модулыр зызэфашIыжьырэ ужым рагъэкIокIыщт. ЕдэIухэрэмэ гукъэкIэу щыIэхэм адэлэжьэжьыщтых, пшъэрылъхэр агъэнэфэщтых ащ ыуж яунэе гъэIорышIэкIо Iофтхьабзэхэм ашъхьэ къырахыщт, зэжагъэхэ зэфэхьысыжьхэр къакIэлъыкIощтых.

«ШIуагъэ къэзытырэ гъэIорышIакIом иеджапIэу» Мыекъопэ къэралыгъо технологическэ университетым ибазэ щагъэцакIэрэр Адыгэ Республикэм икъэралыгъо хабзэ органхэм ыкIи чIыпIэ зыгъэIорышIэжьынхэм якадрэхэм ягъэхьазырын политикэ дештэ. Теоретическэ ухьазырыныгъэмрэ практическэ IофшIэнымрэ зэголъхэу зэрадэлажьэхэрэм яшIуагъэкIэ, непэрэ уахътэм диштэрэр гъэIорышIэкIо шIыкIэхэр зэрагъашIэх, агъотырэ шIэныгъэхэр хэушъхьафыкIыгъэ профессиональнэ пшъэрылъхэм язэшIохынкIэ къашъхьэпэжьых.