Мыекъопэ къэралыгъо технологическэ университетым гонкэ зэпэчъэнхэмкIэ зэнэкъокъур щызэфашIыжьыгъ. Пилотхэу гъэIорышIэным фэIазэхэр текIоныгъэм икъыдэхын фэбэнагъэх.

ШIуфэс псалъэкIэ зэнэкъокъум хэлажьэрэмэ закъыфагъэзагъ МКъТУ-м хэхьэрэ Дзэ егъэджэн гупчэм ипащэу Нурлан Самадьяновыр ыкIи «Точка кипением» ипрограммнэ пащэу Светлана Новиковар. Пилот зэрымыс авиационнэ системэхэм зыщызыушэты зышIоигъохэмкIэ зэIукIэр гъэшIэгъоныгъэ, сэнэхьатым шIуагъэу къыздихьыхэрэр, IофыгъуакIэхэр щызэрагъэшIагъэх.

МКъТУ-рэ Университет 2035-рэ зэгъусэхэу студентхэм амал араты технологическэ зэнэкъокъухэм, форумхэм, научнэ конференциехэм, гъэсэныгъэ программэхэм ыкIи практикумхэм ахагъэлэжьэнхэу. АмалыкIэхэм ащыщых — «Дрон-гаражхэм» зэхагъэуцуагъэхэр тестирование ащашIынхэр, вебинархэр, искусственнэ интеллектыр арахьылIэныр технологическэ продуктхэр лъагъэкIотэнхэм афэшI.

Дронмэ язэпэчъэнкIэ зызыушэтыгъэхэм яакъыл зынэсырэр симуляторхэмкIэ ауплъэкIугъ ыкIи дронхэр практикэмкIэ агъэIорышIагъэх. Зэфэхьысыжьэу осэшIмэ фашIыгъэм елъытыгъэу мыщ фэдэ чIыпIэхэр къэнэфагъэх:

а 1-рэ чIыпIэр — Глеб Вихров

я 2-рэ чIыпIэр — Сергей Шередько

я 3-рэ чIыпIэр — Ростислав Стенников

ТекIоныгъэ къыдэзыхыгъэмэ тафэгушIо!

Мыекъопэ къэралыгъо технологическэ университетым пилотированимкIэ десэхэр щыпкIунхэ плъэкIыщтых: университетым испортивнэ зал дронхэм ягъэIорышIэнкIэ тренировкэхэр ренэу щэкIох, зэнэкъокъукIэхэм защыфагъэхьазыры.

Тхьамафэ къэс десэхэр зыщызэхащэрэ уахътэр: Гъубджым ыкIи мэфэкум сыхьатыр 14:30-м МКъТУ-м испортзал. Зэпхыныгъэхэр: Ершов Андрей Валерий ыкъор — 8 (989) 142-93-47.