МКъТУ-м ишIэныгъэлэжьхэмрэ яIофшIэгъухэу фэшъхьаф организациехэм ащылажьэхэрэмрэ гъомлэпхъэ технологиехэм ыкIи косметологием алъэныкъокIэ инновационнэ шIыкIэу къагъотыгъэхэмкIэ УФ-м ипатентхэр къыдахыгъэх

Урысые Федерацием ипатенэу атхыгъэхэр: «Пцэжъые кIышъом хэшIыкIыгъэ хэушъхьафыкIыгъэ гъомлэпхъэ тедзэр зэрагъэпсырэр» (№ 2871700) ыкIи «Способ получения пектиносодержащей очищающей маски-пленки для лица» (№ 2871719) зыфиIохэрэр ары.

Апэрэ патентыр пцэжъые кIышъом къыхэхыгъэ хэушъхьафыкIыгъэ гъомлэпхъэ тедзэм къегъэпсы. Зэхэзгъэуцуагъэхэм яавторхэр: Калининградскэ къэралыгъо техническэ университетым гъомлэпхъэ биотехнологиехэмкIэ икафедрэ ипащэу, техническэ шIэныгъэхэмкIэ докторэу, профессорэу Ольга Мезеновар; Юлия Некрасовар; техническэ шIэныгъэхэмкIэ кандидатэу, доцентэу Наталья Романенкэр; гъомлэпхъэ технологиехэм ыкIи шхыныгъохэм ягъэхьазырын икафедрэ ипащэу, техническэ шIэныгъэхэмкIэ докторэу, профессорэу Хьаткъо Зурет; техническэ шIэныгъэхэмкIэ кандидатэу, доцентэу Татьяна Колотий ыкIи Блэгъожъ Асет.

Зэхагъэуцуагъэр гъомлапхъэ ыкIи пцэжъые промышленностым фэгъэхьыгъ ыкIи тэрэзэу къыдагъэкIыжьыгъэр гъэфедэгъэным фытегъэпсыхьагъ, пцэжъыер къызыдагъэкIыжьырэ ужым. Технологием лъапсэу фашIыгъэр хьэлабгъом ыкIышъо икъыдэгъэкIыжьын ыкIи ащ дэжьым псым хэлъ экстракт водорослэ плъыжьэу фурцелляриемрэ хэушъхьафыкIыгъэ тIогъогогъо къатэу зэтет гидролизым ипроцессрэ щыгъэфедэгъэныр къыделъытэ. Ащ фэдэ шIыкIэм амал къеты порошокэу шIыгъэ  функциональнэ гъомлапхъэ тедзэу молекулярнэ пептид макIэхэр ыкIи биологическэ пкъыгъохэмрэ зыхэлъхэр дыхэтынхэу. Пцэжъые ыкIи къэкIырэ хэушъхьафыкIыгъэ тедзэхэмрэ агъэфедэхэзэ хэушъхьафыкIыгъэ гъомлапхъэхэр агъэхьазырынхэ алъэкIыщт, ахэмэ ащыщых  спортивнэ ыкIи геродиетичесэ шхыныгъохэр.  

ЯтIонэрэ патентым иавторхэр: гъомлэпхъэ технологиехэм ыкIи  шхыныгъохэм ягъэхьазырын икафедрэ ипащэу,  техническэ шIэныгъэхэмкIэ докторэу, профессорэу Хьаткъо Зурет; техническэ шIэныгъэхэмкIэ докторэу, профессорэу Елена Бутинар ыкIи техническэ шIэныгъэхэмкIэ докторэу, профессорэу Евгений Герасименко (КубГТУ); Краснодар краим и ГБУЗ «ККВД» медицинэ лъэныкъомкIэ врач шъхьаIэм игуадзэу, медицинэ шIэныгъэхэмкIэ докторэу Хъоткъо Алкъэс; научнэ IофышIэу Кудайнет  Саида; врач-дерматовенерологхэу ГБУЗ «ККВД» щылажьэхэрэ Анастасия Усиковар, ЛIыхъурэе Динара, Афина Попандопуло ыкIи Оксана Гутте.

Зэхагъэуцуагъэр зыфэгъэхьыгъэр косметическэ промышленностыр ары, ащ къегъэлъагъо инновационнэ зыукъэбзыжь нэIурыхъо-пленкэу нэгум пае агъэфедэрэр. Ащ хэхьэх этерифицированнэ пектин макIэхэр, тыгъэгъэзэ лецитиныр, уцышъо ыкIи шэплъ етIагъор, глицериныр ыкIи псыр.

ХэушъхьафыкIыгъэу зэрэзэхагъэуцуагъэм ишIуагъэкIэ нэIурыхъор нэгушъом лъыплъэгъэнымкIэ зишIогъэшхо къэкIорэ пкъыгъоу щыт: куоу еукъэбзы, шъом къыхэкIырэ дагъэхэр дегъэзыжьых, кIышъор зэщизы ешIыжьы, фэшъхьаф шIуагъэхэри къетых. НэIурыхъор нэгум щизэу, нэгушъом фэшIоу тегъуалъхьэ, зыгъушъыжьрэм псынкIэу къытекIыжьы, зэхэтэкъужьрэп.

Автор купмэ гъэхъагъэу ашIыгъэмкIэ тафэгушIо, тапэкIэ джыри научнэ текIоныгъэхэр ашIынхэу тафэлъаIо!