Авторым гукъэкIэу иIэм сыда къыкIэлъыкIорэр? Ар экспертмэ аIэкIагъахьэ, ахэмэ ащ кIуачIэу иIэм уасэ къыфашIы ыкIи зыщыхэбгъохъэн фэе лъэныкъохэр къыхагъэщы. Яхэнэрэ илъэс хъугъэу гъэ къэс МКъТУ-м икIэлэегъаджэхэр форумэу «ОхътакIэм пае гукъэкIыкIэхэр» зыфиIорэм къыдыхэлъытагъэу Iоф ашIэ.

2026-рэ илъэсым форумым лъэшэу зиушъомбгъугъ: автормэ гукъэкI 48 478-рэ къагъэлъэгъуагъ, ар фэдищкIэ гъорекIорэм нахьыб. Эксперт 3179-мэ ахэм уасэ къафашIыгъ, зэфэхьысыжь тхыгъэ мини 125-рэ къатыжьыгъ. Ащ фэдэ зы цифрэ пэпчъ гукъэкI шъхьафрэ экспертмэ уасэу фашIыгъэмрэ ягъусэх, ахэмкIэ автормэ проектхэр нахь лъэш ашIышъух.

Зы илъэсым зэфэхьысыжьэу фашIыгъэмкIэ МКъТУ-м икIэлэегъэджэ нэбгыритфымэ эксперт статусэу экосистемэу АСИ-м щыряIэр къагъэшъыпкъэжьыгъ ыкIи яфэшъошэ сертификатхэр къаратыгъэх: чIыдэгъэ IофымкIэ ыкIи чIыгу гъэпсынымкIэ кафедрэу МКъТУ-м икъутамэу поселкэу Яблоновскэм щыIэм идоцентэу (лъэныкъоу «Лъэпкъ технологическэ гукъэкIыр») Дмитрий Бебко; менеджментымкIэ ыкIи шъолъыр экономикэмкIэ кафедрэм (лъэныкъор «Лъэпкъ предпринимательскэ гукъэкIыр») Галина Карамушко; маркетингым, сервисым ыкIи туризмэм якафедрэ идоцентэу (лъэныкъор «Лъэпкъ кадровэ гукъэкIыр») Светлана Новиковар; информационнэ щынэгъончъэнымкIэ ыкIи прикладной информатикэмкIэ кафедрэм ипащэу (лъэныкъор «Лъэпкъ технологическэ гукъэкIыр») Цундышк Вячеслав; информационнэ щынэгъончъэнымкIэ ыкIи прикладной информатикэмкIэ кафедрэм идоцентэу (лъэныкъор «Лъэпкъ технологическэ гукъэкIыр») СтIашъу Азамат.

Шъхьафэу къыхагъэунэфыкIыгъ МКъТУ-м и «Точка кипение» ипрограммнэ пащэу Светлана Новиковар — ащ рэзэныгъэ тхылъ къыфигъэшъошагъ лъэныкъоу «НыбжьыкIэ профессионалхэр» зыфиIорэм ипащэу Александр Вайно, «Лъэпкъ кадровэ гукъэкIыр» зыфиIорэ лъэныкъом хэлажьэрэмэ уасэ тэрэзхэр зэраритыгъэм, дэгъоу иIоф зэригъэцэкIагъэм афэшI. Форумым игукъэкI къыщызгъэлъэгъуагъэхэм ащыщ МКъТУ-м иаспирантэу Денис Крылевскоир. Шапхъэу клауд-платформа идея.росконгресс.рф зыфиIорэм ипроектэу «Премиксы — инновационная альтернатива антибиотикам-стимуляторам роста животных» зыфиIорэр къыщитыгъ. Научнэ пащэу проектым иIэр — мэкъу-мэщ продукцием икъыдэгъэкIыжьын технологиехэм якафедрэ идоцентэу, мэкъу-мэщ шIэныгъэхэмкIэ кандидатэу Мария Галичевар ары.

УниверситетымкIэ хъугъэ-шIагъэм мэхьанэшхо иI: кIэлэегъаджэмэ яэкспертизэ еджэпIэ аудиторием нахьыбэ къызэлъаубыты. Ахэмэ Iоф зыдашIэщт гукъэкI шъыпкъэхэр къагъоты, уасэ афашIы, проектмэ адэлажьэх ыкIи автормэ адэIэпыIэх, ахэмэ шIыкIэ-амалхэр ягукъэкIхэм къафагъотынхэм, хэгъэгум щагъэфедэнхэм нагъэсынхэм фагъасэх.

Форумэу «ОхътакIэм пае гукъэкIыкIэхэр» зыфиIорэр гъэ къэс 2020-рэ илъэсым къыщыублагъэу зэхащэ, къэзыугупшысыгъэр стратегическэ гукъэкIхэм я Агентств ары. Урысые Федерацием и Президентэу Владимир Путиным и Унашъо елъытыгъэу илъэс къэс зэхащэн алъэкIы. ЗэхэщакIохэр: АСИ-р ыкIи Фонд Росконгрессыр, зэхэщакIомэ 2026-рэ илъэсым къагохьагъэх ВЭБ.РФ ыкIи Нижегородскэ хэкум и Правительствэ.