Мыекъопэ къэралыгъо технологическэ университетым мэфитф хъурэ программэр щатIупщыгъ, ар IэпэIэсэныгъэр хэгъэхъогъэным ыкIи «Органолептическэ (сенсорнэ) уплъэкIунхэр гъомлапхъэмэ арашIылIэным» фэгъэхьыгъ.

Нахь къызэрыкIоу къэпIон хъумэ, программэм едэIухэрэмэ зэрагъашIэ профессиональнэ екIолIакIэкIэ ыкIи пкъышъолым иамалхэмкIэ гъомлапхъэм уасэ фашIышъуныр — алъэгъуныр, мэр зэхашIэныр, иIэшIугъэ е иIэягъэ зэхашIыкIыныр, текстурэр, фэшъхьафхэр. ЕтIани, сыдми ар IэшIу е Iае оIо къодыекIэ икъущтэп, гъомлапхъэм изытет шъыпкъэ бгъэунэфын фае, шапхъэу агъэуцугъэхэм адештэмэ…

Программэр дунэе зэдэлэжьэныгъэу Адыгэ Республикэмрэ Республикэу Беларусымрэ зэдыряIэм къыдыхэлъытагъэу, МКъТУ-м испециалистхэр ыкIи РУП «Научно-практический центр Национальной академии наук Беларуси по продовольствию» зыфиIорэм иIофышIэхэр хэлажьэх.

ХьакIэхэм ыкIи хэлажьэрэмэ шIуфэс къарихыгъ научнэ IофшIэнымкIэ ыкIи инновационнэ хэхъоныгъэмкIэ МКъТУ-м ипроректорэу Татьяна Овсянниковам. Программэм экспертэу фэхъугъэх: гупчэу «Научно-практический центр Национальной академии наук Беларуси по продовольствию» зыфиIорэм игенеральнэ пащэу Наталья Комаровар ыкIи Республикэ лъыплъэкIо-ушэтэкIо комплексэу гъомлапхъэмэ ящынэгъончъагъэ лъыплъэрэм ипащэу Кристина Рябовар.

ТапэкIэ — теорие ыкIи практикэ мэфитф щыI: экспертхэм-дегустаторхэм ашIэщтхэр, психофизиологиеу сенсорнэ шIыкIэмкIэ зэхэпшIэныр, IэшIугъэ шъхьаIэхэр, хэушъхьафыкIыгъэ лабораториехэм зэшIуахынэу щыт Iофыгъохэр. Ащ фэшъхьафэу, программэм хэлажьэрэмэ ежьхэм язэхашIэ ауплъэкIун фае, гъомлапхъэр зыфэдэр къашIэнэу зэрагъэшIэныр япшъэрылъ. Программэм хэушъхьафыкIыгъэ тест хэт.

Мэфитф, уинэIосэ гъомлапхъэм фэшъхьафэу уеплъыным фэшI, фэшъхьафэу ащ изытет зэхэпшгIэным зыфэбгъэсэным пае, профессиональнэ уасэ нэужым фэпшIыжьышъунэу.

Тикъэбархэм шъуалъыплъ — тапэкIэ игъэкIотыгъэ программэ щыIэщт!