КъэгъэлъэгъопIэ комплексэу «Уфа ЭКСПО» зыфиIорэм ия 34-рэ Дунэе хэушъхьафыкIыгъэ къэгъэлъэгъонэу «Газ. Нефть. Технологиехэр» зыфиIорэр ыкIи Урысые нефтегазохимическэ форумыр ащыкIуагъ — хэгъэгум ианахь Iофтхьабзэ отраслевой инхэм ахэр ащыщыгъэх.

Мыекъопэ къэралыгъо технологическэ университетыр форумым къыщызгъэлъэгъуагъэхэр чIыдэгъэ Iофымрэ чIыгу гъэпсынымрэкIэ кафедрэм идоцентэу Дмитрий Бебко, а 1-2-рэ курсхэм ястудентхэу Валерия Лебедевар ыкIи Кирилл Цветноир.

Мы илъэсым къэгъэлъэгъонри форумыри зыфэгъэхьыгъагъэхэр лъэпкъ проектэу «МатериалыкIэхэр ыкIи химиер» зыфиIорэм игъэцэкIэн ары. Экспозицием компание 270-рэ хэлэжьагъэх, ащ къыгъэлъэгъуагъ технологическэ циклэр зэрэпсаоу — разведкэм ыкIи чIыдагъэр зычIэлъхэм алъыхъугъэным къыщыублагъэу непэрэ технологиехэу къыдэзгъэкIыжьхэрэм ыкIи инновационнэ оборудованиехэм анэсыжьэу. Хэлажьэрэмэ ащыщхэр — отраслэм ихъызмэтшIапIэ инхэр, ащ хэхьэх «Газпромыр», «Башнефтыр», «Транснефть-Уралыр», «Урысые космическэ системэхэр» ыкIи нэмыкIхэр.

МКъТУ-м илIыкIохэр нэIуасэ афэхъугъэх нефтегазовэ отраслэм инепэрэ технологиехэмрэ иоборудованиехэмрэ, хъызмэтшIапIэмэ япащэмэ адэгущыIагъэх, тематическэ конференциехэм ахэлэжьагъэх ыкIи Урысые нефтегазохимическэ форумыр и Газовэ диктант яшIэныгъэхэр щауплъэкIугъэх.

IофшIэгъу программэм Iофтхьабзэ 60 хэхьагъ, ахэр федеральнэ ыкIи шъолъыр зещакIо 550-мэ зэращагъэх.

Гупчэ хъугъэ-шIагъэу форумым иIагъэр пленарнэ зэхэсыгъоу «Будущее нефтехимии в структурном преобразовании экономики России» зыфиIорэр ары, ащ хэлэжьагъэх Урысые Федерацием промышленностымкIэ ыкIи сатыумкIэ иминистрэ игуадзэу Михаил Юриныр, Республикэу Башкортостан япащэхэр, Урысые Федерацием исубъектохэм япащэхэр, IэкIыб хэгъэгухэм ялIыкIохэр.