Профильнэ классхэм ащеджэрэ кIэлэеджакIохэм япроектхэр зыхэлэжьэхэрэ Урысые зэнэкъокъум зэфэхьысыжьхэр Мыекъопэ къэралыгъо технологическэ университетым щыфашIыжьыгъэх.

МКъТУ-м зэнэкъокъур 2018-рэ илъэсым къыщыублагъэу регъэкIокIы, гъэ къэс хэгъэгум ишъолъырыбэхэм ащеджэрэ кIэлэеджакIохэу сэнаущыгъэ зыхэлъхэр еугъоих. Мыгъэ зэнэкъокъум проект 67-рэ къырахьылIагъ, ахэр кIэлэеджэкIо 115-мэ къагъэхьазырыгъэх, профильнэ лъэныкъуи 5-мэ ащеджэх. Экспертмэ уасэхэр зашIыхэ ужым, ятIонэрэ, кIэух едзыгъом анахь проект дэгъумэ яавтор нэбгырэ 29-рэ къырагъэблэгъагъэх.

Зэнэкъокъум щытекIуагъэхэр ыкIи чIыпIэхэр къыщыдэзыхыгъэхэр:

Социальнэ-экономическэ профилыр:

а I-рэ чIыпIэр — «Адыгэ Республикэм, къалэу Мыекъуапэ туризмэм хахъо щишIынымкIэ амалхэр» (Мыекъопэ гимназиеу № 22-р)

я II-рэ чIыпIэр — «Урысые искусствэм иIофышIэшхохэр» (гъэсэныгъэ MAX-каналыр зэхэщэгъэныр)» (СОШ № 30-р, М.Л. Поповичым ыцIэ ехьы)

я II-рэ чIыпIэр — Стол кIыIу джэгукIэу «Ахъщэ насыпышIохэр» зыфиIорэм ибизнес-план (Экологэ-биологическэ лицееу № 35-рэ)

Информационнэ-техническэ профилыр:

а I-рэ чIыпIэр — «ЖъоныгъуакIэм и 9-м ехъулIэу остыгъэ композициехэу архитектурнэ-художественнэу гъэпсыгъэхэр телемачтэм пае шIыгъэнхэр» (ДТ «Кванториум», базэр СШ № 17-р)

я II-рэ чIыпIэр — «Тестовэ десэхэр автоматизированнэ системэмкIэ регъэкIокIыгъэнхэр» (ДТ «Кванториум», базэр СШ № 17-р)

Инженернэ профилыр:

я I-рэ чIыпIэр — «Безлопастнэ вентиляторыр шIыгъэныр» (СОШ № 30-р, М.Л. Поповичым ыцIэ ехьы)

я II-рэ чIыпIэр — «4-ступенчатэ электромагнитнэ ускорителэу массэм иIэр» (СОШ № 110-р, Кировскэ район, Волгоград)

я II-рэ чIыпIэр — «Автоматическэу уцмэ псы атекIэгъэныр» (Лицееу № 34-рэ)

я III-рэ чIыпIэр — «Гальванизациер гъэфедэгъэнымкIэ ушэтынхэр унэм щышIыгъэнхэр» (СОШ № 1-р. А.Г. Сапруновэм ыцIэ ехьы)

Химикэ-биологическэ профилыр:

я I-рэ чIыпIэр— «Биозэфэмыдэныгъэу Сергиевскэ къуаджэм дэжь уцэу къыщыкIыхэрэм ахэтхэр, ахэр къэухъумэгъэнхэмкIэ гумэкIыгъохэр» (СОШ № 11-р)

я II-рэ чIыпIэр — «Гъобэкъуае псыхэу ычIэгъ щызечъэхэрэр ушэтыгъэнхэр» (СОШ № 6-р)

я II-рэ чIыпIэр — «Къамзэгухэр набгъом имысхэу зэрэпсэухэрэр ыкIи экологическэ мониториным чIыпIэу щаубытырэр» (СОШ № 30-р, М.Л. Поповичым ыцIэ ехьы)

я III-рэ чIыпIэр — «Биоремедиациеу чIыгум иIэр, былымхъупIэ комплексмэ аушIоигъэхэм: экспериментальнэ ушэтынхэу Новомалыклинскэ районым, Ульяновсэ хэкум щашIыгъэхэр» (Новомалыклинскэ СОШ)

я III-рэ чIыпIэр — «Iэсэмэгур — щыIэныгъэм ишIухьафтына, хьаумэ къиныгъуа» (СОШ № 3-р, Д.Е. Нехаим ыцIэ ехьы)

Медикэ-фармацевтическэ профилырь:

я I-рэ чIыпIэр — «ПэшIорыгъэшъэу узыр уплъэкIугъэнымкIэ нейроннэ сетьхэм ямэхьанэ» (СОШ № 110-р, Кировскэ район, Волгоград)

я II-рэ чIыпIэр — «НыбжьыкIэмэ гу-лъынтфэ системэу яIэм физическэ IофшIэнхэм ялъытыгъэу зэрэзэхъокIыхэрэр» (СШ № 2-р, Вадим Лемешым ыцIэ ехьы)

я III-рэ чIыпIэр— Вакцинациер: «ары»ыкIи «хьаIу» (СШ № 2-р, Вадим Лемешым ыцIэ ехьы)

Зэнэкъокъум хэлэжьагъэмэ зэкIэмэ сертификатхэр аратыщтых, текIоныгъэ къыдэзыхыгъэмэ — шIухьафтынхэр.

Шъугу къэдгъэкIыжьын, Урысые Федерацием гъэсэныгъэмкIэ и Министерствэ ыгъэнэфэгъэ Iофтхьабзэмэ я Перечень мы зэнэкъокъур хахьэ. ТекIуагъэмэ ыкIи чIыпIэ къэзыхьыгъэмэ ацIэ-алъэкъуацIэхэр фондэу «Сэнаущыгъэр ыкIи гъэхъагъэр» зыфиIорэм агъахьыщтых. Джащ фэдэу, МКъТУ-м чIахьэхэ хъумэ, къыхахыгъэ профилым елъытыгъэу, балл тедзэхэр 10 ыкIи 8 ежьхэм къахьыгъэмэ афыхагъэхъощтых.

ТекIоныгъэ къыдэзыхыгъэмэ, чIыпIэхэр зыубытыгъэмэ зэкIэмэ ыкIи япащэмэ тафэгушIо! Джыри гъэхъагъэхэр нахьыбэу ашIынхэу, проектыкIэхэр аушэтынхэу, ягухэлъхэр къадэхъунхэу тафэлъаIо!