МКъТУ-м и «Точка кипение» ныбжьыкIэ проектхэм я Урысые зэнэкъокъоу «Уигухэлъ факIу!» зыфиIорэм ифинал лъэныкъоу «ГуфэкIоныгъэм» зэфэхьысыжьхэр щыфашIыгъэх.

Зэнэкъокъур Мыекъопэ къэралыгъо технологическэ университетым зэхищагъ, IэпыIэгъу къыфэхъугъэхэр: гъэсэныгъэмкIэ Урысые Федерацием и Министерствэ, Адыгэ Республикэм гъэсэныгъэмрэ наукэмрэкIэ и Министерствэ хэхьэрэ «Точка кипениехэр».

Зэнэкъокъум зэфэхьысыжьэу фэхъугъэмкIэ текIоныгъэр къыдэзыхыгъэхэр:

Илъэс 14-18-рэ зыныбжьхэр:

а 1-рэ чIыпIэр — «Экологическэ ыкIи культурнэ экспедициехэр Адыгэ Республикэм ишъолъыр щыгъэпсыгъэнхэр — ЮНЕСКО-м чIыопсым ыкIи культурнэ кIэнэу иIэр къэухъумэгъэныр» (Лицееу№ 34-р)

я 2-рэ чIыпIэр — «Экологическэ патрулыр: кIымафэм къанэрэ бзыумэ адеIэгъэныр» (Зуевскэ СШ № 11-р)

я 2-рэ чIыпIэр — «Тызэгъусэу лъэсгъогум тырэкIо: инклюзивнэ кIэлэцIыкIу туризмэр» (Адыгэ республикэ еджэпIэ-интернатэу икъоу зымылъэгъурэ ыкIи зэхэзымыхырэ сабыйхэр зыщеджэхэрэр)

я 3-рэ чIыпIэр — «IэпыIэгъуIэр» (СОШ № 9-р, К.Х. Нэхаем ыцIэ ехьы)

я 3-рэ чIыпIэр — «Уи Неущ зыIымыхыжь!» (МБОУ ДО ЦТиВ)

я 3-рэ чIыпIэр — «Секреты ЭкоЛогичнэ потребления» зыфиIорэр (МКъТУ-р ыкIи Мыекъопэ гимназиеу№ 22-р)

Илъэс 19-25-рэ зыныбжьхэр:

а 1-рэ чIыпIэр — «Пшъэшъэжъыемэ япсауныгъэ — лъэпкъым ипсауныгъ» (МКъТУ)

я 2-рэ чIыпIэр — «Гум къызэриIоу» (Мыекъопэ политехническэ техникумыр)

я 2-рэ чIыпIэр — «ЩыIэныгъэм икъал: неущрэм имастерскойхэр» (МКъТУ ыкIи Адыгэ республикэ гимназиер)

я 3-рэ чIыпIэр — «Гъунапкъэ зимыIэ МИТ-р» (Мыекъопэ индустриальнэ техникумыр)

я 3-рэ чIыпIэр — «Эко-шхапIэр» (Пшызэ къэралыгъо университетыр)

я 3-рэ чIыпIэр — «Социальнэ практикэр» (Информационнэ технологиехэм ыкIи экономикэм я Антрацитовскэ колледж)

ТекIоныгъэ ыкIи чIыпIэ гъэнэфагъэхэр къыдэзыхыгъэхэр Урысые Федерацием и Президент и Фондэу «Сэнаущыгъэр ыкIи гъэхъагъэр» зыфиIорэм и Къэралыгъо ресурс хатхэщтых, ащ амал къаритыщт япроектхэр лъагъэкIотэнхэмкIэ, джащ фэдэу МКъТУ-м чIахьэ зышIоигъохэм балл тедзэхэу 10-рэ (текIоныгъэ къыдэзыхыгъэмэ) 8-рэ (чIыпIэ къэзыхьыгъэмэ) афыхагъэхъощт.

ЗэкIэ зэнэкъокъум хэлэжьагъэхэм, гъэсакIохэм, текIоныгъэ къыдэзыхыгъэхэм тафэгушIо ыкIи гукъэкIыкIэхэр яIэнхэу, гъэхъагъэхэр ашIынхэу, ягухэлъмэ афэкIонхэу тафэлъаIо!