Мыекъопэ къэралыгъо технологическэ университетым дзэ-прикладной зэнэкъокъоу «Курсантмэ гъунапкъ» зыфиIорэр щыкIуагъ.

Студентмэ дзэ-патриотическэ IофшIэнэу адагъэцакIэрэм къыдыхэлъытагъэу Iофтхьабзэр зэхащагъ, ахэмэ ятехническэ гупшысэ хагъэхъоным, непэрэ технологиехэмкIэ практическэ амалхэр агъотынхэм, пилот зэрымыс быбырэ системэхэмкIэ сэнэхьатыр зэрагъэгъотыным ар фытегъэпсыхьэгъагъ.

ШIуфэс псалъэкIэ къэзэрэугъоигъэмэ закъыфагъэзагъ МКъТУ-м хэхьэрэ Дзэ егъэджэн гупчэм ипащэу, полковникэу Нурлан Самадьяновымрэ Адыгэ Республикэм иветеранхэм я Совет итхьаматэу Къуаджэ Аслъанрэ. КIэлакIэмэ гъэхъагъэхэр ашIынхэу, текIоныгъэхэр къыдахынхэу ахэр афэлъэIуагъэх.

Чемпионатым ипрограммэ хэтыгъэх пневматическэ шхончымкIэ онхэр, автоматэу АК-74-р зэхахыныр ыкIи аугъоижьыныр, техническэ симуляторымкIэ быбынхэр, дронхэр агъэIорышIэнхэр ыкIи комплексэу «ТехноГТО» инормативхэр агъэцэкIэнхэр.

Зэнэкъокъум къыгъэлъэгъогъэ зэфэхьысыжьхэмкIэ чIыпIэу аубытыгъэхэр:

а 1-рэ чIыпIэр — Никита Вакулиныр;

я 2-рэ чIыпIэр — Глеб Вихровыр;

я 3-рэ чIыпIэр — Константин Колосовыр.

Дисциплинэ шъхьафхэмкIэ текIоныгъэ къыдэзыхыгъэхэр:

· пневматическэ шхончымкIэ онхэр — Олег Манаковыр;

· автоматэу АК-74-р зэхахыныр ыкIи аугъоижьыныр — Егор Горощеня;

· техническэ симуляторымкIэ быбынхэр — Никита Вакулин;

· дронхэр агъэIорышIэнхэр — Илья Орловыр.

Чемпионатым къыдыхэлъытагъэу очнэ площадкэм «ТехноГТО-м» нормативэу «Кибербщынэгъончъэныр» щатыгъ. Зэнэкъокъухэм ахагъэлэжьагъэхэр «ТехноГТО-м» итыжьын бгъэхалъхьэхэр зиIэхэ нэбгырэ 14-р ары — курсантхэу, дэгъоу нормативэу тфыр онлайнкIэ зыкIугъэхэр, ахэмэ ахэтыгъэх «Кибербщынэгъончъэныр» ыкIи «Фактчекингыр».

Нормативыр зэрагъэцэкIагъэм елъытыгъэу чIыпIэхэр мыщ фэдэхэу хъугъэх:

а 1-рэ чIыпIэр — Вячеслав Носовыр;

я 2-рэ чIыпIэр — Данил Даценко;

я 3-рэ чIыпIэр — Егор Глушковыр.

Чемпионатым текIоныгъэ къыщыдэзыхыгъэхэм ыкIи чIыпIэхэр щызыубытыгъэхэм тафэгушIо! ТапэкIэ джыри гъэхъагъэхэр ашIынхэу, еджэныр ыкIи профессиональнэ IофшIэныр къадэхъунэу тафэлъаIо!