Университетым апэрэу мэкъу-мэщым ылъэныкъокIэ инновационнэ проектхэу «АгроСтарт» зыфиIорэмкIэ дунэе зэнэкъокъур щыкIуагъ, ащ урысые апшъэрэ еджапIэмэ ащеджэрэ IэкIыб студентхэр, ныбжьыкIэ ушэтакIохэр ыкIи агропромышленнэ комплексым инеущрэ специалистхэр хэлэжьагъэх.

ЗэхэщакIор Мыекъопэ къэралыгъо технологическэ университетыр ары, Адыгэ Республикэм мэкъу-мэщымкIэ и Министерствэ иIэпыIэгъу. Модераторэу проектым иIагъэх мэкъу-мэщ продукцием икъыдэгъэкIын технологиехэм якафедрэ ипащэу Мамсыр Нурбыйрэ кафедрэм идоцентэу Мария Галичевамрэ.

Студентмэ ягукъэкIхэр ыкIи яушэтынхэр къызщагъэлъэгъорэ площадкэу «АгроСтартыр» хъугъэ, непэрэ уахътэм агропромышленнэ комплексыр зэуалIэрэмэ ядэгъэзыжьын дэлэжьэныр ары ипшъэрылъыр, анахьэу продовольственнэ щынэгъончъэным, инновационнэ технологиехэу мэкъу-мэщым щагъэфедэхэрэр зыпкъ итынхэм ыкIи хэхъоныгъэхэр ягъэшIыгъэнхэм.

Зэнэкъокъур лъэныкъуитфымкIэ рагъэкIокIыгъ:

· Зоотехнием ыкIи ветеринарием непэ хэхъоныгъэу ашIыхэрэр;

· Агрономиер ыкIи агроинженериер;

· АПК-м хэхъоныгъэ егъэшIыгъэнымкIэ технологиякIэхэр ыкIи инновациехэр;

· Мэкъу-мэщ продукцием ищыгъэлъын ыкIи икъэухъумэн нахьышIу шIыгъэныр;

· Мэкъу-мэщ хъызмэтым хэгъэхъогъэныр ыкIи экологическэ пшъэдэкIыжьыр зэхэшIэгъэныр.

ЗэкIэмкIи Урысыем ишъолъыри 5-мэ проект 21-рэ къатыгъагъ. Финалым IофшIэгъи 10 ихьагъэр. Зэнэкъокъум хэлэжьагъэмэ ащыщыгъэх Мыекъопэ къэралыгъо технологическэ университетым иIэкIыб студентхэр, джащ фэдэу Санкт-Петербургскэ къэралыгъо аграрнэ университетым, Къэбэртэе-Бэлъкъар къэралыгъо аграрнэ университетым, Горскэ къэралыгъо аграрнэ университетым, генетикэм, биотехнологием ыкIи инженерием я Саратовскэ къэралыгъо университетэу Н.И. Вавиловым ыцIэ зыхьырэм ястудентхэр.

Номинациеу: Агрономиер ыкIи агроинженериер

а 1-рэ чIыпIэр — Лутфали Ёсуман Сабрали «Бзыуцыфыр — «Таджикистан имэкъу-мэщ культурэ шъхьаI» (Мыекъопэ ГТУ, пащэр: тарихъ шIэныгъэхэмкIэ кандидатэу, доцентэу Адзынэ Зарем)

я 2-рэ чIыпIэр — Тсопмо Лемофует Виталь Кевелль «Урысыем уригъусэныр — Камерун: чIыгъэшIумэ яотраслэ хэхъоныгъэ егъэшIыгъэныр» (СПбГАУ)

я 3-рэ чIыпIэр — Джуиджа Тамко Алин Шарлен «ЧIыгоу игъукIыгъэхэм Iушыгъэ хэлъэу псыр атекIэгъэныр» (Горскэ ГАУ, пащэр: чIыгу гъэпсыным ыкIи экологием икафедрэ икIэлэегъэджэ шъхьа1эу Артур Пех)

я 3-рэ чIыпIэр — Пери Игор Хосе Абдула «ЧIыплъыр илъэс ренэм къэгъэкIыгъэнымкIэ технологиехэр хэгъэхьэгъэнхэр» (Вавиловскэ университетыр, пащэр: мэкъу-мэщ шIэныгъэхэмкIэ докторэу, профессорэу Иван Еськов)

Номинациеу: АПК-м хэхъоныгъэ егъэшIыгъэнымкIэ технологиякIэхэр ыкIи инновациехэр

а 1-рэ чIыпIэр — Хала Алали «Стоматологиемрэ мэкъу-мэщымрэ Сирием зэрэщызэпхыгъэхэр: чIыопсым иушэтын непэрэ медицинэм» (Мыекъопэ ГТУ, пащэр: биологие шIэныгъэхэмкIэ кандидатэу, доцентэу Шао Жанна)

я 2-рэ чIыпIэр — Анталава Апсуана Гиевна «Абхъаз Репсубликэм имэкъу-мэщ продукцие цэмэ язытет къызэрегуаорэр» (Мыекъопэ ГТУ, пащэр: тарихъ шIэныгъэхэмкIэ кандидатэу, доцентэу Адзынэ Зарем)

я 3-рэ чIыпIэр — Ездемир Инал Езджан «Инновационнэ технологиехэр зэхэгъэуцогъэнхэр ыкIи яшIылIэгъэныр мые чъыгхатэмэ» (КБГАУ В.М. Кокковым ыцIэ зыхьырэм, пащэр: мэкъу-мэщ шIэныгъэхэмкIэ докторэу, профессорэу Ирина Ханиева)

я 3-рэ чIыпIэр — Мутунда Ижмаура «Анголэ иагропромышленнэ комплекс» (Мыекъопэ ГТУ, пащэр: биологие шIэныгъэхэмкIэ кандидатэу, доцентэу Шао Жанна)

Номинациеу: Зоотехнием ыкIи ветеринарием непэ хэхъоныгъэу ашIыхэрэр

а 1-рэ чIыпIэр — Абубакова Мавчигул Сабзалиевна «Мэкъу-мэщым пае агъэфедэрэ бзыумэ аратырэ Iусыр нахьышIу шIыгъэнымкIэ технологиер гъэпсыгъэныр» (Горскэ ГАУ, пащэр: чIыгу гъэпсыным ыкIи экологием икафедрэ икIэлэегъэджэ шъхьа1эу Артур Пех)

Номинациеу: Мэкъу-мэщ продукцием ищыгъэлъын ыкIи икъэухъумэн нахьышIу шIыгъэныр

а 1-рэ чIыпIэр — Али Мохамед Тарек Фарук Мохамед «Гъэщ промышленностэу Саратовскэ хэкум иIэм икъыдэгъэкIыжьын ыкIи идэгъугъэ нахьышIу шIыгъэныр, сатыу маркэр къыдэлъытэгъэныр» (Вавиловскэ университетыр, пащэр: экономикэ шIэныгъэхэмкIэ кандидатэу, доцентэу Людмила Потоцкаяр)

Къыхэдгъэщын, текIоныгъэ къыдэзыхыгъэхэр Мыекъопэ къэралыгъо технологическэ университетым имагистратурэ чIэхьажьыхэ хъумэ, балл тедзэхэу 10 ушэтынхэм къагъэлъэгъуагъэмэ афыхагъэхъощт, чIыпIэхэр къыдэзыхыгъэмэ баллэу 8 афыхалъытэщт.