Непэ Мыекъопэ къэралыгъо технологическэ университетым шъолъыр чемпионатэу «Къулыкъу ахьызэ егъэджэгъэнхэр.Апэрэхэр» зыфиIорэр щыкIуагъ.

БэшIагъэу зэжагъэхэ хъугъэ-шIагъэм кIэлэеджэкIо 51-рэ, студентхэу-гъэсакIохэу 17, кIэлэегъаджэу нэбгырэ 17, апшъэрэ еджапIэм икIэлэегъаджэу 17, джащ фэдэу хьакIэхэу ыкIи социальнэ гъусэгъухэу нэбгырэ 15 зэрипхыгъэх.

ШIуфэс псалъэхэр къэзышIыгъэхэр: лъэныкъом икоординаторэу, экономикэ шIэныгъэхэмкIэ кандидатэу, МКъТУ-м маркетингым, сервисым ыкIи туризмэм якафедрэ идоцентэу Хьанэхъукъо Зарем ыкIи Апэрэхэм я Движение ишъолъыр къутамэу Адыгэ Республикэм щыIэм и Совет итхьаматэ игуадзэу Анзэрэкъо Аслъан.  

Шъугу къэдгъэкIыжьын, ащ ыпэкIэ университетым «Проектхэм ятест-драйв» щыкIогъагъ — «Къулыкъу ахьызэ егъэджэгъэнхэр» зыфиIорэ программэм мэхьанэ зиIэ иедзыгъо, ар федеральнэ проектэу «Къулыкъу ахьызэ егъэджэгъэнхэр.Апэрэхэр» зыфиIорэм къыдыхэлъытагъэу агъэцакIэ. Ащ зэфэхьысыжьэу къытыгъэмкIэ финалым командэ 17 ихьагъ.  Хэлажьэрэмэ, фэныкъуагъэу къафалъэгъугъэмэ ялъытыгъэу,  япроектмэ Iоф адашIэжьыгъ.

Чемпионатым изэфэхьысыжьхэр:

а I-рэ чIыпIэр  — «Авангард» (Тэхъутэмыкъое район);

я 2-рэ чIыпIэр  — «Апэрэхэр 24-рэ» (Тэхъутэмыкъое район);

я 3-рэ чIыпIэр — «Электроннэ дендропаркыр» (Джэджэ  район).

Лъэныкъо тедзэхэмкIэ:

Социальнэ мэхьанэ зиIэ проектыр — «Гъобэкъуай» (Теуцожь район).

Ведомственнэ гъусэгъур — «Анахь лъэшхэм яеджапI» (къ. Мыекъуапэ).

Гукъыдэчъ къэзытырэ щысэр  — «Жъуагъо» (Мыекъопэ район).

Зэнэкъокъум къеплъыгъэмэ яшIухьафтын — «ПIэ фэщэй» (Красногвардейскэ район).

ЗэкIэ хэлэжьагъэхэм ыкIи текIоныгъэ къыдэзыхыгъэхэм тафэгушIо! ЕджэнымкIэ гъэхъагъэхэр шъушIынхэу, тапэкIэ проектыкIэхэр жъугъэцэкIэнхэу тышъуфэлъаIо!