Студентхэу лъэныкъоу «Фармацием» феджэхэрэр IофшIэн къязытын зылъэкIыщтхэм зэIукIэгъу адыряIагъ — профессиональнэ хэхъоныгъэ ашIынымкIэ ыкIи яIофшIэн агъэпсынымкIэ ар мэхьанэ зиIэ лъэубэкъу.

ШIуфэс псалъэкIэ къэзэрэугъоигъэхэм закъыфигъэзагъ МКъТУ-м къычIатIупщырэмэ IофшIэпIэ чIыпIэ ягъэгъотыгъэны хэлэжьэрэ и  Гупчэ   ипащэу Темзэкъо Азамат. Ащ игущыIэхэм къащыхигъэщыгъ неущрэ специалистхэр непэ IофшIэн къэзытырэмэ зэраIукIэхэрэм мэхьанэ зэриIэр, гъэсэныгъэ организациемрэ IофшIэпIэ пащэхэмрэ язэдэлэжьэныгъэ шIуагъэ къызэритырэр ыкIи непэрэ бэдзэрхэу IофшIэпIэ чIыпIэхэр къэзытыхэрэмэ уалъыплъэн зэрэфаер.

Фармацевтическэ факультетым идеканэу Артур Арутюновыр факультетым иIофшIэн зэрэгъэпсыгъэм къытегущыIагъ, къыхигъэщыгъ щеджэрэ студентмэ шIэныгъэ куухэр зэрэщагъотырэр, университетым иегъэджэн ыкIи инаучнэ IофшIэн чанэу зэрэхэлажьэхэрэр.  

Iофтхьабзэм апшъэкIэ кIогъэ пэрыт отраслевой организациехэр хэлэжьагъэх: ООО «Псауныгъ», ООО «Витаукт-пром», ООО «ЮжФарм», ГУП КК «Кубаньфармация», джащ фэдэу Армавирскэ биофабрикэр. Экспертмэ IофшIэпIэ чIыпIэу къапагъохын алъэкIыщтхэм ягугъу къашIыгъ,  фармацевтическэ предприятиехэм ыкIи уцыщэ тучанхэм яIофшIэн зэрэгъэпсыгъэр къыраIотыкIыгъ.

ЗанкIэ зэдэгущыIэгъум амал студентмэ къаритыгъ ашIогъэшIэгъон упчIэхэр атышъунхэу ыкIи ахэмкIэ джэуапхэр агъотынхэу, джащ фэдэу практикэр зэращахьын алъэкIыщтхэр, шIыкIэу щыIэхэр зэрагъэшIагъэх, индустриемэ япащэмэ яшIошIхэр зэрагъэшIагъ.

Мыщ фэдэ Iофтхьабзэмэ мэхьанэшхо яIэу щыт, специалистхэу IэпэIэсэныгъэ зыхэлъхэм ягъэхьазырынкIэ, анахь дэгъухэр зэрэхахыхэрэм яшIуагъэкIэ, студентхэр еджэным зэрегугъухэрэр ахэмэ къакIэлъэкIо.