Мыекъопэ къэралыгъо технологическэ университетым стартап-инкубаторэу «ИнноВектор.ГроуБокс» зыфиIорэм епхыгъэ стартап-проектхэр зыгъэцэкIэрэ студенческэ командэхэр экспертмэ заулэрэ аIукIагъэх. ЗэIукIэгъухэр краш-тест шапхъэм илъхэу кIуагъэх — студенческэ гукъэкIмэ лъэныкъо пстэухэмкIи уасэ къафашIыгъ, проектмэ яхэхъоныгъэхэр, командэмэ ащ пае амалэу къатыхэрэр къэнэфагъэх.

ШIуфэс псалъэкIэ къэзэрэугъоигъэмэ закъыфигъэзагъ егъэджэн IофшIэнымкIэ проректорэу Людмила Задорожнаям, ащ къыкIигъэтхъыгъ технологическэ предпринимательствэм ныбжьыкIэхэм азыфагу хэхъоныгъэ щишIыным мэхьанэшхо зэриIэр, студенческэ гукъэкIмэ зэрадэIэпыIэщтхэр.

Краш-тестхэм яэкспертхэу зыкъагъэлъэгъуагъ индустриальнэ гъусэгъухэм, профильнэ организациехэм яспециалистхэм, джащ фэдэу университетым инаучнэ-кIэлэегъэджэ IофшIакIохэм. ЗэIукIэгъумэ ахэлэжьагъэмэ япроектхэр къагъэлъэгъуагъэх, профессиональнэ унашъохэр ахэмкIэ агъотыгъэх, технологическэ гъэцэкIэнмэ экспертнэ уасэхэр къафашIыгъэх, экономическэ шIуагъэу, коммерциализацие гугъапIэу къатыхэрэр къыхагъэщыгъэх. Анахьэу анаIэ зытырагъэтыгъэхэр: технологическэ хэхъоныгъэр, ащ ишапхъ ыкIи проектхэм яухьазырыныгъ.

Джырэ уахътэм проект 21-рэ программэм ирезидентэу хъугъэх. Хэлажьэрэмэ сыд фэдэрэ лъэныкъомкIи IэпыIэгъу агъоты, ащ хахьэх гъэсэкIо IофшIэныр, экспертнэ гъусэныгъэр, экономикэм ыкIи фитыныгъэм алъэныкъокIэ яIофхэр лъагъэкIуатэх.

Ащ фэшъхьафэу, хэлажьэрэ нэбгыри 10-мэ заявкэхэр ратыгъэх гукъэкIхэм адэIэпыIэрэ Фондэу «Студенческэ стартап» зыфиIорэм, ащ къегъэлъагъо ухьазырыныгъэ ин зэрэщыIэр, къатыгъэ проектмэ Iоф зэрадашIэрэр.

ТапэкIэ командэмэ япрограммэхэр кIэм фэкIощтых — экспертнэ зэIукIэгъоу «Труба экспертов: финал» зыфиIорэр ыкIи демо-мафэр, ахэмэ къадыхэлъытагъэу проект анахь дэгъухэр къатыщтых, инкубаторым иIофшIэн зэфэхьысыжьхэр фашIыщтых.

МКъТУ-м игъорыгъоу технологическэ предпринимательствэм иэкосистемэ хэхъоныгъэхэр регъэшIых. Аужырэ уахътэм университетым акселерационнэ программищ щагъэцакIэ, ахэмэ студент 1500-рэ зэрапхыгъ, ахэмэ къадыхэлъытагъэу стартап-проект 290-рэ зэхагъэуцуагъ. Лъэпкъ технологическэ гукъэкIым ишIоигъоныгъэкIэ зэхащэрэ Iофтхьабзэмэ университетыр чанэу ахэлажьэ, ащ къыхеубытэх предакселерационнэ программэхэр, профильнэ форумхэр ыкIи отраслевой Iофтхьабзэхэр.

Мы илъэсым МКъТУ-м лъэпкъ проектэу «Эффективная и конкурентная экономика» (федеральный проект «Технологии») зыфиIорэм дыхэтэу щырагъажьэ акселерационнэ программэу проектнэ командэмэ адэIэпыIэрэм ияплIэнэрэ потокыр, джащ фэдэу студенческэ гукъэкIэу «ИнноВектор.Биотехыр». Зэнэкъокъоу АНО «Платформа Национальной технологической инициативы» зыфиIорэм ригъэкIокIыгъэм фэхъугъэ зэфэхьысыжьхэм ялъытыгъэу, университетым джыри грантовэ IэпыIэгъур къыфагъэшъошагъ.

Программэу «ИнноВектор.Биотех» зыфиIорэр Iоныгъо мазэм атIупщыщт, студент чанмэ тыкъяжэ!