Непэрэ уахътэм диштэрэ гъэсэныгъэм анаIэ щытырагъэты сэнаущыгъэ зыхэлъ ныбжьыкIэхэу гукъэкIыр зибэхэм, зигупшысэ псыхьагъэхэм. Ахэр къыхэгъэщыгъэнхэмкIэ амалышIоу къэнэжьы научнэ-гъэсэныгъэ олимпиадэхэр, профессиональнэ хэхъоныгъэ ашIынымкIэ, ячIыпIэ къагъотынымкIэ студентхэм Iэрыфэгъу афэхъу.

МКъТУ-м истудентхэр хэлэжьагъэх ЗэIухыгъэ дунэе студенческэ интернет-олимпиадэм ар зэхищагъ Научнэ-ушэтэкIо институтэу гъэсэныгъэм идэгъугъэ платформэу «i-exam.ru» зыфиIорэмкIэ лъыплъэрэм.

Цифрэ технологиехэм хэхъоныгъэхэр зэрашIыгъэхэм апкъ къикIыкIэ хэгъэгухэм ыкIи тишъолъырхэм ащеджэрэ студентхэр ащ хэлэжьэнхэ алъэкIы. Ащ фэдэ шапхъэр амалышIу афэхъу гугъапIэ къэзытырэ специалист ныбжьыкIэхэр къыхэгъэщыгъэнхэмкIэ, наукэм ыкIи экономикэм технологичнэ лъэныкъо инхэр зыIэ къизгъэхьашъущтхэр.

МКъТУ-м иеджакIоу ащ хэлэжьагъэмэ яшIэныгъэхэр мыщ фэдэ дисциплинэхэмкIэ къагъэлъэгъуагъэх: «Хьисапыр», «Экологиер» «Физикэр», «Химиер», «Экономикэр» ыкIи «Искусственнэ интеллектыр: машиннэ егъэджэныр».

Апэрэ едзыгъор 2025-рэ илъэсым итыгъэгъазэ мазэ нэс рагъэкIокIыгъ. Ащ изэфэхьысыжьхэмкIэ ятIонэрэ едзыгъом хэлэжьэщт студентхэр къэнэфагъэх. МКъТУ-м базовэ площадкэр апигъохыгъ, зэхэщэн Iофхэр дэгъу дэдэу зэшIуихыгъэх, техническэ лъэныкъори зэтыригъэпсыхьагъ. Олимпиадэр пэIудзыгъэ шIыкIэм тетэу кIуагъэ, прокторинг ыкIи видеолъыплъэным ятехнологиехэр агъэфедагъэх.

ЯтIонэрэ едзыгъом (аужырэ турым) хэлэжьэгъэ тистудентмэ шIэныгъэ дэгъухэр къагъэлъэгъуагъэх ыкIи джэрзхэр къыдахыгъэх:

· Максим Макаровыр — «Искусственнэ интеллектыр: машиннэ егъэджэныр»

· Каго Замбу — «Химиер»

· БрантIэ Сариет — «Химиер»

Университетыр джащ фэдэу щытхъу тхылъхэмкIэ къыхагъэщыгъ, олимпиадэр шэпхъэ лъагэмэ атетэу зэрэзэхащагъэр хагъэунэфыкIыгъ. Гъэхъагъэ зышIыгъэмэ тафэгушIо!

МКъТУ-м истуденческэ научнэ обществэм шъукъыхахьэх — шъуигукъэкIмэ ахэжъугъахъу, проектыкIэхэм шъуахэлажьэх, амалыкIэхэр къызэIушъухых!