Зэнэкъокъум иэксперт пэрытэу, стратегическэ гукъэкIмэ я Агентствэу Краснодар краим щыIэм иобщественнэ лIыкIоу, Краснодар и «Точка кипение» ипрограммнэ пащэу Антон Артамкиныр апшъэрэ еджапIэмэ ащеджэхэрэмрэ студентхэмрэ мастерскоеу «Непэрэ IT-хэр — социальнэ, технологическэ ыкIи креативнэ гукъэкIхэм яхэкIыпIэ-шIыкIэхэр» зыфиIорэм ащыIукIагъ.

Мастерскоир къызэIуихыгъ маркетингым, сервисым ыкIи туризмэм якафедрэ идоцентэу, МКъТУ-м и «Точка кипение» ипрограммнэ пащэу Светлана Новиковам. Ащ зэнэкъокъум хэлажьэрэмэ шIуфэс къарихыгъ ыкIи гъэцэкIэкIо комитетым проектхэм яотчетхэр арахьылIэным игъо зэрикIырэр къафиIопщыгъ. 2026-рэ лъэхъаным хэлэжьэщтхэр шъолъыр 25-мэ якомандэх, ахэр ары заявкэхэр къэзытыгъэхэр. Финалым иуахътэ къэблагъэ.

МКъТУ-м и «Точка кипение» кIэлэеджакIоу къекIолIагъэхэр гукъэкI-ямышIыкIэ зиIэхэр ыкIи а гукъэкIхэр щыIэныгъэм щыпхырызыщы, технологическэ шапхъэм изылъхьэ зышIоигъохэр ары, джащ фэдэу студентхэу апэрэ лъэубэкъухэр IT-м щызышIыхэрэр, социальнэ проектированием ыкIи креативнэ индустриехэм ахэлажьэхэрэр, зипроектхэр анахь лъэгэпIэ инхэм анэзыгъэсы зышIоигъохэр. Зипроект бэрэ щызыгъэIэнэу фаехэм, зишIуагъэ къэкIуагъэхэм, коммерческэ амал зиIэхэм ар къадэхъунымкIэ гугъапIэ щыI.

Хэлажьэрэмэ япроектхэр агъэлъэшыгъэх, логикэм ылъэныкъокIэ хэхъоныгъэхэр арагъэшIыгъэх.

ЗэкIэ проектхэм лъэныкъуищкIэ ахэплъагъэх ыкIи ащ елъытыгъэу уасэри афашIыгъ: пшIын зэрэплъэкIыщтымкIэ, иинагъэкIэ ыкIи федэу къытыщтымкIэ.

КIэлэеджакIохэмрэ студентхэмрэ зэрагъэшIагъ мыхьылъэ IT-IэмэпсымэхэмкIэ гукъэкIмэ язытетыгъэ, федэу къахьыщтыр агъэунэфыщтыгъэ, агъэпсынкIэщтыгъэ, проектыр сыхьатым фэдэу Iоф ышIэным пае.

А Iофыгъомэ апкъ къикIыкIэ, зэIукIэм хэлажьэрэмэ гухэлъым фэшъхьафэу шIыкIэу щыIэр агъотыгъ, зэрэпсэущтхэр зэхафыгъ. Гъэхъагъэу ашIыгъэр цифрэм ралъхьаным фежьагъэх, ар алъыбгъэIэсышъущт узыфаемэ зэкIэмэ — Калининград къыщегъэжьагъэу Владивосток нэсыжьэу, лэжьапкIэм уипроект еппхын плъэкIыщт: кIэтхэным къыщыублагъэу грантмэ ыкIи зэныбджэгъугъэ зэфыщытыкIэмэ анэсэу.

Мастерской шапхъэм амал къытыгъ лекцие зэщыгъом нахьи, интенсивнэ миксым хищэнхэу. Апэрэ такъикъхэм къащыублагъэу хэлажьэрэмэ ятелефонхэр аштагъэх ыкIи япроектхэм ягъэцэкIэн фежьагъэх, ягукъэкIхэмрэ кIэу зэхахыгъэмрэ зэрапхыжьыгъэх. Зэфэхьысыжьэу фэхъугъэр: кIэлэеджакIохэмрэ студентхэмрэ ягухэлъыр ащ фэдэ къодыеу къэнэжьыгъэп. Ащ Iоф рагъэшIагъ, IT-продукт ашIышъугъ.