Ветеран лъапIэхэр, ныбджэгъухэр!

Сыгу къыздеIэу Хэгъэгум иухъумакIо и МафэкIэ сышъуфэгушIо – лIыхъужъыгъэм, псэемыблэжьыныгъэм ыкIи напэм икъэбзагъэ ямэфэкIымкIэ!
Мы мафэм хэгъэгум илIыхъужъхэр къыхегъэщых– зищыIэныгъэ Хэгъэгум ищынэгъончъагъэ ыкIи икIуачIэ ихэгъэхъон фэзыгъахьыгъэхэр, непэрэ мафэми Родинэм икъэухъумэн дэлажьэхэрэр.
Сыдигъуи, сыд фэдэрэ уахъти, щынэгъончъагъэм яIахьэу ахэм халъхьагъэр гъунчъ, ащ ихахъо дэлажьэрэ шIэныгъэлэжьхэм, инженерхэм, наукэр ыкIи технологиехэр ыпэкIэ лъызгъэкIуатэхэрэм щытхъур адэжь.
ШIэныгъэлэжь ыкIи ушэтэкIо лIэужыкIэхэм ятэжъ пIашъэмэ рагъэжьэгъэ Iофыр къагъэуцурэп, ыпэ рагъэшъы, яакъыли якIуачIи  Хэгъэгум ишъхьафитныгъэрэ иухъумэнрэ фагъэлажьэх.

ЛIэшIэгъу пчъагъэхэм къакIоцI Урысыер пэрыогъубэмэ апэшIуекIуагъ, лIыхъужъыгъабэ зэрихьагъ. ЗэкIэхэми къыдгурэIо ти Хэгъэгу зэу зэрэщытыр, сыда пIомэ, тэ патриотизмагъэ хабзэу тиIэр пытэ.

Джырэ уахътэм тидзэкIолIмэ ти Урысые къаухъумэ, зэфагъэм фэбанэх хэушъхьафыкIыгъэ дзэ операциер агъэцакIэзэ.

Зэрэхэгъэгоу текIоныгъэм ежэ, тидзэкIолIмэ гушхуагъэ ахэлъэу, текIоныгъэр адэжьэу къагъэзэжьыным щэгугъу.
Ныбджэгъу лъапIэхэр! Псауныгъэ пытэ, щыIэкIэ дэгъу шъуиIэу, шъуигухэлъхэр къыжъудэхъунхэу, ти Урысые щытхъур къыфэшъухьынэу тышъуфэлъаIо!
Хэгъэгум иухъумакIо и МафэкIэ сышъуфэгушIо, товарищ лъапIэхэр!