Мыекъопэ къэралыгъо технологическэ университетым профессиональнэ IэпэIэсэныгъэмкIэ чемпионатэу «Профессионалы 2026-рэ» зыфиIорэм ишъолъыр едзыгъо щыкIуагъ. Ар хъугъэ-шIэгъэ инэу федеральнэ проектэу «Профессионалитет» зыфиIорэм ыкIи лъэпкъ проектэу «Гъэсэныгъэм» къадыхэлъытагъэу зэхащэ, 2023-рэ илъэсым лъапсэ зыфашIыгъэгъэ хабзэр лъагъэкIуатэ.

Зэнэкъокъухэр площадкэ заулэмэ ащыкIуагъэх — МКъТУ-м, Политехническэ колледжым ыкIи МКъТУ-м икъутамэу пос. Яблоновскэм дэтым, ахэмэ кIэлэеджакIохэр, Адыгэ Республикэм ипрофессиональнэ гъэсэныгъэ истудентхэр зэрапхыгъэх.

МКъТУ-м лъэныкъоу «Тыкъэзыуцухьэрэ дунаим икъэухъумэн» зыфиIорэм шъолъырым игъэсэныгъэ учреждение зэфэшъхьафхэм якIэлэеджакIохэр ригъэблэгъагъэх, эксперт шъхьаIэу ар зезыщагъэр экологием ыкIи тыкъэзыуцухьэрэ дунаим икъэухъумэн икафедрэ идоцентэу Любовь Вавиловар ары. Зэнэкъокъу мафэхэм практикэ-ориентированнэ десэхэр хэтыгъэх: рабочэ зонэм жьэу щыIэм шIоеу хэлъхэр къэгъэнэфэгъэнхэ фэягъэ, профессиональнэ оборудованиер агъэфедэзэ макъэм иинагъэ зэрагъэшIагъ ыкIи ахэмэ япхыгъэ Iофтхьабзэхэр зэрахьагъэх. Аужырэ мафэм эколог ныбжьыкIэмэ агъэнэфэгъэ хъызмэтшIапIэм пыдзафэу къыпыкIыхэрэм якласс зыфэдэр агъэунэфыгъ, тыкъэзыуцухьэрэ дунаим чIыдагъэр икIутыгъэ хъумэ иягъэу къакIорэр зыфэдэр, дунаир къэзыухъумэрэ Iофтхьабзэ комплекс псау рагъэкIокIыгъ. Зэнэкъокъу мафэхэр заухыхэм ыуж, экспертнэ купым IофшIагъэхэм уасэ афашIыгъ, яухьазырыныгъэ апшъэрэ лъэгапIэхэм зэранэсырэр къыхагъэщыгъ.

Площадкэу «Предпринимательствэр» зыфиIорэм зэнэкъокъум хэлажьэрэмэ ябизнес-планхэр, модульхэу «Бизнес гукъэкIхэм ыкIи авторхэм ялъэтегъэуцо», джащ фэдэу «Целевая группа» зыфиIохэрэр къыщагъэлъэгъуагъэх. ГукъэкIхэр къызэрэхъухэрэр, аудиторие псаур зэрашIэрэм, ащ зэрэщыгъуазэхэр ягугъу къашIыгъ, япроектмэ ялъэшыгъэ, нэмыкIхэм зэратекIыхэрэр къыраIотыкIыгъэх. Экспертмэ гукъэкIхэм зэрахагъахъорэм уасэ къафашIыгъ, япрофессиональнэ шIэныгъэхэм ыкIи маркетинговэ анализым зырагъэушъомбгъунэу къафагъэпытагъ. Ащ ыуж зэнэкъокъум хэлажьэрэмэ модульхэу «Маркетинговое планирование» ыкIи «Планирование рабочего процесса» зыфиIохэрэр къагъэлъэгъуагъэх, ащ экспертмэ ащауплъэкIугъэх пшъэрылъхэр технологиеу SMART зыфиIорэмкIэ зэрагъэуцугъэхэр, зэнэкъокъур анализ ашIыгъ, ащ хэтыгъэх зэхагъэуцогъэ маркетинговэ планыр, продукцием икъыдэгъэкIын ыкIи иIугъэкIынкIэ каналхэр, джащ фэдэу бизнес-процессхэм якъэгъэшъыпкъэжьын ыкIи проектмэ хэхъоныгъэ языгъэшIырэ сценариемэ якъэугупшысын. Едзыгъор зэраухыгъэр модульхэу «Технико-экономическое обоснование проекта, включая финансовые показатели» ыкIи «Продвижение и презентация компании (проекта) в регионе» зыфиIохэрэм якъэгъэлъэгъон, ахэмэ ахэплъэгъэ осэшIмэ инвестициехэм ябюджет зыфэдэр зэрагъэшIагъ, бухгалтерскэ учетым исистемэу къыхахыгъэр, шъолъырымкIэ проектым мэхьанэу иIэр, Iофым епхыгъэ зэдэгущыIэгъухэр регъэкIокIыгъэнхэр.

МКъТУ-м и Политехничесэ колледж истудентмэ япрофессиональнэ IэпэIэсэныгъэ лъэныкъо зэфэшъхьафхэмкIэ зынэсырэр аушэтыгъ, ахэмэ ащыщыгъэх «Бизнесым ипрограммнэ екIолIакIэр», «Мобильнэ приложениехэм язэхэгъэуцон», «Бухгалтерскэ учетыр», «Предпринимательствэр», «Туризмэр», «Фармациер», «Автомобиль цIыкIухэм ягъэцэкIэжьын», «Банковскэ Iофыр», «Финансхэр», «Медицинскэ ыкIи социальнэ IэпыIэгъур» ыкIи нэмыкIхэр. Неущрэ IT-специалистмэ кроссплатформеннэ приложениехэр зэхагъэуцуагъэх, проектмэ яархитектурэ агъэпсыгъ, продуктхэр хэутыным фагъэхьазырыщтыгъэх.

Компетенциеу «Бухгалтерскэ учетым» хэлажьэхэрэр профессиональнэ программнэ продуктмэ адэлэжьагъэх, финансовэ анализыр рагъэкIокIыгъ.

Лъэныкъоу «Предпринимательствэм» хэт командэмэ ябизнес-проектхэр къагъэлъэгъуагъэх ыкIи экспертнэ комиссием ыпашъхьэкIэ къаухъумагъэх. Лъэныкъоу «Фармацевтикэм» щызэнэкъокъурэмэ Iэзэгъу уцхэм ядэгъугъэ ауплъэкIугъ ыкIи документацием игъэпсынрэ врачмэ ярецепткIэ уцмэ яшIынрэ адэлэжьагъэх.

МКъТУ-м икъутамэу пос. Яблоновскэм щыIэм истудентхэр ахэлэжьагъэх лъэныкъохэу «Выпечка осетинских пирогов», «Программные решения для бизнеса», «Разработка мобильных приложений», «Медицинский и социальный уход» зыфиIохэрэм ыкIи нэмыкIыбэхэм, зэнэкъокъу ушэтынхэр дэгъоу акIугъэх, экономикэм исектор Iоф щашIэнэу зэрэхьазырхэр къагъэлъэгъуагъ, профессиональнэ десэхэр къашIышъугъэх.

Чемпионатыр торжественнэу зыщызэфашIыжьырэ мафэм зэнэкъокъум зэфэхьысыжьэу фэхъугъэхэр къаIопщыщытых, ар неущ щыIэщт. ЗэкIэ хэлэжьагъэмэ тафэгушIо, творческэ гукъэкIхэр яIэ зэпытынхэу, текIоныгъэхэр къыдахынхэу тафэлъаIо!