Федеральнэ программэу «Къулыкъу ахьызэ егъэджэгъэнхэр» зыфиIорэм къыдыхэлъытагъэу Мыекъопэ къэралыгъо технологическэ университетым истудентмэ социальнэ проектхэр агъэцакIэх, яIэпэIэсэныгъэ шIуагъэ къырагъэты.

Проектэу ID 460867: психологическэ IэпыIэгъур ошIэ-дэмышIэ Iофхэр къызыхъухэрэм

Проектым икомандэ хэтхэр МБОУ «ЕджэпIэ шъхьаIэу № 27» зыфиIоу поселкэу Севернэм дэтым щыIагъэх. Десэм итемэ — «Къин чIыпIэ ифагъэм психологическэ IэпыIэгъу егъэкIыгъэныр».

Неущрэ специалистхэр кIэлэеджакIомэ практическэ приемхэмкIэ адэгощагъэх, психологическэ гъэсэныгъэ зимыIэхэми агъэфедэшъущтхэмкIэ. А шIэныгъэхэр къазэрэдеIэхэрэр:

• Ор-орэу зыпкъ уитыныр ыкIи укъэзыуцухьэрэ цIыфхэр гущтэгъо чIыпIэм имыгъэфэнхэр (паникэм, агрессием, апатием, гъынэгъэным);

• щтэным пэшIуекIогъэныр — стрессым узэрэтекIощтымкIэ анахьыбэрэ шIыкIэу агъэфедэрэр.

Десэхэр теориехэмкIэ къэуцугъэхэп: кIэлэеджакIомэ яшIэныгъэхэр къагъэшъыпкъэжьынхэм пае ситуационнэ пшъэрылъхэр агъэцэкIагъэх, ошIэ-дэмышIэ Iофыгъохэм къазэрэхэкIыжьыщтхэмкIэ зэкIэлъыкIокIэ Iофтхьабзэхэр аушэтыгъэх.

Проектэу ID 461830: апэрэ IэпыIэгъум фэгъэхьыгъэ егъэджэн фильмэр

Мэхьанэ зиIэ фэшъхьаф проектми дэлажьэх — «Рахъухьэ ыкIи ауплъэкIу апэрэ IэпыIэгъур арагъэкIынымкIэ егъэджэнхэр ыкIи информационнэ-гъэсэныгъэ лъэныкъоу ащ епхыгъэр» (ID 461830), программэу «Къулыкъу ахьызэ егъэджэгъэнхэр. Апэрэхэр» зыфиIорэм елъытыгъэу агъэцакIэ.

Студентмэ якомандэ егъэджэн фильмэу «ЦIыфым ыIэпкъ-лъэпкъхэр зыфыкъохэрэм апэрэ IэпыIэгъур зыфэдэщтыр» зыфиIорэм исценарие дэлажьэх. Проектым ипшъэрылъыр — зэкIэри зылъыIэсышъущтхэ гъэсэныгъэ екIолIакIэр хэхыгъэныр:

• кIэлэеджакIомэ апэрэ IэпыIэгъум ипэублэ шIэныгъэхэр ягъэшIэгъэнхэр;

• ошIэ-дэмышIэ Iофхэм цIыфхэр афэгъэхьазырыгъэнхэр;

• шIэныгъэ-амалэу цIыфыр къэзгъэнэжьыхэрэр нахьыбэрэр ащыгъэгъозэгъэныр.

Джырэ уахътэм а Iофтхьабзэм дэлажьэх — сценарием итхын къыщыублагъэу методическэ материалхэм ягъэхьазырыным нэсыжьэу. Мы охътэ благъэм фильмэр еджапIэхэм ыкIи гъэсэныгъэ организациехэм аIэкIэхьащт.

Программэу «Къулыкъу ахьызэ егъэджэгъэнхэр» зыфиIорэм студентмэ амалэу къаритырэр:

• социальнэ пшъэрылъхэм ягъэцэкIэнкIэ профессиональнэ шIэныгъэхэр агъэфедэнхэр;

• soft skills зыцIэм хэхъоныгъэхэр рагъэшIынхэр (коммуникациер, проектнэ гупшысэным, эмпатием);

• щынэгъончъэным ыкIи обществэм иIофхэр нахьышIу шIыгъэнхэм адэлэжьэнхэр.

КIэлэеджакIохэм ыкIи шъолъырым щыпсэухэрэм шIэныгъэхэр практикэм щагъэфедэнхэ алъэкIыщт, цIыфыбэмэ ящыIэныгъэ къагъэнэжьышъущт.

Проектмэ хэхъоныгъэ зэрашIырэм тылъэплъэ ыкIи яIофшIэнкIэ гъэхъагъэхэр ашIынхэу командэмэ тафэлъаIо!