Мыекъопэ къэралыгъо технологическэ университетым проектнэ командэхэмрэ студенческэ гукъэкIхэу «ИнноВектор» зыфиIорэмрэ IэпыIэгъу ятыгъэным пае акселерационнэ программэм ияплIэнэрэ едзыгъо зэрэригъажьэрэмкIэ макъэ къегъэIу. АНО «Платформэу Лъэпкъ технологическэ гукъэкIхэр» зыфиIорэм зэфэхьысыжьэу ышIыгъэм елъытыгъэу университетым мыгъи грантовэ IэпыIэгъу къыраты — 2026-рэ илъэсым ар сомэ 6 075 000 хъугъэ.

ЗэкIэмкIи едзыгъо зэнэкъокъум заявки 184-рэ хэлэжьагъ, экспертнэ осэшIмэ апхырыкIыгъэх. Заявкэмэ захаплъэхэм ыуж, МКъТУ-р урысые рейтингымкIэ я 58-рэ чIыпIэм уцугъэ, ащ тетэу изыпкъитыныгъэрэ инновационнэ ыкIи предпринимательскэ экосистемэмрэ хэхъоныгъэ зэраригъэшIырэр къыгъэшъыпкъэжьыгъ.

Акселераторэу «ИнноВектор» зыфиIорэм ия 4-рэ едзыгъо елъытыгъэу студенческэ командэмэ проектыр зэрэпсаоу агъэцэкIэщт ыкIи технологическэ ухьазырыныгъэр TRL I-2, TRL 3-4 нэсыщт. Мыщ хэлажьэрэмэ гъэлъэшыгъэ шIыкIэ зиIэ гъэсэныгъэ программэхэр арахьылIэщтых, трекерхэм ыкIи экспертхэм адэлэжьэщтых, бизнес-модельхэм хэхъоныгъэхэр арагъэшIыщтых, инвестициехэр къещэлIэгъэнхэм проектхэр афагъэхьазырыщтых. Акселераторэу «ИнноВектор» зыцIэр шъолъырхэм ыкIи хэгъэгум афэгъэхьыгъэ «Лъэпкъ технологическэ гукъэкIхэм» афытегъэпсыхьэгъэ проектхэм яхэхъоныгъэ ыпэ рагъэшъы, ащ пае агъэфедэхэрэр:

· Биотехнологиехэр, инновационнэ продуктхэр ыкIи гъомлэпхъэ промышленностым итехнологиехэр. ХэушъхьафыкIыгъэ бэдзэрэу НТИ FoodNet;

· Федэшхо къэзытэу ыкIи экологическэу къабзэу щыт агро- ыкIи аква-хъызмэтыр, экологиер ыкIи экологическэ мониторингыр; мэкъу-мэщ шъолъырхэм инжинирингэу ыкIи реинжинирингэу бизнес-процессхэу ащагъэфедэхэрэр: инновационнэ инженернэ гъэпсыгъэр ыкIи мэкъу-мэщ шъолъырхэмрэ мэкъу-мэщ хъызмэтымрэ хэхъоныгъэхэр ягъэшIыгъэнхэр. ХэушъхьафыкIыгъэ бэдзэрэу НТИ FoodNet, Технет;

· Искусственнэ интеллектыр, цифрэ технологиехэр ыкIи НТИ FoodNet, Технет ибэдзэрхэм ясервисхэр», «Искусственнэ интеллектыр», «Нейротехнологиехэр, виртуальнэ ыкIи тедзэ нэфапIэм итехнологиехэр», «Робототехникэм ыкIи мехатроникэм ащагъэфедэрэ технологиехэр», «Машиннэ егъэджэным ыкIи когнитивнэ технологиехэм афытегъэпсыхьэгъэ технологиехэр»).

Мыекъопэ къэралыгъо технологическэ университетым 2022-рэ илъэсым къыщыублагъэу технологическэ предпринимательствэм IэпыIэгъу фэгъурэ — акселераторэу «ИнноВекторым» исистемэ фэгъэхьыгъэ программэр егъэцакIэ. Грантовэ IэпыIэгъум ишIуагъэкIэ программэр атIупщыгъ ыкIи федеральнэ проектэу «Университетскэ технологическэ предпринимательствэм и Платформэм» щыщ хъугъэ, ащ къыдырегъаштэ наукэмкIэ ыкIи гъэсэныгъэмкIэ Урысыем и Министерствэ.

Акселераторыр агъэцакIэфэ студент нэбгыришъэ пчъагъэмэ ягукъэкIхэр проект шъыпкъэ ашIыжьыгъэх. Апэрэ едзыгъом нэбгырэ 500-м ехъу хэлэжьагъ, стартап 60-м ехъу атIупщыгъ. ЯтIонэрэ едзыгъоу 2023-рэ илъэсым щыIагъэм программэр ыгъэлъэшыгъ, ащ лъэныкъохэу креативнэ индустриехэр, медицинэр ыкIи гъомлэпхъэ производствэм итехнологиехэр хэхьагъэх. Проектхэр къыщагъэлъэгъуагъэх «ГукъэкIхэм ябэдзэр» ыкIи «ДемоМафэхэм», экспертхэмрэ инвесторхэм ашIогъэшIэгъоныгъэх. 2024-рэ илъэсым университетым джыри грант къыдихыгъ — сомэ млн 6,4-рэ, ащ ишIуагъэкIэ НТИ-м иэкспертнэ куп зиушъомбгъугъ. Акселераторым иящэнэрэ едзыгъо МКъТУ-м истудент ыкIи икIэлэегъэджэ 1200-рэ хэлэжьагъэх, эксперт 18-мэ ыкIи трек 13-мэ Iоф адашIагъ. Гъэсэныгъэ программэм хэтыгъэх лекциехэр, мастер-классхэр, воркшопхэр ыкIи хэушъхьафыкIыгъэу командэмэ адагъэзекIогъэныр, бизнес-модельхэр. Акселерационнэ программэу «ИнноВекторым» илъэсищым къыкIоцI студенческэ ыкIи команднэ проект 295-рэ ыгъэцэкIагъ.

«ИнноВекторым» ияплIэнэрэ едзыгъо зэратIупщыгъэм къегъэлъагъо МКъТУ-м зэкIэлъыкIоу ииновациехэм, технологическэ предпринимательствэм ыкIи неущрэ экономикэм икадрэхэм ягъэпсын зэрэдэлажьэрэр, истатус къызэригъэшъыпкъэжьырэр. МКъТУ-м икомандэ тыфэгушIо къылэжьыгъэ текIоныгъэр къызэрэдихыгъэм, программэр дэгъу дэдэу зэригъэцакIэрэм, технологическэ шIыкIэхэр къызэригъотыхэрэм афэшI ыкIи пытагъэ хэлъэу ыпэкIэ лъыкIотэнэу фэтэIо!