Проектэу ID 46I830 «Апэрэ IэпыIэгъум епхыгъэ информационнэ-гъэсэныгъэ Iофым фегъэджэгъэнхэмкIэ шIыкIэхэр гъэпсыгъэнхэр ыкIи уплъэкIугъэнхэр» зыфиIорэм икомандэ гукъэкIым игъэцэкIэнкIэ лъэубэкъушIу ышIыгъ.

МБОУ «ЕджэпIэ шъхьаIэу №27-м» икIэлэеджакIохэр программэу «Къулыкъу ахьызэ егъэджэгъэнхэр» зыфиIорэм дэлажьэх. Апэрэхэм IофшIэнэу видеофильмэу «ЦIыфыр мэхыгъэмэ, ижьыкъащэ зэпыугъэмэ, лъыр къемыкIокIыжьырэмэ апэрэ IэпыIэгъоу ебгъэкIыщтыр. ЗэкIэлъыкIуакIэр ыкIи гу-тхьабыл реанимациер ешIэфыгъэным итехникэ» зыфиIорэм итехынкIэ агъэцэкIагъэхэр кIэм фэкIуагъэх.  

«Дышъэ шапхъэу» федеральнэ программэу ««Къулыкъу ахьызэ егъэджэгъэнхэр» зыфиIорэм елъытыгъэу командэм едзыгъо шъхьаIэхэр ыкIугъахэх: социальнэ гумэкIыгъом икъыхэгъэщын; гукъэкIыр гъэпсыгъэныр; шIыкIэм истратегие гъэнэфэгъэныр; практическэ гъэцэкIэныр; зэфэхьысыжьмэ уасэу къафашIыгъэр; информацием зегъэушъомбгъугъэныр. Ащ фэдэ екIолIакIэм социальнэ пшъэрылъхэр нахь гурыIогъошIу къафешIы, проектмэ яедзыгъохэр зэрэзэпхыгъэхэр алъэгъу, шъхьадж иIофшIагъэ уасэ зэриIэр къагурэIо ыкIи зэхашIэ.

Зэрэрагъаджэхэрэ видеофильмэр зэрэтырахырэр

Видеоролик пэпчъ къызпкъырыкIырэр — командэм хэтмэ зэкIэмэ язэгурыIожь-IофшIэн. Процессым хахьэх:

· сценарнэ планированиер: сценариер пкъыгъо-пкъыгъоу зэхэгъэуцогъэныр;

· актерскэ ухьазырныгъэр: текстым изэгъэшIэн ыкIи апэрэ IэпыIэгъур зэрябгъэкIыщт шIыкIэм кIэпшIыкIыжьыныр;

· реквизиторскэ IофшIэныр: материалхэм ыкIи оборудованием ягъэхьазырын;

· операторскэ съемкэр: ракурсхэм якъыхэхын ыкIи техническэу режиссерым игукъэкI гъэцэкIэгъэныр;

· фотодокументированиер: съемочнэ процессыр зэрэкIорэр бгъэунэфыныр.

А IофшIэным изэфэхьысыжьыр апэрэ IэпыIэгъур зэрэрагъэкIыщтымкIэ егъэджэн материал щыIэ зэрэхъугъэр ары.

Проектыр гъэIорышIэгъэныр: пшъэдыкIыжьым хагъэхъоныр

ЗэкIэ хэлажьэхэрэр процессым хэщэгъэнхэм пае проектым ипаспорт  зэхагъэуцо, ащ гъэцэкIэным иплан гъусэ фашIы, командэм хэтмэ едзыгъомэ зэкIэмэ унашъохэр ащашIых, графикым елъытыгъэу зэIукIэхэр зэхащэх. Ащ фэдэ екIолIакIэм ишIуагъэкIэ студентхэми кIэлэеджакIохэми проектнэ ыкIи команднэ IофшIэным нахь афэкъулаехэу мэхъух.

Джыри зы лъэубэкъу щынэгъончъэм екIоу: апэрэ IэпыIэгъумкIэ практическэ десэхэр

Ащ дакIоу проектэу ID 460867 «Апэрэ IэпыIэгъур ягъэкIыгъэнымкIэ шIыкIэм изэхэгъэуцон ыкIи МБОУ «ЕджэпIэ шъхьаIэу №27-м икIэлэеджакIохэм ягъэуплъэкIугъэныр» апэрэ пшъэрылъхэм ащыщ. Лъэныкъоу «МашIо щынэгъончъэным» феджэрэ студентхэу Екатерина Кореевам, Айдамир Тлуповым, Бахъо Айдамыр ыкIи Денис Пахарчукым практическэ десэхэр кIэлэеджакIомэ апае къатыгъэх.  

ГъэсакIохэр ыкIи экспертнэ IэпыIэгъур

ПроектитIуми афэгъэзагъ Мыекъопэ къэралыгъо технологическэ университетым экологием ыкIи тыкъэзыуцухьэрэ дунаим якъэухъумэнкIэ кафедрэм идоцентэу Къыздырмыщ Сулиетэ.  

Зэфэхьысыжьхэр ыкIи пшъэрылъхэр

Проектмэ къагъэлъагъо программэу «Къулыкъу ахьызэ егъэджэгъэнхэр» зыфиIорэм хэлажьэрэмэ теоретическэ шIэныгъэмэ адакIоу социальнэ пшъэрылъхэри зэрагъэцакIэхэрэр. Мы гъэсэныгъэ ресурсэу агъэпсыгъэхэм апэрэ IэпыIэгъур ягъэкIыгъэным фэгъэхьыгъэ шIэныгъэу цIыфхэм яIэр  къаIэтыщт.