Пшызэ къэралыгъо университетым торжественнэ шIыкIэм тетэу Президентым ыкIи Урысые Федерацием и Правительствэ ястипендиехэр Къыблэ федеральнэ шъолъырымкIэ къызфагъэшъошагъэхэм ацIэхэр къыщыраIуагъэх, къыщыхагъэщыгъэх.

Торжественнэ церемониер къызэIуихыгъ Урысые Федерацием и Президент и Полномочнэ лIыкIоу Къыблэ федеральнэ шъолъырым щыIэ Владимир Устиновым. ШIуфэс псалъэхэмкIэ къэзэрэугъоигъэхэм джащ фэдэу закъыфагъэзагъ Краснодар краим игубернаторэу Вениамин Кондратьевымрэ Урысыем и ЛIыхъужъэу, хэушъхьафыкIыгъэ дзэ операцием хэлэжьагъэу, программэу «ЛIыхъужъмэ яуахътэ» хэтэу Сергей Бойкэмрэ.

Мыекъопэ къэралыгъо технологическэ университетым илIыкIо куп ипэщагъ научнэ IофшIэнымкIэ ыкIи инновационнэ хэхъоныгъэмкIэ проректорэу Татьяна Овсянниковар.

Президентым ыкIи Урысые Федерацием и Правительствэ истипендиехэр гъэ къэс студентхэм ыкIи магистрантхэм араты дэгъоу еджэхэрэм ыкIи наукэм зиIахьышхо хэзылъхьагъэхэм. Ащ фэдэ уасэ инхэр яIофшIагъэмэ, ушэтынэу зыпылъыгъэхэмэ, профессиональнэ хэхъоныгъэм лъыбанэхэрэмэ къакIэкIуагъ.

Мыекъопэ къэралыгъо технологическэ университетым щыщхэу стипендиатхэм ахэфагъэхэр:

Урысые Федерацием и Президент истипендие зыфагъэшъошагъэхэр:

· УдыкIэкIо Дарина — лечебнэ факультет.

Урысые Федерацием и Правительствэ истипендиехэр зэратыщтхэр:

· Алена Бахтинар — лечебнэ факультет

· Мэрэтыкъо Бэлла — лечебнэ факультет

· Сальбий Итуовыр— лечебнэ факультет

· Розалия Обмачевскаяр — лечебнэ факультет

· Дарья Козловар — экономикэмрэ гъэIорышIэнымрэ яфакультет имагистранткэм

· Ангелина Меркуловар — фармацевтическэ факультет

· Дарья Хорольцевар — фармацевтическэ факультет

· Виктория Плетюховар — педиатрическэ факультет

· Вероника Монисовар — экономикэмрэ юриспруденциемрэ яинформационнэ системэхэм яфакультет

· КIубащычэ Аминат — стоматологическэ факультет

МэфэкI зэхахьэм къыдыхэлъытагъэу рэзэныгъэ тхылъхэр стипендиатмэ яянэ-ятэхэм аратыгъэх — дэгъоу якIалэхэр зэрапIугъэхэм, зарадэIэпыIагъэхэм апае.

Къыхэдгъэщын, къыхагъэщыгъэ студентмэ янахьыбэрэр МКъТУ-м и Студенческэ научнэ обществэ иIофтхьабзэхэм чанэу ахэлажьэх, ежьхэм ягъэхъагъэхэр — ясистемнэ научнэ IофшIагъэхэм ыкIи ягуетныгъэ язэфэхьысыжьых.

Тистудентмэ тарэгушхо, джыри гъэхъагъэхэр ашIынхэу, научнэ ыкIи профессиональнэ лъэныкъохэмкIэ хахъохэр яIэнхэу тафэлъаIо!