«Точка кипением» иятIонэрэ слетэу «От сообщаемости до сетевых эффектов» зыфиIорэр щыIагъ — мэфитIу хъурэ практическэ программэу ядернэ купхэм ыкIи командэхэм ялIыкIомэ апае рагъэкIокIырэр, зэхэт IофшIэным хэгъэгум зыщезгъэушъомбгъурэм. ЗэхэщакIор — АНО «Платформа НТИ».

Москва, «Точка кипением» игупчэ Урысыем илIыкIо 30-м ехъу къыщызэрэугъоигъ. Мыекъопэ къэралыгъо технологическэ университетым и «Точка кипение» ащ къыщызгъэлъэгъуагъэр программнэ пащэу, маркетингым, сервисым ыкIи туризмэм якафедрэ идоцентэу Светлана Новиковар ары.

Хэлэжьагъэмэ программэ игъэкIотыгъэ акIугъ: сообществэмэ япрактикэхэр зэрагъэшIагъэх, сэнэхьатыкIэр зэгъэгъотыгъэным фытегъэпсыхьэгъэ джэгукIэ шапхъэм итхэу Iоф ашIагъ, апэкIэ къэтыр къагурыIоным зыфагъэсагъ, зэпхыныгъэхэм, гупчэ гъэIорышIэным, джэгукIэу «Рой сети» ззыфиIорэмкIэ джэгунхэу зэрагъэшIагъ. Слетым къыдыхэлъытагъэу экспертэу хэлэжьагъэхэр: Платформа НТИ, АСИ, МГУ, Университет 2035-рэ ыкIи нэмыкI организациехэр.

Слетым икIэухым зэфэхьысыжьхэр ашIыгъэх, текIогъэ командэхэр къыхагъэщыгъэх. Мыекъопэ къэралыгъо технологическэ университетым и «Точка кипение» иIахь Лъэпкъ технологическэ гукъэкIым идвижение, джащ фэдэу гъэсэныгъэ практикэм, цифрэ экономикэм ыкIи технологиехэм зэрахилъхьагъэм афэшI рэзэныгъэ тхылъ къыфагъэшъошагъ. Технологическэ сообществэхэм хэхъоныгъэ ягъэшIыгъэнымкIэ Департаментым ипащэу Лиана Кобзевам къызэрэкIигъэтхъыгъэмкIэ, 2025-рэ илъэсым Мыекъопэ къэралыгъо технологическэ университетым и «Точка кипение» иIахьышхо хилъхьагъ урысые акциеу «Марафон полезных игр» зыфиIорэр рагъэкIокIыным пае, джащ фэдэу ныбжьыкIэ проектхэм яурысые зэнэкъокъоу «Уигухэлъ факIу» зыцIэм изэхэщэн зэрэдэлжьагъэр игущыIэхэм къащыхигъэщыгъэх.

Шъугу къэдгъэкIыжьын, МКъТУ-м и «Точка кипение» Мыекъуапэ 2021-рэ илъэсым къыщызэIуахыгъ. Ащ ипэрытыр —  университетым иректорэу Къуижъ Саид, администраторыр — научнэ IофшIэным игъэIорышIапIэ иIофышIэу Мария Тамахинар. Илъэси 4-м къыкIоцI «Точка кипением» нэбгырэ 8200-рэ хэлэжьагъ, щатхыгъэр мин 54-м нахьыбэ хъугъэ. Мыекъуапэ щыпсэурэмэ япроценти 6-р Iофтхьабзэмэ ахэтыгъэхэу агъэунэфыгъ, а пчъагъэм хэхьэх сабыйхэри, пенсионерхэри, нэмыкIхэри.

МКъТУ-м и «Точка кипение» зэхэщакIохэм ыкIи иIофшIэгъухэм афэраз зэрэзэдэлэжьагъэхэм ыкIи опытымкIэ зэрэзэхъожьыгъэхэм апае. ТапэкIэ — джыри проектыкIэхэр къэтых!