Мыекъопэ къэралыгъо технологическэ университетым иректор игрантхэм язэнэкъокъоу 2025-рэ илъэсым ичъэпыогъу мазэ къаIопщыгъагъэм экспертнэ комиссием зэфэхьысыжьхэр фишIыгъэх.

Комиссием университетым щылажьэрэ шIэныгъэлэжьхэр хэтыгъэх, ятхьаматагъэр научнэ IофшIэнымкIэ ыкIи инновационнэ хэхъоныгъэмкIэ проректорэу, философскэ шIэныгъэхэмкIэ докторэу, профессорэу Татьяна Овсянниковар ары.

Зэнэкъокъур гъэ къэс зэхащэ научнэ-ушэтэкIо IофшIэнэу рагъаджэрэмэ афэгъэхьыгъэу рагъэкIокIыхэрэм хэхъоныгъэхэр ягъэшIыгъэным ыкIи научнэ Iофхэм ахэщэгъэнхэм, финансовэ IэпыIэгъу ятыгъэным пае.

2025-рэ илъэсым IофшIэгъэ 20 хагъэлэжьэнэу къатыгъ: техническэ наукэхэмкIэ — 6; медицинскэхэмкIэ — 6; фармацевтическэхэмкIэ — 3; естественнэхэмкIэ — 5.

Экспертизэм изэфэхьысыжьхэр МКъТУ-м иректорэу Къуижъ Саидэ рахьылIагъэх, ащ проектихэу финансовэ IэпыIэгъу зэратытхэмкIэ унашъо ышIыгъ.

Лъэныкъоу «Техническэ наукэхэр» зыфиIорэмкIэ текIогъэ проектхэр:

· «Инновационный способ очистки нефти от нефтепродуктов от серы озоном» зыфиIорэр, авторхэр — Кирилл Цветноир ыкIи Ярослав Багровыр (научнэ пащэр — техническэ шIэныгъэхэмкIэ кандидатэу Дмитрий Бебко);

· «Разработка рецептуры и технологии трайфла функционального назначения с использованием сыра „Мате“», авторыр — Ожъ Альбин (научнэ пащэр — техническэ шIэныгъэхэмкIэ кандидатэу Тхьаишъао Аминэт).

Лъэныкъоу «Мэкъу-мэщ наукэхэр»:

· «Агробиологическая оценка сортов ежевики (Rubus subg. Eubatus Focke) в условиях Адыгеи», авторыр — Вячеслав Карпенко (научнэ пащэр — мэкъу-мэщ шIэныгъэхэмкIэ кандидатэуДэгужъые Зар);

· «Адаптивная технология выращивания кенафа в условиях юга России», авторыр — Алексей Бартош (научнэ пащэр — мэкъу-мэщ шIэныгъэхэмкIэ кандидатэу Мамсыр Нурбый ).

Лъэныкъоу «Медицинскэ наукэхэр»:

· «Металлокерамические и циркониевые коронки: сравнение и теоретическое обоснование нового цеолитоподобного промежуточного слоя», авторыр — Дэгужъые Аиша (научнэ пащэр — Шэуджэн Вячеслав).

Лъэныкъоу «Фармацевтическэ наукэхэр»:

· «Изучение состава основных групп биологически активных веществ нового противовоспалительного сбора после гидролиза», авторыр — Ольга Сокур (научнэ пащэр — Вера Артемьева).

ТекIоныгъэ къыдэзыхыгъэмэ ахъщэ аратыщт. АхэмкIэ научнэ ушэтынхэр ашIыщтых, IофшIэгъэ дэгъухэр рейтинг ин зиIэ журналхэм къащыхарагъэутыщтых ыкIи студенческэ научнэ-практическэ конференциеу МКъТУ-м 2026-рэ илъэсым имэлылъфэгъу мазэ щызэхащэщтым къыщыраIотыкIыщтых.

ТекIоныгъэ къыдэзыхыгъэмэ тафэгушIо ыкIи тапэкIэ джыри гъэхъагъэхэр ашIынхэу, научнэ проектыкIэхэр агъэцэкIэнхэу тафэлъаIо!