МКъТУ-м и «Точка кипение» технологическэ предпринимательхэм ыкIи университетым иIофыгъуакIэхэм апылъхэм апае хъугъэ-шIагъэ гъэшIэгъон щыкIуагъ — Демо-мафэу гъэсэныгъэ проектэу «Хэхъоныгъэм илъагъу» зыфиIорэр, ар АНО «Университетым и Лъэпкъ технологическэ гумэкIхэр 2035-рэ» зыфиIорэм игъусэу зэхащагъ.

Студенческэ командэмэ ямэзиплI IофшIэным къыкIэлъыкIогъэ финальнэ едзыгъу ар, а уахътэм къыкIоцI гъэсакIохэмрэ экспертхэмрэ яIэшъхьэтетхэу технологическэ ыкIи социальнэ проектхэм апылъыгъэх.

МКъТУ-м ифакультетхэм, икъутамэхэм, университетым икъутамэу поселкэу Яблоновскэм щыIэ Политехническэ колледжым ащеджэрэ студенти 110-рэ хэлэжьагъэх, ахэр проектнэ командэ 20 хъущтыгъэх. Лъэныкъо зэфэшъхьафхэмкIэ проектхэр къагъэлъэгъуагъэх — экотуризмэм ыкIи чIыопс шъолъырым якъэухъумэн къащегъэжьагъэу цифрэ медицинэм, агродронмэ ыкIи искусственнэ интеллектым ихэкIыпIэхэм анэсыжьхэу ахэр щытыгъэх.

Пчэдыжь сессиер

НТИ «Эконетым» ыкIи социальнэ проектхэм ябэдзэр: экотуризмэр, псыкъиуным щыухъумэгъэнхэр, чIыопс шъолъырэу къагъэгъунэхэрэр, биопоникэр, агротехнологиехэр, экологиер, культурнэ ыкIи социальнэ гукъэкIхэр.

Адыгэ Республикэм исоциальнэ пшъэрылъхэм, экологием, туризмэм япхыгъэ Iофыгъохэм язэшIохын проекти 9 фэгъэзэгъагъ.

Мэфэ сессиер

НТИ «Фуднетым», «Хелснетым» ыкIи пхырыкIырэ технологиеу «Искусственнэ интеллектым» ябэдзэр: инновационнэ шхыныгъохэр, digital-псауныгъэ къэухъумэгъэныр, стоматологическэ IT-екIолIакIэхэр, мэкъу-мэщ ыкIи промышленнэ дронхэр, къэкIырэ уцмэ апае нейросеть ыкIи шъолъырым ифермерскэ хъызмэтхэр. Хэлажьэрэмэ гъомлэпхъэ технологиехэм, цифрэ медицинэм, стоматологием, пилот зэрымыс системхэм ыкIи AI-р зэрагъэфедэрэм афэгъэхьыгъэ проект 11 къагъэлъэгъуагъ..

МКъТУ-м и «Точка кипение» икомандэ операторэу университетым иIагъ: программнэ пащэр Светлана Новиковар ыкIи администраторыр Мария Тамахинар.

Экспертхэр:

·        Iэшъынэ Анжелика — МКъТУ-м научнэ IофшIэнымкIэ игъэIорышIапIэ ишIэныгъэлэжь IофышIэ шъхьаI;

·        Ирина Дербеневар — НКО «Важные вещи» зыфиIорэм ипащ;

·        Марина Мельник — АНО «Физическэ культурэм ыкIи спортым хэхъоныгъэ егъэшIыгъэнымкIэ Гупчэр» зыфиIорэм именеджер;

·        Светлана Новиковар — маркетингым, сервисым ыкIи туризмэм якафедрэ идоцент, МКъТУ-м и «Точка кипение» ипрограммнэ пащ;

·        Надежда Сазонец — ландшафтнэ архитектурэм ыкIи мэз Iофым икафедрэ икIэлэегъэджэ шъхьаI;

·        Ирина Селивановар — чIыгугъэпсыным икафедрэ идоцент;

·        Мария Тамахинар — МКъТУ-м научнэ IофшIэнымкIэ игъэIорышIапIэ ишIэныгъэлэжь IофышI;

·        Цундышк Вячеслав — МКъТУ-м информационнэ щынэгъончъэнымкIэ ыкIи прикладной информатикэмкIэ кафедрэм ипащ;

·        Надежда Шелест — МКъТУ-м къычIитIупщыгъ, графическэ дизайнер;

·        Денис Шишкаловыр — аспирант, МКъТУ-м медицинскэ ыкIи фармацевтическэ химием икафедрэ икIэлэегъадж.