Мыекъопэ къэралыгъо технологическэ университетыр Альфа-Банкым ипрограммитIумэ ахэлэжьагъ: «Альфа-Неущыр. Студентмэ апае стипендиехэр» ыкIи «Альфа-Неущыр. КIэлэегъаджэмэ апае грантхэр» зыфиIохэрэмэ.

Сэнаущыгъэ зыхэлъ ныбжьыкIэхэмрэ IэпэIэсэныгъэ зиIэ кIэлэегъаджэхэу гъэсэныгъэм инновационнэ екIолIакIэхэр къыфэзгъотыхэрэ лъэныкъуитIуми мэхьанэ яIэ хъугъэ.

Программэу «Альфа-Неущыр / Стипендиехэр» зыфиIорэм апшъэрэ еджэпIэ 300 хэлэжьагъ, тэ тистудентмэ анахь шIэныгъэ дэгъухэр къагъэлъэгъуагъэх, стипендие нахьыбэ къыдахыгъ. Программэу «Стипендиер» зыфиIорэмкIэ текIоныгъэ къыдэзыхыгъэ студентмэ мазэ къэс сомэ 5000 зырыз аратызэ ашIыщт.

Университетым истудент нэбгырэ 13-у текIоныгъэ къыдэзыхыгъэхэр, стипендие тедзэр зэратыщтхэр:

— Алена Лепинскаяр (стоматологическэ факультетыр)

— Кубащычэ Аминат (стоматологическэ факультетыр)

— Цэй Джамал  (лечебнэ факультетыр)

— Алена Бударинар (лечебнэ факультетыр)

— Яна Паладовар (лечебнэ факультетыр)

— Мэрэтыкъо Бэллэ (лечебнэ факультетыр)

— Вероника Мажаринар (экономикэмрэ гъэIорышIэнымрэ яфакультет)

— Замира Индрисовар (экономикэмрэ гъэIорышIэнымрэ яфакультет)

— Иныхъу Изабеллэ (экономикэмрэ гъэIорышIэнымрэ яфакультет)

— Ангелина Васильевар (инженернэ факультетыр)

— Денис Крылевскэр (мэкъу-мэщ технологиехэм яфакультет)

— Диана Бужко (технологическэ факультетыр)

— Сапый Милана (экономикэмрэ  юриспруденциемрэ яинформационнэ системэхэм яфакультет)

Лъэныкъоу «Альфа-Неущыр. КIэлэегъаджэмэ апае грантхэр» зыфиIорэмкIэ Альфа-Банкым урысые грантовэ IэпыIэгъу- программэ ытIупщыгъ, ар кIэлэегъаджэхэу гъэсэныгъэм хэхъоныгъэ езыгъэшIыхэрэм, инновационнэ шапхъэхэр зыгъэфедэхэрэр, студентмэ гукъыдэчъхэр язытыхэрэр ыкIи университетым зиIахь хэзылъхьэхэрэр ары зыфытегъэпсыхьагъэр. Университетым икIэлэегъаджэмэ къатыгъэ заявкиплIымэ ахэплъагъэх. ТекIоныгъэ къыдэзыхыгъэмэ  Грантэу сомэ 250 000 зэтыгъоу араты, ар кIэлэегъэджэ IофшIэным епхыгъэу бгъэкIодын плъэкIынэу ары зэрэщытыр. А мылъкумкIэ рагъэкIокIырэ Iофтхьабзэмэ кIэлэегъэджэ сообществэр къыхагъэлэжьэн фае. ТекIоныгъэ къыдэзыхыгъэр стандартизациемкIэ, метрологиемкIэ ыкIи товарнэ экспертизэмкIэ кафедрэм идоцентэу КIэдэкIое Нафсэт ары.

ТекIуагъэмэ зэкIэмэ тафэгушIо! Джыри гъэхъагъэхэр бэрэ ашIынхэу, Iофтхьэбзэ гъэшIэгъонмэ ахэлэжьэнхэу тафэлъаIо!