Мыекъопэ къэралыгъо технологическэ университетым зичэзыу едзыгъоу проектэу «Студентхэр зыщеджэхэрэ уахътэм документальнэ Iофыгъоу япхыгъэхэм япроцесс нахьышIу шIыгъэныр» зыфиIорэм игъэцэкIэн кIэм фэкIуагъ.

Проектым игъэцэкIэнкIэ пэщэныгъэ Iофым дызезыхьагъэр ФГАНУ «Социоцентр» зыфиIорэм компетенциехэмкIэ и Отраслевой гупчэ иIэшъхьэтетэу Руслан Долженкэр ары. Проектым ипшъэрылъыр — студенческэ документхэм адэлэжьэгъэнымкIэ оптимизациер, стандартизациер ыкIи цифровизациер иIофыгъо шъхьаIэхэм яхьылIэгъэныр.

Проектыр зэрагъэцэкIагъэм ишIуагъэкIэ сервисым идэгъугъэ хэхъуагъ, студентхэмкIэ документхэм ягъэзекIон Iэрыфэгъу хъугъэ, административнэ хьылъэу университетым иIофышIэмэ апшъэ дэлъыгъэр агъэпсынкIагъ.

Мы мафэхэм проектнэ ыкIи рабочэ купхэм зэхэсыгъохэр адашIыгъэх. Ахэмэ планыр зэрагъэцакIэрэм епхыгъэ Iофыгъохэр шъхьаф-шъхьафэу ащызэхафыгъэх, зэфэхьысыжьхэмкIэ пшъэрылъым нэсыгъэхэмэ агъэунэфыгъ. Ащ ыуж, университетым илIыкIохэмрэ «Социоцентрэм» иэкспертрэ подразделениехэу проектым хэлажьэхэрэр къаплъыхьагъэх. Рабочэ процессхэм язэхэщэн зэхъокIыныгъэхэр зарэфэхъугъэхэр ащ къыгъэнэфагъэх, документхэр агъэкIэжьыгъэх, заявкэхэр нахь псынкIэу зэхафыхэ хъугъэ.

Зичэзыу едзыгъом кIэухэу иIагъ документ пакетхэм акIэтхэжьыгъэныр. «Социоцентрэм» илIыкIохэм МКъТУ-м икомандэ иIофшIэн осэшхо къыфашIыгъ. Хэгъэгум ичIыпIэ зэфэшъхьафхэмкIэ ар щысэшIу хъущт. Ахэмэ ащ фэдэ екIолIакIэр ащарагъэштэщт.

Проектым къытырэ шIуагъэхэр:

·        IофышIэмэ хьылъэу ателъыр нахь макIэ ешIы;

·        студентхэмкIэ нахь Iэрыфэгъу мэхъу;

·        электроннэ шIыкIэхэр хагъахьэхэзэ IэкIоцI процессхэр агъэкIэжьых;

·        процессхэм ягъэIорышIэн нахь зэIухыгъэу щытыщт;

·       IофшIэным идэгъугъэ зыкъырегъэIэты, гъэIорышIэныр нахь псынкIэ мэхъу.

Шъугу къэдгъэкIыжьын, 2025-рэ илъэсым ижъоныгъуакIэ мазэ Мыекъопэ къэралыгъо технологическэ университетыр Урысыем иапшъэрэ еджэпIитфэу федеральнэ проектэу «Производительность труда» зыфиIоу лъэпкъ проектэу «Эффективная и конкурентоспособная экономика» зыцIэр нахь дэгъоу зыщагъэцакIэрэмэ ахэфагъ. Сакъыныгъэ технологиехэр МКъТУ-м зэрэхагъэхьагъэхэм, методологическэ базэ лъэш зэриIэм ыкIи егъэджэн гупчэу «Фабрика процессов» зыфиIорэм чанэу зэрэдэлажьэхэрэм къакIэлъыкIуагъ. МКъТУ-м УрысыемкIэ апэрэу сакъыныгъэ апшъэрэ еджапIэ статусыр 2018-рэ илъэсым къыфагъэшъошагъ, ащкIэ иIэпыIэгъугъэх ГК «Росатомыр» ыкIи Адыгэ Республикэм и ЛIышъхьэу КъумпIыл Муратэ.

ШIэныгъэмкIэ ыкIи апшъэрэ гъэсэныгъэмкIэ Урысые Федерацием и Министерствэ игукъэкI агъэцэкIэн алъэкIыгъ УФ-м  экономикэм хэхъоныгъэ егъэшIыгъэнымкIэ и Министерствэ яIэпыIэгъоу.