Урысыем щыпсэурэ сэнаущыгъэ зыхэлъ ныбжьыкIэ шъитIум ехъумэ уахафэмэ — дизайнерхэм, сурэттеххэм, продюсерхэм, проектхэм япэрытхэм — къыбгурэIо: уапэкIэ щыIэр зэнэкъокъу къызэрыкIоп, уапэкIэ зэрэдунаеу щыI. Джары къызэрэриIотыкIырэр проектэу «tочkа» хэлажьэрэ МКъТУ-м илечебнэ факультет истуденткэу Виктория Чернобай, ар финалым ихьагъ ыкIи университетыр Санкт-Петербург къыщигъэлъэгъуагъ.

Зэнэкъокъум иедзыгъо пкIуным пае творческэ портфолио бгъэхьазырынэу щытыгъ, уикъэбар къипIотыкIынэу, уиIофшIагъэхэр щысэкIэ къэпхьынхэу, ахэмэ дипломхэмрэ щытхъу тхылъхэмрэ агоплъхьанхэ фэягъэ. Анахь гуетныгъэ зиIэхэу зигухэлъ факIохэрэр ары финалым ихьашъугъэхэр, федеральнэ шапхъэм хэлэжьэнхэм нэсыгъэхэр.

— Проектэу «tочkа» зыфиIорэм ухэлэжьэныр сэркIэ опыт инэу ыкIи гукъыдэчъэу хъугъэ. анахьэу сыгу рихьыгъэр сэнаущыгъэ зыхэлъхэм зэдэгущыIэгъу сазэрэфэхъугъэр ары, дизайнерхэм, сурэттеххэм, монтажёрхэм, ахэр зэкIэ Урысыем ичIыпIабэхэм къарыкIыгъэх, ягукъэкIхэр зэрагъэцэкIэщтхэм апылъых, креативнэ проект шъыпкъэ зэрашIыщтхэм апылъых», — къыIотагъ Викторие.

Мэфитфым къыкIоцI зэнэкъокъум хэлэжьагъэхэр лекцие пшIыкIутIумэ ядэIугъэх, командэмэ Iоф ащашIагъ, ягукъэкIхэр къаухъумагъэх, медиам ыкIи социальнэ проектхэм апае IофыгъуакIэхэм алъыхъугъэх.

Викторие креативнэ агентствэу Creative Spirit зыфиIорэм икомандэ щыщэу хъугъэ, проектыкIэхэм язэхэгъэуцон Iофым хэлэжьагъ, джащ фэдэу клипмейкингым икомандэ хэхьагъ, ащ видеороликхэр щытырахыгъэх.

— Финалым къыдыхэлъытагъэу сэр-сэрэу сурэтхэр тесхыгъэх, видеосъёмкэхэр сшIыгъэх, командэм сыхэтэу урысые медиахэм апае гукъэкIхэр къэсыугупшысыгъэх, практикэмкIэ ахэр къэзгъэшъыпкъэжьыгъэх. А опытым ишIуагъэкIэ джыри IофыгъуакIэхэм сакъыфэущыгъ, ахэр тиуниверситетскэ студенческэ СМИ-м щызгъэцэкIэщтых, — къыхигъэщыгъ Викторие.

Проектэу «tочkа» — ар чIыпIэу гукъэкIхэр нэфэпIэ шъыпкъэ зыщыхъухэрэр ары, ныбжьыкIэхэм акIуачIэхэм IофыгъуакIэхэр къащыкIэлъэкIо. Тэ тэгушхо Виктория Чернобай мы Iофтхьабзэ шIагъом итарихъ щыщэу зэрэхъугъэм!

Форумым изэхэщэнкIэ зишIуагъэ къэкIуагъэр  промышленнэ технологиехэм ыкIи дизайным я Санкт-Петербургскэ къэралыгъо университетым апэрэхэм я Движениеу иIэм игрантовэ IэпыIэгъу.