Непэ Мыекъопэ къэралыгъо технологическэ университетым шъолъыр форумэу «Тэтыехэм апай» зыфиIорэр щыкIуагъ, ар Урысые обществэу «ШIэныгъэмрэ» Пшызэ къэзэкъыдзэхэм я Мыекъопэ къэзэкъ отделрэ зэхэтхэу зэхащагъ, Адыгэ Республикэм иправительствэ яIэпыIэгъугъ.

Iофтхьабзэм изэхэщэн джащ фэдэу къыхэлэжьагъэхэр:

— Урысыем илъэпкъхэм я Ассамблееу Адыгэ Республикэм щыIэр;

— Адыгэ-Хасэр;

— Адыгэ Республикэм IофшIэнымкIэ ыкIи социальнэ хэхъоныгъэхэмкIэ и Министерствэ;

— лъэпкъ IофхэмкIэ, тилъэпкъэгъухэм зэпхыныгъэ адыряIэнымкIэ ыкIи къэбар жъугъэм иамалхэмкIэ АР-м и Комитет;

— Адыгэ Республикэм и ЦУР.

ШIуфэс псалъэхэм зэIукIэр къызэIуахыгъ.

ШIуфэс псалъэкIэ къэзэрэугъоигъэхэм закъыфагъэзагъ Адыгэ Республикэм и Къэралыгъо Совет-Хасэм итхьаматэ игуадзэу Цэй Эдуардрэ лъэпкъ IофхэмкIэ, тилъэпкъэгъухэм зэпхыныгъэ адыряIэнымкIэ ыкIи къэбар жъугъэм иамалхэмкIэ АР-м и Комитет ипащэу Долэ Долэтрэ.

ХэушъхьафыкIыгъэ дзэ операцием хэлажьэхэрэм, ахэмэ яунагъохэм IэпыIэгъу афэхъунхэм, профессиональнэ хэхъоныгъэ ягъэшIыгъэным, ящыIэкIэ-псэукIэ, язытет нахьышIу шIыгъэным форумыр фытегъэпсыхьагъ.

Адыгэ Республикэм ыкIи Краснодар краим ащыщхэу хэушъхьафыкIыгъэ дзэ операцием хэлэжьагъэхэр, непэрэ мафэм хэлажьэхэрэр, ахэмэ яунагъохэр, ныбжьыкIэхэр хабзэ органхэм, общественнэ организациехэм ялIыкIохэр зэхахьэм хэлэжьагъэх.

Форумым ихьакIэмэ апае игъэкIотыгъэ программэ агъэхьазырыгъ:

— тематическэ площадкэхэр;

— лекциехэр ыкIи экспертхэр зыхэлэжьагъэхэ зэдэгущыIэгъухэр;

— къалэмкIэ экскурсиер;

— концертнэ къэгъэлъэгъонхэр.

Анахь цIыкIу дэдэхэм апае интерактивнэ шъолъырым Iоф ышIагъ, ащ гъэшIэгъоныбэу акъылыгъэ зыхахащтхэр къыщатыгъэх.

ЦIыфхэу IэпыIэгъу зищыкIагъэхэр, хэхъоныгъэ зышIыным кIэхъопсыхэрэр форумым зэрипхыгъэх, мэхьанэ зиIэ площадкэ хъугъэ.