Мыекъопэ къэралыгъо технологическэ университетымрэ ныбжьыкIэ IофхэмкIэ Адыгэ Республикэм и Комитетрэ зэгъусэхэу шъолъыр форумэу «Iошъадэр» рагъэкIокIы, ар дипломатием иеджэпIэ ЗэIухыгъ.

IОШЪАД — ар лъэныкъуабэхэм афэгъэзэгъэ гъэсэныгъэ ыкIи практическэ площадкэу щыт, гражданскэ ыкIи лъэпкъ зыкIыныгъэм игъэпытэн дэлажьэ, лъэпкъ ыкIи дин зэфыщытыкIэхэу ныбжьыкIэхэм азыфагу илъхэм зарегъэушъомбгъу. Форумыр МКъТУ-м ибазэрэ «Адыгеим иныбжьыкIэхэм» ягупчэрэ ащэкIо, мэфитIурэ щыIэщт.

— Зы Iофым пылъ цIыфхэр нахь зэпхыгъэ мэхъух. Народнэ дипломатием культурнэ зэпхыныгъэхэр егъэпытэх, неущрэм ылъапсэ егъэпсы, тыгъуасэрэмрэ непэрэмрэ ыкIи неущырэмрэ зы нэшанэ ахегъуатэ, — къыхегъэщы народнэ дипломатиемкIэ ыкIи культурнэ зэпхыныгъэхэмкIэ МКъТУ-м и Гупчэ ипащэу Саид Мусхаджиевым.

Форумым къыдыхэлъытагъэу  тематическэ сессиехэр, Iэнэ хъураехэр ыкIи зэхэгущыIэжь зэIукIэхэр зэхащэх:

·        Проектым илъэтегъэуцо ыкIи поэтическэ акциеу «ЗыкIыныгъэм тэ кIуачIэ къытеты» зыфиIорэр.

Зезыщэхэрэр — НДиМК-м и Гупчэ иныбжьыкIэ клуб ипащэу Еутых Динар ыкIи ООД «Урысыем илъэпкъхэм яныбжьыкIэхэм ясоюз» и Адыгэ шъолъыр къутамэ ипащэу Будимир Юнатановыр.

·        Патриотическэ ыкIи профилактическэ сессиеу «Хэгъэгум ищынэгъончъагъэ ыкIи икъэухъумэн — Урысыем изыпкъитыныгъэ ыкIи ихэхъоныгъэмэ алъапс» зыфиIорэр.

Зезыщэхэрэр — тарихъ шIэныгъэхэмкIэ докторэу, профессорэу, Адыгэ Республикэм наукэмкIэ изаслуженнэ IофышIэу Елена Малышевар ыкIи АР-м терроризмэм пэшIуекIорэ комиссием иаппарат ипащэу ЛIый Азамат.

·        Лъэпкъ ыкIи дин зэфыщытыкIэхэм афэгъэхьыгъэ сессиеу «Россия рождалась как многонациональное и многоконфессиональное общество» зыфиIорэр.

ЗещакIохэр — лъэпкъ IофхэмкIэ, IэкIыбым щыпсэурэ тилъэпкъэгъухэм зэпхыныгъэ адыряIэнымкIэ ыкIи къэбар жъугъэм иамалхэмкIэ АР-м и Комитет итхьаматэу Долэ Долэт ыкIи народнэ дипломатиемкIэ ыкIи культурнэ зэпхыныгъэхэмкIэ МКъТУ-м и Гупчэ ипащэу Саид Мусхаджиевыр.

·        Культурнэ коммуникациехэм ыкIи урысые культурнэ кодым афэгъэхьыгъэ сессиер.

ЗещакIохэр — АР-м культурэмкIэ иминистрэу Аулъэ Юр ыкIи искусствоведениемкIэ докторэу, искусствэхэмкIэ АР-м изаслуженнэ IофышIэу Алла Соколовар.

·        Площадкэу «SOFT POWER» — Адыгэ Республикэм «икIочIэ шъаб».

ЗещакIохэр — IэкIыб зэпхыныгъэхэмкIэ ыкIи   инвестициехэмкIэ АР-м и ЛIышъхьэ иIэпыIэгъоу Хьакъунэ Бэлла ыкIи тарихъ шIэныгъэхэмкIэ кандидатэу, Краснодар краим иобщественнэ организациеу «Адыгэ Хасэм» ипащэу МэщылI Руслъан.

·       Информационнэ коммуникациехэм ыкIи ныбжьыкIэ политикэм афэгъэхьыгъэ сессиер.

ЗещакIохэр — социологическэ шIэныгъэхэмкIэ кандидатэу, АР-м и ЛIышъхьэ ипресс-къулыкъу социальнэ медиахэр мониторинг шIыгъэнхэмкIэ иотдел ипащэу КъумпIыл Тагир ыкIи ныбжьыкIэ IофхэмкIэ Адыгэ Республикэм и Комитет итхьаматэу Максим Галушкиныр.

·       Народнэ дипломатием ыкIи тарихъ шIэжьым фэгъэхьыгъэ Iэнэ хъураер.

ЗещакIохэр — Евразием илъэпкъхэм я Ассамблее и Генеральнэ секретариат ипащэ игуадзэу, политологэу, медиатехнологэу Наталия Заболотских ыкIи тарихъ шIэныгъэхэмкIэ докторэу, АРИГИ-м тарихъымкIэ иотдел ипащэу Ацумыжъ Казбек.

Форумым хэлажьэрэмэ зэхэгущыIэжь гъэшIэгъонхэр, зэхэт Iофтхьабзэхэр къяжэх, ахэр лъэпкъ зыкIыныгъэм ыкIи зэгурыIоныгъэм фэIорышIэщтых.