Мыекъопэ къэралыгъо технологическэ университетым и «Точка кипение» федэ къэзыхьырэ джэгукIэмэ я Марафонэу щызэхащэгъагъэр зэфашIыжьыгъ, ар НТИ-м и Кружковэ движение ыкIи лъэпкъ киберфизическэ платформэу «Берлога» зыфиIорэм къадыхэлъытагъэу рагъэкIокIыгъагъ.

Iофтхьабзэр маркетингымкIэ, сервисымкIэ ыкIи туризмэмкIэ кафедрэм идоцентэу, Мыекъопэ къэралыгъо технологическэ университетым и «Точка кипение» ипрограммнэ пащэу Светлана Новиковамрэ информационнэ щынэгъончъэнымкIэ ыкIи  прикладной информатикэмкIэ кафедрэм икIэлэегъаджэу Иныхъу Джанетэрэ зэращагъ.

ЗэIукIэм хэлэжьэгъэ кIэлэеджакIохэр шIэныгъэлэжь ныбжьыкIэхэмрэ инженерхэмрэ яамалхэм нэIуасэ афэхъугъэх, ахэмэ киберфизическэ платформэу «Берлога» зыфиIорэм ипчъэхэр къафызэIуахы. Джанета Муратэ ыпхъум десэу къытыгъэр зыфэгъэхьыгъагъэр НТО Junior «Технологиехэр ыкIи компьютернэ джэгукIэхэр» зыфиIорэр ары, ащ къыдыхэлъытагъэу ныбжьыкIэхэр апэрэ джэгукIэу щыIагъэхэм защагъэгъозагъ, гъэсэныгъэм ылъэныкъокIэ мэхьанэу яIэхэр ашIагъэх.

Гурыт еджапIэу №16-м икIэлэеджакIохэмэ джэгукIэхэр зэрэгъэпсыгъэхэр зэхафыгъэх, команднэ анализ механикэр ашIыгъ, ащ пае щысэу Tetris ыкIи Super Mario къахьыгъ, ежьмэ зэхагъэуцугъэ джэгукIэхэмкIэ зэдэгощагъэх. лъэпкъ технологическэ Олимпиадэу Junior — я 5-7-рэ классхэм арыс кIэлэеджакIохэм яинженернэ командэхэм язэнэкъокъу.

АдыгеимкIэ операторэу Марафоным иIагъэр Мыекъопэ къэралыгъо технологическэ университетым и «Точка кипений» ары. Зы мазэм къыкIоцI командэм хъугъэ-шIэгъи 7 ригъэкIокIыгъ — пъэтегъэуцохэр, мастер-классхэр ыкIи зэIухыгъэ десэхэр. Марафоным кIэлэеджэкIуи 150-рэ, университетым истуденти 140-рэ хэлэжьагъэх.

Федэ къэзыхьырэ джэгукIэмэ я Марафоныр — ар урысые акциеу щыт, НТИ-м и Кружковэ движениерэ лъэпкъ киберфизическэ платформэу «Берлога» зыфиIорэмрэ зэхащагъ, джащ фэдэу «Точка кипениер», ащ иIэпыIэгъугъэх  Платформэхэу НТИ, АСИ ыкIи Leader-ID. Акцием ипшъэрылъыр — федэ къэзыхьырэ урысые джэгукIэхэр къагъэлъэгъонхэр, егъэджэнымкIэ IэпыIэгъу хъущтхэр.

Марафоным къыдыхэлъытагъэу ащ хэлажьэрэмэ федэ къэзыхьырэ джэгукIэхэр ауплъэкIугъэх. Iофтхьабзэ 50-м ехъу рагъэкIокIыгъ — лекциехэр, демодесэхэр, мастер-классхэр, къэгъэлъэгъонхэр, плейтестхэр ыкIи джэгукIэ турнирхэр — кIогъахэх ыкIи хэгъэгум и «Точка кипениехэм» шэкIогъум и 8-м нэс ащыкIощтых.