Предпринимательскэ IэпэIэсэныгъэр хэгъэхъогъэнымкIэ тренингхэр Мыекъопэ къэралыгъо технологическэ университетым щыкIуагъэх, ахэмэ апшъэрэ еджапIэм истуденти 180-рэ ахэлэжьагъ. Егъэджэнхэр Университетэу Иннополисым иэкспертмэ рагъэкIокIыгъ.

Программэр зыфытегъэпсыхьэгъагъэр технологическэ стартапамхэм Iоф адашIэшъуным хэлажьэхэрэр фэгъэсэгъэнхэр ары. Студентхэр нэIуасэ афэхъугъэх непэрэ мафэм диштэрэр методикэхэу бизнес-проектхэм хэхъоныгъэ языгъэшIыхэрэм ыкIи практическэ амалхэр агъотыгъэх ягукъэкIхэр пхыращынхэмкIэ: эффективнэ командэ зэхэщэгъэныр, генерацие шIыгъэныр ыкIи непэ ящыкIагъэхэм ялъытыгъэу гукъэкIхэр къыхэхыгъэнхэр, целевой аудиториер зэфэпхьысыжьыныр, бизнес-моделыр къыхэхыгъэныр ыкIи нэмыкIхэр.

Егъэджэнхэр псынкIэу, интерактивнэ шапхъэм илъхэу зэхащэгъагъэх. Теоретическэ Iахьым ыуж хэлажьэрэмэ куп десэхэр къашIыгъэх, яунэе технологическэ проектхэм лъэтегъэуцохэр афашIыгъэх. Зэфэхьысыжьхэр зашIыхэм, текIоныгъэ къыдэзыхыгъэхэр къэнэфагъэх — анахь проект инхэу къыхагъэщыгъэмэ яавторхэр ыкIи командэмэ ахэтыгъэхэр:

— экологическэ факультетыр: Павел Осокиныр, Виктория Рыковар, Вероника Рыковар, Илья Ильиныр;

— инженернэ факультетыр: ШъэокIужь Амин, Илья Петровыр, Сергей Полехиныр;

— экономикэмрэ гъэIорышIэнымрэ яфакультет: Дмитрий Сердюковыр, Владимир Рудницкэр, Артём Перевертайло;

— мэкъу-мэщ технологиехэм яфакультет: Арина Астаховар, Анастасия Гречкинар, Захар Гурьевыр, Анастасия Чеботаевар, Виталий Афанасьевыр, Максим Андреевыр, Дмитрий Плотниковыр, Максим Вдовиныр, Вадим Трушиныр.

Предпринимательскэ IэпэIэсэныгъэр хэгъэхъогъэнымкIэ тренингхэр зы лъэубэкъу хъугъэх проектэу «Платформа университетского технологического предпринимательства» зыфиIорэр гъэцэкIэгъэнымкIэ. Ащ къыдыхэлъытагъэу МКъТУ-м истудентмэ технологическэ предпринимательствэм фэгъэхьыгъэ егъэджэнхэр акIушъущтых, акселерационнэ программэм хэлэжьэшъущтых, стартап-студиехэми стажировкэ ащахьышъущтых, джащ фэдэу унэе проектхэр атIупщынхэ алъэкIыщт, экспертнэ ыкIи финансовэ IэпыIэгъуи агъотыщт.