Мыекъопэ къэралыгъо технологическэ университетым игъэсэныгъэ ыкIи иинновационнэ IофшIэн мэхьанэшхо зиIэ Iофтхьабзэр щыхегъэунэфыкIы — МКъТУ-м и «Точка кипение» илъэсиплI зэрэхъугъэр. Ащ фэгъэхьыгъэ хъугъэ-шIагъэм епхыгъэ Iофтхьабзэ университетым щырагъэкIокIы, форумэу «МКъТУ-м и Точка кипение 5.0» зыфиIорэр — гъэ къэс студентхэр, кIэлэегъаджэхэр, хабзэм ыкIи бизнесым илIыкIохэр зэзыпхырэр ары.

ЗэхэщакIоу яIэхэр МКъТУ-м и «Точка кипение» икомандэу Платформэу НТИ-р зиIэпыIэгъур, Точка кипением епхыгъэхэр ыкIи зэдэгупшысэгъухэм я Клубхэр. Точкэм ипэрытхэр — университетым иректорэу Къуижъ Саид; программнэ пащэу — Светлана Новиковар; администраторыр — Мария Тамахина.

МКъТУ-м и «Точка кипение» Мыекъуапэ — ар зэхэт IофышIэ купмэ яIоф ыкIи профессионалмэ якомандэх, гъэсэныгъэ, зэхэгущыIэжь ыкIи проектнэ гукъэкIмэ апае зэхащагъэх, ахэр япхыгъэх Лъэпкъ технологическэ гукъэкIхэм (НТИ) ыкIи цIыфым ишъолъыр капитал хэхъоныгъэхэр егъэшIыгъэнхэм. 2021-рэ илъэсым ичъэпыогъу мазэ къызэIуахыгъэу, «Платформэу НТИ» ыкIи МКъТУ-м азыфагу зэзэгъыныгъэу дэлъым елъытыгъэу, ащ лекцие зэIухыгъэхэр, конференцехэр, семинархэр, тренингхэр, вебинархэр зэхещэх, шIэныгъэлэжьхэр, бизнесым ыкIи къэралыгъо органхэм ащылажьэхэрэр къыхегъэлажьэх. ИлъэсиплIым къыкIоцI «Точка кипением» нэбгырэ 8200-рэ пхырыкIыгъ, атхыгъэмэ япчъагъэ нэбгырэ мин 54-м шъхьадэкIыгъ. Къалэу Мыекъуапэ щыпсэухэрэмэ япроценти 6-р Iофтхьабзэмэ зэлъаубытыгъ, ахэмэ ахэтыгъэх кIэлэцIыкIухэр, пенсионерхэр, ащ къегъэлъагъо Iофым яшгъыпкъэу шъолъырым зэрэщыпылъхэр.

Форумыр къызызэIуахым шIуфэс псалъэхэр къашIыгъэх технологическэ кружокхэм я Ассоциацие ивице-президентэу, Кружковэ движением НТИ (къ. Москва) ипащэу Анастасия Старостинскэм, АНО «Платформа НТИ» зэлъиубытырэ «Точка кипением» иотдел ипащэ игуадзэу (къ. Москва) Антон Артамкиныр, «Апэрэхэм я Движение» ишъолъыр къутамэ ипроектхэм япащэу ЛIымыщэкъо Джамбулат, МКъТУ-м и «Точка кипение» ипрограммнэ пащэу, маркетингым, сервисым ыкIи туризмэм якафедрэ идоцентэу, Лъэпкъ премиеу АСИ «Хэгъэгур зэзыхъокIырэр цIыфхэр ары» зыфиIорэм илауреатэу Светлана Новиковар.

Форумым иапэрэ мафэ неущрэм агъэфедэщт проектнэ гупшысэным ыкIи гъэсэныгъэ инновациехэм афэгъэхьыгъагъ:

·  Лъэпкъ киберфизическэ иплатформэу «Берлога» зыфиIорэм илъэтегъэуцо щызэрагъэшIагъ проектым ипшъэрылъ, ныбжьыкIэмэ уазэрэдэлэжьэщт шIыкIэр. ХьакIэхэр гъэсэныгъэ проектхэм нэIуасэ афэхъугъэх. Зезыщагъэр: Светлана Новикова.

·  Программэу «Уроки Берлоги: Как стать первопроходцем» зыфиIорэм иинтерактивнэ десэхэм нэIуасэ ащыфэхъугъэх гущыIэу «стратегием» къикIырэм, ар браузернэ джэгукIэу «Журнал капитана Тундры» зыфиIорэм иматериал къыхэхыгъагъ. Зезыщагъэхэр: Светлана Новиковар ыкIи «Апэрэхэм я Движениеу» МКъТУ-м щыIэм итхьаматэу Нелля Каджиевар.

· Стратегическэ сессиеу «оСНОва науки» зыфиIорэм ипшъэрылъыгъэр — Студенческэ научнэ обществэм хэхъоныгъэхэр зыщишIыхэрэ чIыпIэхэр къыхэгъэщыгъэнхэр ары, джащ фэдэу ащ игъогу картэу 2025-2026-рэ еджэгъу илъэсхэм ателъытагъэр гъэнэфэгъэныр. Модераторыр: МКъТУ-м и СНО ипащэу Ирина Селивановар ары.

· Зэдэгупшысэгъухэм я Клуб изэхэщэнкIэ мафэр зэфашIыжьыгъ. Хэлэжьагъэмэ когнитивнэ хэхъоныгъэм иприемхэр зэрагъэшIагъэх, псынкIэу еджэнхэр ыкIи экспресс-диагностикэмрэ дэIонымрэ. Спикерыр: МКъТУ-м ипсихологическэ къулыкъу ипащэу Людмила Краснова. Зэхэсыгъом къдыхэлъытагъэу турнирэу Майндфитнесым щытекIуагъэхэр агъэшIуагъэх. ТекIоныгъэ къыдэзыхыгъэхэр:

— а I-рэ чIыпIэр — Ангелина Васильева (инженернэ факультет);

— я 2-рэ чIыпIэр — Данил Новиков (инженернэ факультет);

— я 3-рэ чIыпIэр — Ясмина Ужаховар (стоматологическэ факультет).

Форумым иятIонэрэ мафэ инженернэ инновациехэм ыкIи предпринимательствэм афэгъэхьыгъэщт. Хэлажьэхэрэмэ «Салон беспилотной авиации» зыфиIорэр арагъэлъэгъущт, ащ къащагъэлъэгъощтых Студенческэ конструкторскэ бюром ыкIи Дзэ егъэджэн гупчэу МКъТУ-м хахьэрэм ащызэхагъэуцуагъэхэр. Форумым икIэухым фильмэу «Техпреды» зыфиIорэр къагъэлъэгъощт, научнэ кином и Мафэ ар фэгъэхьыгъэщт.

МКъТУ-м и «Точка кипение» икомандэу дгъэлъапIэрэр!

Илъэси 4 шъузэрэхъугъэм пае тышъуфэгушIо! А илъэсхэм къакIоцI хъооу гукъэкIхэр къызщыхъухэрэр, проектхэр зыщызэхагъэуцохэрэр жъугъэпсыгъэ. Шъуиэнергие, шъуиIэпэIэсэныгъэ ыкIи имышIыкIэу шъушIэхэрэр гукъыдэчъ студентхэми кIэлэегъаджэхэми афэрэхъух! Iофэу шъушIэрэм, шъуиIахьэу тинаукэ ыкIи тигъэсэныгъэ хашъулъхьэрэм апае тхьашъуегъэпсэу!