Мыекъопэ къэралыгъо технологическэ университетым программэу «Къулыкъу ахьызэ егъэджэгъэнхэр» зыфиIорэр игъэкIотыгъэу щагъэцакIэ, ащ ишIуагъэкIэ студентмэ социальнэ пшъэрылъхэр щызэшIуахых.

А гукъэкIым елъытыгъэу проектэу «Студентхэр программэу «Къулыкъу ахьызэ егъэджэгъэнхэм» хэщэгъэнхэм фэгъэхьыгъэр рагъэжьагъ, ар зыфытегъэпсыхьагъэр ныбжьыкIэхэр общественнэ мэхьанэ зиIэ Iофыгъохэм ахэгъэлэжьэгъэнхэр ары.

Программэм имэхьанэ:  теорием къикIэу практикэм нэсэу

«Къулыкъу ахьызэ егъэджэгъэнхэр» — ар егъэджэн модуль къодыеп, ар философие псау, гъэсэныгъэмрэ социальнэ пшъэдэкIыжьымрэ зэрепхых. Программэм студентмэ амалыкIэхэр аретых:

— академическэ шIэныгъэхэр практическэ проектхэм ащагъэфедэнхэу;

— обществэм къышъхьэпэщт гукъэкIхэр гъэцэкIэгъэнхэр;

— шъолъырым исоциальнэ-экономическэ хэхъоныгъэ яIахь халъхьаныр;

— команднэ IофшIэнымкIэ уасэ зимыIэ опыт зэрагъэгъотыныр ыкIи проектнэ менеджментым зыфагъэсэныр.

Проектым икомандэ: пэрытыкIэхэр — гукъэкIыкIэхэр

2025-2026-рэ еджэгъу илъэсым проектыр зыгъэцэкIэгъэ студентхэр:

Я 3-рэ курсыр, купыр ГУ-31-рэ: Хьамырзэкъо Ислъам, Дарья Беляевар, Делэкъо Дарина, Анастасия Гладких, Александр Калашниковыр, Артём Верескуновыр;

Я 2-рэ курсыр, купыр ГУ-21-рэ: Тао Самира  ыкIи Эмма Галаян.

ГукъэкIыр 2025-рэ илъэсым аублагъ, лъэныкъоу «Къэралыгъо ыкIи муниципальнэ гъэIорышIэныр» къэзыухыгъэхэм — Шэуджэн Заринэ, Къумыкъу Мыхьамэт, Чэужъ Джэнэт ыкIи Закар Асланян. Проектыр зыгъэхьазырыгъэхэм янаучнэ пащэр КIыржьын Светлан Аслъанэ ыпхъур ары. Социальнэ гъусэгъоу яIагъэр ФГБОУ ВО «МКъТУ», зэхэщэкIо ыкIи методическэ IэпыIэгъу аритыгъ.

Хэт студентыкIэхэр къахэзыщэхэрэр?

Апэрэ курсым щеджэхэрэр къыхащэнхэм пае командэм шIыкIэ зэфэшъхьафхэр егъэфедэх:

I.     Гъэсэныгъэ лекциехэр — «Къулыкъу ахьызэ егъэджэгъэнхэр» зыфиIорэм ипшъэрылъхэм нэIуасэ фэшIыгъэнхэр.

2.      Кейс дэгъухэм лъэтегъэуцо афэшIыгъэныр — социальнэ проектэу обществэм шIуагъэ къыфэзыхьэу ашIыгъахэхэр къэгъэлъэгъогъэнхэр.

3.      Интерактивнэ упчIэжьэгъухэр — гуфэкIо ыкIи шIушIэ IофхэмкIэ студентмэ опытэу яIэр.

4.      Хэлажьэрэмэ аIукIэнхэр — практическэ Iофтхьабзэхэу къадэхъугъэхэмкIэ адэгощэнхэр.

Программэу «Къулыкъу ахьызэ егъэджэгъэнхэр» зыфиIорэр егъэджэн IофшIэным диштэу хэлажьэрэмэ апэбгъохыщтыр:

Хъугъахэр — цIыфхэм ящыIакIэ нахьышIу зышIыгъэ проектхэр алъэгъунхэр.

soft skills ихэхъоныгъэхэр — коммуникациемэ къащыублагъэу пэрытныгъэм ыкIи гъэIорышIэным анэсыжьэу.

Зэдэгупшысэгъухэм ясообществэ — шIурэ зэфагъэрэ дунаим къыфэзыхьырэмэ гъусэ уафэхъуныр

—Еджэн закъор арэп, зэгорэ пшIэнымкIэ ар амалышIу дэд. Проект пэпчъ — неущрэ мафэм екIурэ лъэубэкъу цIыкIу,  — къыхегъэщы проектым хэлажьэрэмэ ащыщым.

Движением шъукъыхахьэх!

Программэу «Къулыкъу ахьызэ егъэджэгъэнхэр» зыфиIорэм щыщ шъухъунэу шъуфаемэ, социальнэ проектхэмкIэ шъуигукъэкIхэр къишъуIотыкIых:

— шъолъырым игумэкIыгъохэр дэгъэзыжьыгъэнхэмкIэ;

— студенческэ гуфакIом иIофхэр лъыгъэкIотэгъэнхэмкIэ;

— социальнэ практикэ пытэхэр гъэпсыгъэнхэр.

Iофтхьабзэу щыIэщтхэм якъэбархэр МКъТУ-м исайт ижъугъотэщтых. Неущрэ мафэр шъуигукъэкIхэмкIэ къежьэ!