Непэ, чъэпыогъум и 12-м, Урысыем щыхагъэунэфыкIы мэкъу-мэщымрэ къыдэгъэкIыжьынымрэ я Мафэ — мэфэкIэу зиIофшIэнкIэ хэгъэгум игъомлапхъэ шъхьафитныгъэ зыгъэпсыхэрэр зиер, мэкъу-мэщым хэхъоныгъэ егъэшIыгъэным зиIахьышIу хэзылъхьэхэрэм.

Мыекъопэ къэралыгъо технологическэ университетыр Адыгэ Республикэм имэкъумэщышIэ IофышIэхэм афэгушIо!

Адыгеим иэкономикэ къэзыIэтырэмэ зэу ащыщ АПК-р, ащ хэхъоныгъэ егъэшIыгъэным чанэу МКъТУ-р хэлажьэ. Непэ тиуниверситет мэкъу-мэщ отраслэм, агропромышленнэ комплексым ащылэжьэщт кадрэхэр егъэхьазырых.

Университетым иструктурэ хэхьэх: мэкъу-мэщымкIэ Научнэ-ушэтэкIо институтыр, ар лэжьыгъэм икъэгъэкIын епхыгъэ Iофыгъохэм апылъ. Ащ фэшъхьафэу, мэкъу-мэщ технологиехэм яфакультет непэрэ производствэм дэлэжьэн зылъэкIыщт специалистхэр щагъэхьазырых, къыдэгъэкIыжьын процессым хэщэгъэщтхэр, нэмыкIхэр. Университетыр чанэу производственнэ секторым дэлажьэ. Апшъэрэ еджапIэм инаучнэ гъусэгъу компаниеу «RUSEED» ыкIи УрысыемкIэ апэрэу агъэпсыгъэ Агробиотехнопаркэу «Джаджэм» ирезидент.

Ащ фэшъхьафэу, МКъТУ-м бэшIагъэу щагъэцакIэ программэу «Фермерым иеджапIэ», ар Россельхозбанкым, мэкъу-мэщымкIэ АР-м и Министерствэ ыкIи МКъТУ-м зэдашIыгъэ зэзэгъыныгъэм къапкъырэкIы. Ащ ишIуагъэкIэ агробизнесым ылъэныкъокIэ специалистмэ шIэныгъэхэр агъотых, яунэе Iофхэр къызэIуахышъух. Университетым мэхьанэ зиIэ IофшIэнэу ыгъэцакIэхэрэмэ ащыщ кIэлэеджакIомэ адэлэжьэгъэныр, нахьыжьэу сэнэхьатэу къыхахыщтым къыфэгъэущыгъэнхэр.

2022-рэ илъэсым мэкъу-мэщ продукцием ипроизводствэ технологиехэм якафедрэ проектэу «Мэкъу-мэщ классхэр» зыфиIорэр щатIупщыгъагъ, ащ ишIуагъэкIэ нэбгырабэмэ янеущрэ сэнэхьатыр къыхахы. Программэр агъэцакIэфэ нэбгырэ 30-мэ егъэджэнхэр акIугъэх.

Мыекъопэ къэралыгъо технологическэ университетыр шъолъырым мэкъу-мэщым хэхъоныгъэ щегъэшIыгъэным иIофыгъохэм зэрахэлажьэрэм рэгушхо, хабзэхэр, наукэр ыкIи инновациехэр зэрепхых.

МэкъумэщышIэм иIофшIэн сыдигъокIи шIуагъэ къерэт! МэфэкIымкIэ тышъуфэгушIо!