Мыекъопэ къэралыгъо технологическэ университетым программэу «МКъТУ-м игъусэхэу къулыкъу ахьызэ егъэджэгъэнхэр зыфиIорэр щырагъэжьагъ, ар федеральнэ проектэу «Къулыкъу ахьызэ егъэджэгъэнхэр. Апэрэхэр» зыфиIорэм къыдыхэлъытагъ. Урысые Федерацием игъэсэныгъэ организациехэу пилотнэ проектым хэхьагъэхэр ащ хэлажьэх.

Iофтхьабзэ иным кIэлэеджэкIуи 120-рэ, гъэсэкIо-студент 60, кIэлэегъэджэ 50 ыкIи социальнэ гъусэгъу 15-рэ хьакIэхэмрэ хэлэжьагъэх.

Программэм студентхэр, кIэлэегъаджэхэр, общественнэ организациехэм ялIыкIохэр ыкIи социальнэ институтхэр зэрипхыгъэх, ахэр зэкIэ социальнэ проектхэм ягъэпсын ыкIи ягъэцэкIэн дэлажьэх, обществэм шIуагъэ къыфэзыхьырэ Iофыгъомэ.

ШIуфэс псалъэ къэзышIыгъэхэр: гъэсэныгъэмрэ шIэныгъэмрэкIэ Адыгэ Республикэм и Минситрэ игуадзэу Артём Журавель, МКъТУ-м егъэджэн IофшIэнымкIэ ипроректорэу Людмила Задорожнаяр, Апэрэхэм я Движение икъутамэу Адыгеим щыIэм ипащэу Ованес Шекерьянц. НыбжьыкIэмэ социальнэ пшъэдэкIыжьэу ахьырэм, ягражданскэ екIолIакIэ, къулыкъу зэрахьырэм мэхьанэшхо зэряIэр ахэмэ къыхагъэщыгъ.

Iофтхьабзэм къыдыхэлъытагъэу программэм иположение шъхьаIэхэм ныбжьыкIэхэр нэIуасэ фашIыгъэх Апэрэхэм я Движение ишъолъыр къутамэ и Совет итхьаматэ игуадзэу Мария Филоновамрэ программэм икоординаторэу Хьанэхъукъо Заремэрэ.

Официальнэ Iахьым ыуж проектнэ командэмэ яегъэжьэпIэ сессием фежьагъэх, ащ щашIагъэхэр:

— гъэсэкIо-студентмэ Апэрэхэм я Движение ацIэкIэ хэлажьэрэмэ шIухьафтынхэр афашIыгъэх;

— социальнэ пшъэрылъхэр зыфэдэхэр командэмэ зэхафыгъ, пшъэрылъхэр агъэнэфагъэх, проектмэ къапыкIыщт шIуагъэм пэшIорыгъэшъэу егупшысагъэх;

— социальнэ гумэкIыгъомэ ядэгъэзыжьынкIэ зэхэт стратегие зэхагъэуцуагъ, тапэкIэ зэрэзэдэлэжьэщтхэм зэдегупшысагъэх.

Апэрэ мафэр джэгукIэу «Манифест ценностей» зыфиIорэмкIэ аухыгъ, ащ хэлэжьагъэмэ яунэе манифестхэр зэхагъэуцуагъэх.

Программэу «МКъТУ-м игъусэхэу къулыкъу ахьызэ егъэджэгъэнхэр зыфиIорэм иIофшIэн лъигъэкIотэщт, ар социальнэ гукъэкIкIэ байхэм, пэрытыныгъэ шэн зыхэлъхэм, студентхэм адэлэжьэнхэмкIэ опыт зиIэхэм, кIэлэегъаджэхэм ыкIи кIэлэеджакIохэм афэгъэхьыгъ.