Мыекъопэ къэралыгъо технологическэ университетым и «Точка кипение» Iэнэ хъураеу «Лъэпкъ шъуашэм ихудожественнэ хабзэхэр: культурнэ лъэныкъоу непэрэ щыIакIэм ащ щиубытырэр» зыфиIорэр щыкIуагъ, ар адыгэ лъэпкъ шъуашэм и Мафэ фэгъэхьыгъагъ. Зэхэсыгъор КIэдэкIое Нафсэт зэрищагъ.

Зэхэсыгъом ипшъэрылъыр — лъэпкъ шъуашэм итарихъ, ар непэрэ щыIакIэм зэрэдиштэрэм тегущыIэгъэныр ыкIи  тиобществэ чIыпIэу щиубытрэр гъэнэфэгъэныр.

Культурэм иIофышIэ гъэшIуагъэхэу къырагъэблэгъагъэхэр:

СтIашъу Юр — Адыгэ Республикэм культурэмкIэ изаслуженнэ IофышI, художник-модельер, искусствэм ылъэныкъокIэ АР-м и Къэралыгъо премие илауреат;

Даур Людмил — Адыгэ Республикэм итеатральнэ объединение кIэкIо шъуашэхэмкIэ исурэтышI;

Цэй Сусан — Адыгэ Республикэм и Лъэпкъ музей этнографиемкIэ иотдел ипащ;

ЕмыкI Нурджан — Т.М. КIэращэм ыцIэ зыхьырэ АРИГИ-м славянэ-адыгэ культурнэ зэпхыныгъэхэмкIэ иотдел инаучнэ IофышIэ шъхьаI;

Хэшх Ирин — Адыгэ Республикэм и Лъэпкъ музей этнографиемкIэ иотдел инаучнэ IофышIэ шъхьаI;

Къуекъо Саид — дизайнер, Адыгэ Республикэм итеатральнэ объединение кIэкIо шъуашэхэмкIэ исурэтышI;

Пэрэныкъо Рузан — брендэу «RUZANNAPARANUK» зыфиIорэр ий;

Ольга Бреславцевар — У.Х. Тхьабысымэм ыцIэ зыхьырэ АРКИ-м иотделениеу «Декоративно-прикладного искусства и народных промыслов» зыфиIорэм ипащ;

ТIэшъу Мазагъ— У.Х. Тхьабысымэм ыцIэ зыхьырэ АРКИ-м иотделениеу «Декоративно-прикладного искусства и народных промыслов» зыфиIорэм икIэлэегъадж;

Ацумыжъ Сар — У.Х. Тхьабысымэм ыцIэ зыхьырэ АРКИ-м иотделениеу «Актерское искусство» зыфиIорэм ипащ.

Зэхэсыгъом мыщ фэдэ докладхэр къыщашIыгъэх:

— «Лъэпкъ шъуашэхэр гъэпсыжьыгъэнхэмкIэ репликэмэ ямэхьанэ» — Наталья Калашниковар, культурологием идоктор, СПбГУПТД-м ипрофессор, Урысые этнографическэ музеим иотдел ипащ, УФ-м наукэмкIэ изаслуженнэ IофышI.

— Докладэу «Соня Делоне и идеи симультанной живописи в моде» зыфиIорэр — Марина Блюмин, искусствоведениемкIэ кандидат, Къэралыгъо Эрмитажым къычIахьэхэрэмкIэ и Сектор ипащ, СПбГУПТД-м идоцент, Урысыем исурэтышIхэм я Сюз хэт.

— Докладэу «Под брендом circassian: почему европейские модницы XVIII–XIX вв. полюбили circassian style?» — Нэфлъэшъо Наима, тарихъ шIэныгъэхэмкIэ кандидат, доцент, РАН-м востоковедениемкIэ и Институт инаучнэ IофышIэ шъхьаI .

— Докладэу «Особенности стилизации традиционного костюма в театрах Адыгеи второй половины XX в.» зыфиIорэр — Шъхьэлэхъо Светлан, Адыгэ Республикэм искусствэхэмкIэ изаслуженнэ IофышI, Урысыем итеатральнэ IофышIэхэм я Союз хэт, театровед, У.Х. Тхьабысымэм ыцIэ зыхьырэ АРКИ-м икIэлэегъадж.

— Докладэу «Адыгский костюм в современной сценической практике: разрыв с традицией?» — Цэй Зарема, тарихъ шIэныгъэхэмкIэ кандидат, АКъУ-м адыгэ филологиемкIэ ыкIи культурэмкIэ ифакультет икафедрэ идоцент.

— Докладэу «Современный взгляд на традицию золотого шитья адыгов» зыфиIорэр — Джармэкъо Зурет, Лъэпкъ-художественнэ IэшIагъэхэмкIэ мастер, Ассоциациеу «Промыслы и ремесла Адыгеи» зыфиIорэм хэт.

— Докладэу «Стилизация традиционного костюма адыгов: из опыта ателье свадебного платья Сабины Меремовой» зыфиIорэр — Сабина Меремовар, нысэщэ джанэм иателье ипащ.

ЗызэхэгущыIэжьхэм ыуж Iэнэ хъураем хэлэжьагъэхэр Лъэпкъ музеим кIуагъэх, экспозициехэр зэрагъэлъэгъугъэх, МКъТУ-м щеджэрэ студентхэмрэ къычIитIупщыгъэхэмрэ къагъэлъэгъогъэ шъуашэхэм яплъыгъэх.

Евгений Шварцым иунэ нэужым зэрагъэлъэгъугъ, адыгэмэ къахэкIыгъэ иорданскэ сурэтышIэу Зейны Эль-Саид икъэгъэлъэгъонэу «Коды родной культуры» зыфиIорэм, джащ фэдэу музееу «Золотая кладовая Аси Еутых» зыцIэм ащыIагъэх.

Лъэпкъ шъуашэм ихудожественнэ хабзэхэр, ахэмэ якультурнэ лъэныкъор непэрэ щыIакIэм зэрэдиштэрэмкIэ опытэу яIэр Iэнэ хъураем щызэдагощыгъ, ащкIэ ар мэхьанэ зиIэ площадкэ дэгъу хъугъэ.